ပြည်ပသို့စေလွှတ်သည့် စီးပွားရေးသံမှူးများ စီမံကြီးကြပ်ခြင်းအတွက် ၂၀၁၈ ခုနှစ်၊ ဧပြီလ ၁ ရက်နေ့မှစတင်၍ တာဝန်ယူကြီးကြပ် ဆောင်ရွက်ပါသည်။
မြန်မာနိုင်ငံ၏စီးပွားရေးဖွံ့ဖြိုးတိုးတက်ရေး၊ ကုန်သွယ်မှုနှင့်ရင်းနှီးမြှုပ်နှံမှုတိုးမြှင့်နိုင်ရေးတို့ကို အထောက်အကူပြုစေရေးအတွက် စီးပွားရေးသံမှူးများအား စီးပွားရေးအရအရေးပါသောနိုင်ငံ များသို့စေလွှတ်၍ ထိရောက်စွာ ဆောင်ရွက်နိုင်ရန်ရည်ရွယ်ပါသည်။
စီးပွားရေးသံမှူးများစေလွှတ်ထားရှိသည့်နိုင်ငံများ
ဂျပန်နိုင်ငံ၊ ကိုရီးယားသမ္မတနိုင်ငံ၊ အိန္ဒိယနိုင်ငံ (နယူးဒေလီမြို့၊ ကော်လ်ကတ္တားမြို့)၊ စင်ကာပူနိုင်ငံ၊ ထိုင်းနိုင်ငံ၊ တရုတ်ပြည်သူ့ သမ္မတနိုင်ငံ (ပေကျင်းမြို့၊ နန်နင်းမြို့၊ ကူမင်းမြို့၊ ဟောင်ကောင်မြို့)၊ အမေရိကန်ပြည်ထောင်စု၊ ယူအေအီးနိုင်ငံ(ဒူဘိုင်းမြို့)၊ ဂျာမနီ နိုင်ငံ၊ ဗီယက်နမ်နိုင်ငံ၊ ရှရှားနိုင်ငံ၊ ဖိလစ်ပိုင်နိုင်ငံ။
စီးပွားရေးသံမှူးများ၏လုပ်ငန်းတာဝန်များ
- သက်ဆိုင်ရာနိုင်ငံ၏ စျေးကွက်သတင်းအချက်အလက်နှင့်သုံးသပ်ချက်များ လေ့လာတင်ပြခြင်း၊
- မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုအခြေအနေနှင့်စီးပွားရေးဝန်းကျင် ဆိုင်ရာအချက်အလက်များအား အမြဲမပြတ်လေ့လာ စုဆောင်း၍ သက်ဆိုင်ရာနိုင်ငံ၌ ရှင်းလင်းတင်ပြခြင်း၊
- မြန်မာနိုင်ငံ၏ ထုတ်ကုန်ပစ္စည်းများအား သက်ဆိုင်ရာနိုင်ငံများတွင် ဈေးကွက် ထိုးဖောက်နိုင်ရေးနှင့်တိုးမြှင့်တင်ပို့နိုင်ရေးအတွက် ကူညီပေးခြင်း၊
- သက်ဆိုင်ရာနိုင်ငံများမှ စီးပွားရေးဆိုင်ရာဝန်ကြီးများ၊ အဆင့်မြင့်အရာထမ်းများ၊ ပုဂ္ဂလိကစီးပွားရေးလုပ်ငန်းရှင်များ၊ အသင်း အဖွဲ့များနှင့် ရင်းနှီးစွာဆက်ဆံ၍ မြန်မာနိုင်ငံ၏ပို့ကုန်မြှင့်တင်ရေး၊ ရင်းနှီးမြှုပ်နှံမှုဖိတ်ခေါ်ရေး၊ စီးပွားရေးဖွံ့ဖြိုးတိုးတက်ရေး အစီ အစဉ်များ၊ စီးပွားရေး ကိုယ်စားလှယ်အဖွဲ့များ၏ခရီးစဉ်များ၊ စီးပွားရေးတွေ့ဆုံဆွေးနွေးပွဲများ၊ ကုန်စည်ပြပွဲများနှင့်အခြားလိုအပ် သော စီးပွားရေးမြှင့်တင်မှု အစီအစဉ်များကို ဆောင်ရွက်ပေးခြင်း။
