တရုတ်နိုင်ငံ၏ ငွေကြေးမဟုတ်သော ပြင်ပတိုက်ရိုက်ရင်းနှီးမြှုပ်နှံမှု (ODI)သည် ယခုနှစ် ပထမငါးလအတွင်း ဂဏန်းနှစ်နေရာ တိုးလာကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက ကြာသပတေးနေ့တွင် ပြောကြားခဲ့သည်။

ပြည်တွင်းရင်းနှီးမြှုပ်နှံသူများသည် ဇန်နဝါရီမှ မေလအတွင်း ငွေကြေးမဟုတ်သော ODI မှ အမေရိကန်ဒေါ်လာ ၅၁ ဒသမ ၇၈ ဘီလီယံ (ယွမ်ငွေ ၃၇၀ ဒသမ ၃၆ ဘီလီယံ) ခန့်ကို ရရှိခဲ့ ကြောင်း ဝန်ကြီးဌာန၏ ပြောရေးဆိုခွင့်ရှိသူ Shu Jueting က ပြောကြားခဲ့သည်။ ၎င်းသည် ယခင်နှစ်အလားတူကာလထက် စာရင်းဇယားအရ ၁၆ ဒသမ ၁ ရာခိုင်နှုန်း မြှင့်တက်လာခြင်းဖြစ်သည်။

Belt and Road Initiative တွင် ပါ၀င်သော နိုင်ငံများ၏ ငွေကြေးမဟုတ်သော ODI သည် ပထမငါးလအတွင်း အမေရိကန်ဒေါ်လာ ၉ ဒသမ ၁၆ ဘီလီယံကျော်လွန်လာသဖြင့် လွန်ခဲ့သော နှစ်ကထက် ၁၉ ဒသမ ၆ ရာခိုင်နှုန်း တိုးတက်လာပြီး ခိုင်မာသော တိုးတက်မှုကို ထိန်းသိမ်းထားနိုင်ကြောင်း Shu က ပြောကြားခဲ့သည်။

တရုတ်နိုင်ငံ၏ နိုင်ငံခြားစာချုပ်ချုပ်ဆိုထားသော စီမံကိန်းများ၏ တန်ဖိုးသည် ပထမငါးလ အတွင်း ယွမ် ၄၉၃ ဒသမ ၉ ဘီလီယံ (အမေရိကန်ဒေါ်လာ ၆၉ ဘီလီယံ) ဝန်းကျင်ရှိပြီး တစ်နှစ် ထက်တစ်နှစ် ၂ ဒသမ ၆ ရာခိုင်နှုန်း ကျဆင်းသွားသော်လည်း လုပ်ငန်းလည်ပတ်မှုမှာ ယွမ် ၃၇၁ ဒသမ ၉ ဘီလီယံကျော်အထိ ၈ ရာခိုင်နှုန်း မြင့်တက်ခဲ့ကြောင်း ၎င်းက ဖြည့်စွက်ပြောခဲ့သည်။

Source: http://www.chinadaily.com.cn/a/202306/15/WS648ac4efa31033ad3f7bc795.html

စီးပွားရေးသံမှူး၊ ကူမင်းမြို့