ဗီယက်နမ်နိုင်ငံသည် ယခုနှစ် ၁၁ လအတွင်း ဒူးရင်းတင်ပို့မှုမှ အမေရိကန်ဒေါ်လာ ၃.၁ ဘီလီယံရရှိခဲ့ကာ ယခင်နှစ်တင်ပို့မှုထက် ၄၄ ရာခိုင်နှုန်းတိုးလာကြောင်း အကောက်ခွန် အချက် အလက်များတွင် ဖော်ပြချက်အရ သိရှိရပါသည်။ တရုတ်နိုင်ငံသည် အကြီးဆုံးဈေးကွက်ဖြစ်ပြီး ပို့ကုန်အားလုံး၏ ၉၀ ရာခိုင်နှုန်း (အမေရိကန်ဒေါ်လာ ၂.၈ ဘီလီယံ) ရှိကာ တစ်နှစ်ထက်တစ်နှစ် ၄၃ ရာခိုင်နှုန်းတိုးလာကြောင်း ဖော်ပြထားပါသည်။
ပို့ကုန်သည် ထိုင်းနိုင်ငံက အမေရိကန်ဒေါ်လာ ၁၇၇ သန်းရှိဖြင့် ၈၂ ရာခိုင်နှုန်း တိုးလာ ကြောင်း၊ ဟောင်ကောင်နှင့် ဂျပန်တို့သည် ၁၆ ရာခိုင်နှုန်းနှင့် ၈၅ ရာခိုင်နှုန်း အသီးသီး တိုးမြင့်လာခဲ့ကြောင်း၊ ကမ္ဘောဒီးယားသို့ တင်ပို့မှုမှာ ၁၃၉ ဆမြင့်တက်ခဲ့ပြီး အမေရိကန်ဒေါ်လာ ၃ သန်း ရှိကြောင်း ရေးသားဖော်ပြထားပါသည်။
ဗီယက်နမ်သစ်သီးဝလံနှင့် ဟင်းသီးဟင်းရွက်အသင်း၏ အထွေထွေအတွင်းရေးမှူး Dang Phuc Nguyen က ၂၀၂၄ ခုနှစ်သည် ဒူးရင်းတင်ပို့မှုအတွက် ကောင်းမွန်သည့်နှစ်ဖြစ်ကြောင်း၊ သစ်သီးနှင့် ဟင်းသီးဟင်းရွက်တင်ပို့မှုသည် ယခုနှစ်တွင် ၂၀၂၃ ခုနှစ်ထက် ၂၇ ရာခိုင်နှုန်း တိုးလာကာ အမေရိကန်ဒေါ်လာ ၇.၁ ဘီလီယံရှိမည်ဟု ခန့်မှန်းထားကြောင်း သိရှိရပါသည်။
ဗီယက်နမ်နိုင်ငံသည် အသင့်အေးခဲထားသော ဒူးရင်းအနှစ်ထုတ်များကို တရုတ်နိုင်ငံသို့ စတင်တင်ပို့နေသောကြောင့် လာမည့်နှစ်တွင် ဒူးရင်းတင်ပို့မှုမြင့်တက်လာမည်ဟု မျှော်လင့်ရကြောင်း၊ အဆိုပါ ထုတ်ကုန်များသည် လတ်ဆတ်သောဒူးရင်းထက် တန်ဖိုးပိုမိုရရှိစေမည်ဖြစ်ပြီး အရည်အသွေးပြည့်မီကောင်းမွန်ဆဲဖြစ်ပြီး ပုံစံအနည်းငယ်ချို့ယွင်းနေသော အသီးအနှံများကို တောင်သူလယ်သမားများအသုံးပြုရန် ကူညီပေးမည်ကြောင်း ဖော်ပြထားပါသည်။
ဗီယက်နမ်နိုင်ငံသည် ဒူးရင်းစိုက်ပျိုးမှုဟက်တာ ၁၅၄,၀၀၀ ဝန်းကျင်ရှိပြီး နှစ်စဉ် ဒူးရင်းသီး တန်ချိန် ၁.၂ သန်းထွက်ရှိကြောင်း၊ ငှက်ပျောသီး၊ ပိန္နဲသီး၊ သရက်သီး၊ အုန်းသီး စသည့် အခြား သစ်သီးဝလံများ တင်ပို့မှုမှာလည်း ယခုနှစ် ၁၁ လအတွင်း ၂၀ ရာခိုင်နှုန်းမှ ၄၀၀ ရာခိုင်နှုန်းအထိ တစ်နှစ်ထက်တစ်နှစ် တိုးလာကြောင်း ဖော်ပြထားပါသည်။
Source: VN Express International
(စီးပွားရေးသံမှူး၊ မြန်မာသံရုံး၊ ဟနွိုင်းမြို့)
