တရုတ်နိုင်ငံ၏ ကောက်ပဲသီးနှံတင်သွင်းမှုသည် ယခုနှစ် ပထမနှစ်လတွင် ပုံမှန်တိုးတက်လျက်ရှိသည်ဟု တရားဝင်အချက်အလက်များ၌ ဖော်ပြထားကြောင်း သိရှိရပါသည်။

အဆိုပါ (၂) လအတွင်း တရုတ်နိုင်ငံသည် ကောက်ပဲသီးနှံတန်ချိန် (၁၃.၃၆) သန်း တင်သွင်းခဲ့ ပြီး တစ်နှစ်ထက်တစ်နှစ် (၂၉.၅၇) ရာခိုင်နှုန်း မြင့်တက်ခဲ့ကြောင်း စိုက်ပျိုးရေးနှင့် ကျေးလက်ရေးရာဝန်ကြီးဌာန၏ အချက်အလက်များအရ သိရှိရပါသည်။

သွင်းကုန်တန်ဖိုးအားဖြင့် အမေရိကန်ဒေါ်လာ (၄.၀၃) ဘီလီယံရှိပြီး ယခင်နှစ် အလားတူကာလထက် (၁.၃၈) ရာခိုင်နှုန်း မြင့်တက်လာခဲ့ကြောင်း သိရှိရပါသည်။

ဖေဖော်ဝါရီတစ်လတည်းတွင် တရုတ်နိုင်ငံ၏ ကောက်ပဲသီးနှံတင်သွင်းမှုသည် တန်ချိန် (၆.၇၆) သန်းနီးပါးရှိပြီး တစ်နှစ်ထက်တစ်နှစ် (၂၀.၈၄) ရာခိုင်နှုန်း တိုးလာကြောင်း ကိန်းဂဏန်းအချက်အလက်များက ဖော်ပြထားကြောင်း သိရှိရပါသည်။

Source: https://english.news.cn/20240404/0727d6fafbb14a03ad58d137e5192464/c.html

(စီးပွားရေးသံမှူး၊ နန်နင်းမြို့)