နိုင်ငံခြားတိုက်ရိုက်ရင်းနှီးမြှုပ်နှံမှု(FDI) ကို သိသိသာသာတိုးမြင့်လာစေရန်အတွက်ရည်ရွယ်ပြီး ၂၀၂၃ ခုနှစ်တွင် AED ၁၁၂ ဘီလီယံရှိခဲ့ရာမှ ၂၀၃၁ ခုနှစ်တွင် AED ၂၄၀ ဘီလီယံအထိမြင့်တက်လာစေရန် ရည်မှန်းထားသည့် ရည်မှန်းချက်ကြီးမားသော အမျိုးသားရင်းနှီးမြှုပ်နှံမှုမဟာဗျူဟာကို ယူအေအီးနိုင်ငံမှ ချမှတ်ခဲ့ပြီး ဤအစပြုမှုသည် နိုင်ငံ၏အနေအထားကိုခိုင်မာစေရန်အတွက် ကမ္ဘာလုံးဆိုင်ရာရင်းနှီးမြုပ်နှံမှုဗဟိုချက်အဖြစ် ပုံဖော်ထားခြင်းဖြစ်ပါသည်။

အဆိုပါမဟာဗျူဟာသည် လာမည့်ရှစ်နှစ်အတွင်းယူအေအီးနိုင်ငံ၏ စုစုပေါင်းနိုင်ငံခြားရင်းနှီးမြုပ်နှံမှုစတော့ရှယ်ယာကို AED ၈၀၀ ဘီလီယံမှ AED ၂.၂ ထရီလီယံအထိတိုးချဲ့သွားရန် ရည်ရွယ်ထားရှိပါသည်။ စက်မှုလုပ်ငန်း၊ ထောက်ပံ့ပို့ဆောင်ရေးလုပ်ငန်း၊ ဘဏ္ဍာရေးဝန်ဆောင်မှုလုပ်ငန်း၊ ပြန်လည်ပြည့်ဖြိုးမြဲစွမ်းအင်လုပ်ငန်းနှင့် သတင်းအချက်အလက်နည်းပညာလုပ်ငန်းများအပါအဝင် အဓိကတိုးတက်မှုကဏ္ဍများတွင်အာရုံစိုက်သွားမည်ဖြစ်ပြီး ယူအေအီးနိုင်ငံ၏ဂုဏ်သတင်းကို ကမ္ဘာ့စီးပွားရေး နှင့်အရင်းနှီးဆုံးသောပတ်ဝန်းကျင်များထဲမှတစ်ခုအဖြစ် အားဖြည့်ပေးသွားမည်ဖြစ်ပါသည်။

ယူအေအီးနိုင်ငံ ဒုသမ္မတနှင့်ဝန်ကြီးချုပ်ဖြစ်သူ Sheikh Mohammed bin Rashid Al Maktoum က ငွေကြေးကဏ္ဍဖွံ့ဖြိုးတိုးတက်ရေး၊ အဖွဲ့အစည်းဆိုင်ရာဆန်းသစ်တီထွင်မှုများကို တွန်းအားပေးရန်နှင့် ‘Invest UAE' အစီအစဉ်များကို အားကောင်းစေရန် ဦးစားပေးဆောင်ရွက်သွားမည်ဖြစ်ကြောင်း ဆိုရှယ်မီဒီယာ X တွင် ပြောကြားခဲ့ပါသည်။

တိုးတက်မှုကိုပံ့ပိုးနိုင်မည့် စီးပွားရေးနှင့်မူဝါဒပြုပြင်ပြောင်းလဲမှုများ

ရင်းနှီးမြှုပ်နှံမှုတိုးချဲ့မှုများနှင့်အညီ ယူအေအီးနိုင်ငံသည် စုစုပေါင်းရင်းနှီးမြှုပ်နှံမှုများတွင် FDI ၏ ရှယ်ယာပါဝင်မှုကို ၃၀ % နှင့် ၂၀၃၁ ခုနှစ်တွင် GDP ကို ၈ % အထိတိုးမြှင့်ရန်အတွက် ရည်မှန်းချက်ကို ချမှတ်ထားပါသည်။ ဤအမြင်ကိုပံ့ပိုးပေးရန်အတွက် ယူအေအီးနိုင်ငံအစိုးရအဖွဲ့သည် အောက်ပါတို့အပါအဝင် အခြားသောပြုပြင်ပြောင်းလဲမှုများကို မိတ်ဆက်ပေးခဲ့ပါသည် -

• ပိုမိုကောင်းမွန်သော ကျန်းမာရေးအကျပ်အတည်းစီမံခန့်ခွဲမှု - အရေးပေါ်ကြိုတင်ပြင်ဆင်မှု၊ အကြပ်အတည်းတုံ့ပြန်မှုများနှင့် အနာဂတ်ကျန်းမာရေးစိန်ခေါ်မှုများအတွက် ပြန်လည်ထူထောင်ရေးအစီအစဉ်များကို မြှင့်တင်ရန်မူဝါဒချမှတ်ခြင်း၊
• အဆင့်မြင့်ဆေးဘက်ဆိုင်ရာစည်းမျဉ်းများ - လိုင်စင်ရအစားထိုးကုသမှုစင်တာ ၁၃ ခုကျော်တို့တွင် အစားထိုးကုသခြင်းလုပ်ငန်းစဉ်များ ၃၀ % တိုးတက်လာစေခြင်းအားဖြင့် အသက်ကယ်ကုသမှုများ ပိုမိုရရှိလာစေရန်ရည်ရွယ်ထားခြင်း၊
• အမျိုးသားမြစိမ်းရောင်အသိအမှတ်ပြုလက်မှတ်များအစီအစဉ် - ကဏ္ဍအသီးသီးတို့တွင် ရေရှည်တည်တံ့သောတည်ဆောက်မှုဆိုင်ရာအလေ့အကျင့်များကို မြှင့်တင်ရန်အတွက် မိမိဆန္ဒအလျောက်အသိအမှတ်ပြုသည့် စနစ်အသစ်တစ်ခု၊ ပတ်ဝန်းကျင်ရေရှည်တည်တံ့ခိုင်မြဲမှုအတွက် ယူအေအီးနိုင်ငံ၏ ကတိကဝတ်ကိုအားဖြည့်ပေးခြင်း၊

ရင်းနှီးမြှုပ်နှံမှုနှင့် စဉ်ဆက်မပြတ်ဖွံ့ဖြိုးတိုးတက်မှုကို တွန်းအားပေးခြင်း

ယူအေအီးနိုင်ငံ၏ အမျိုးသားရင်းနှီးမြှုပ်နှံမှုမဟာဗျူဟာသည် ကမ္ဘာလုံးဆိုင်ရာအရင်းအနှီး၊ စက်သုံးဆီဆန်းသစ်တီထွင်မှုကိုဆွဲဆောင်ကာ ပိုမိုခံနိုင်ရည်ရှိပြီးမတူကွဲပြားသောစီးပွားရေးတစ်ရပ်ကို ဖန်တီးနိုင်ရန်မျှော်လင့်ထားပါသည်။ မူဝါဒတိုးတက်မှုများနှင့်စည်းမျဉ်းစည်းကမ်းမြှင့်တင်မှုများမှတစ်ဆင့် ယူအေအီးနိုင်ငံသည် ရေရှည်တည်တံ့ပြီးအားလုံးပါဝင်နိုင်သည့် တိုးတက်မှုများကိုမြှင့်တင်ပေးလျက်ရှိပြီး ထိပ်တန်းကမ္ဘာ့ရင်းနှီးမြုပ်နှံမှုပန်းတိုင်အဖြစ် ၎င်း၏အဆင့်အတန်းကိုဆက်လက်ခိုင်မာစေခဲ့ကြောင်း သတင်းဌာနမှ ဖော်ပြထားပါသည်။

Source:         Khaleej Times

(နန္ဒာစိုးမြင့်၊ စီးပွားရေးသံမှူး၊ ဒူဘိုင်းမြို့)