ရုရှားနိုင်ငံ၏ ဓာတ်သတ္တုဓာတ်မြေသြဇာထုတ်လုပ်နိုင်မှုသည် ၂၀၂၅ ခုနှစ်တွင် မက်ထရစ်တန် ၆၅ သန်းအထိ၊ ၃ ရာခိုင်နှုန်းတိုးတက်လာနိုင်ပြီး ပြည်ပနိုင်ငံများသို့ တင်ပို့မှုသည် မက်ထရစ်တန် ၄၄ သန်းအထိ၊ ၅ ရာခိုင်နှုန်းတိုးတက်လာနိုင်ကြောင်း ရုရှားဓာတ်မြေသြဇာထုတ်လုပ်သူများအသင်း (RAFP) ဥက္ကဋ္ဌ Mr. Andrey Guryev က ပြောကြားခဲ့သည်။
ကမ္ဘာ့ဈေးကွက်အခြေအနေအရ ယခုနှစ်တင်ပို့နိုင်မှုသည် တန်ချိန် ၄၄ သန်းအထိ တိုးလာနိုင်ပြီး ယခင်နှစ်တင်ပို့နိုင်မှုထက် ၂ သန်း ပိုမိုတင်ပို့နိုင်မည်ဖြစ်ကြောင်း၊ ဓာတ်မြေသြဇာစက်ရုံများသည် ယင်းပမာဏကိုအခြေခံ၍ ၎င်းတို့၏ထုတ်လုပ်မှုအစီအစဉ်ကို စီစဉ်နေကြကြောင်း၊ စက်ရုံများ၏အကောင်အထည်ဖော်မှု၏ရလဒ်သည် ၂၀၂၅ ခုနှစ်တွင် ဓာတ်မြေသြဇာထုတ်လုပ်နိုင်မှုသည် စံချိန်တင်မက်ထရစ်တန်ချိန် ၆၅ သန်းထိရှိလာမည်ဖြစ်ကြောင်း Mr. Andrey Guryev က ပြောကြားခဲ့သည်။
၂၀၂၄ ခုနှစ်တွင် ရုရှားနိုင်ငံ၏ ဓာတ်မြေသြဇာထုတ်လုပ်နိုင်မှုသည် မက်ထရစ်တန်ချိန် ၆၃ သန်းရှိခဲ့ပြီး တင်ပို့နိုင်မှုသည် မက်ထရစ်တန်ချိန် ၄၂ သန်းအထိ စံချိန်တင်ခဲ့သည်။ ပမာဏတိုးတက်တင်ပို့နိုင်သော နိုင်ငံများမှာ အာရှနိုင်ငံများသို့ ၃၆ ရာခိုင်နှုန်း၊ လက်တင်အမေရိကသို့ ၂၅ ရာခိုင်နှုန်းနှင့် အာဖရိကသို့ ၅ ရာခိုင်နှုန်း ပိုမိုတင်ပို့နိုင်ခဲ့သည်။
ရုရှားနိုင်ငံမှ ဓာတ်မြေဩဇာအဓိကတင်ပို့သော နိုင်ငံများမှာ ဘရာဇီး၊ အိန္ဒိယ၊ အမေရိကန်၊ တရုတ်၊ မက္ကဆီကို၊ အင်ဒိုနီးရှား၊ တူကီယဲ၊ ပြင်သစ်၊ ဂျာမနီ၊ မလေးရှား စသည့်နိုင်ငံများကြောင်း သိရသည်။
Source : https://tass.com/economy/1926709
(ခွန်မျိုးသူ၊ စီးပွားရေးသံမှူး၊ မော်စကိုမြို့)