အမေရိကန်နိုင်ငံသို့ တင်သွင်းလျက်ရှိသည့် တရုတ်သွင်းကုန်ပစ္စည်းများအတွက် ဂယ်ပေါက် တစ်ခုဖြစ်သော အမေရိကန်ဒေါ်လာ (၈၀၀) အောက် တန်ဖိုးနည်းပစ္စည်းများ (De Minimis) အတွက် သွင်းကုန်ခွန်နှင့် အကောက်ခွန်ဆိုင်ရာ စစ်ဆေးမှုများကို ရွှေ့ဆိုင်းကြောင်း ပြင်ဆင်သည့်အမိန့်ကို အမေရိကန်သမ္မတကလက်မှတ်ရေးထိုးခဲ့ပြီး ၎င်းပြင်ဆင်ချက်အရ ယင်းတန်ဖိုးနည်းပစ္စည်းများ အပေါ် သွင်းကုန်ခွန်စည်းကြပ်ရန်နှင့် စစ်ဆေးမှုလုပ်ငန်းစဉ်များအတွက်စနစ်တစ်ခုကို ကူးသန်းရောင်းဝယ် ရေးဝန်ကြီးဌာနက တည်ဆောက်ပြီးသည်အထိ ရွှေ့ဆိုင်းသွားမည်ဖြစ်ကြောင်း၊ ယင်း ပြင်ဆင်ချက် အမိန့်ကြောင့် ကူးသန်းရောင်းဝယ်ရေးလုပ်ငန်းများနှင့် ထောက်ပံ့ပို့ဆောင်ရေး ဝန်ဆောင်မှု လုပ်ငန်း များ အကြား ရှုပ်ထွေးမှုဖြစ်ပေါ်ခဲ့ကာ အမေရိကန်စာတိုက်လုပ်ငန်း (U.S. Postal Services, USPS)သည် တရုတ်နှင့် ဟောင်ကောင်တို့မှ ပါဆယ်ထုပ်များကိုလက်ခံရန် ယာယီဆိုင်းငံ့ခဲ့ကြောင်း၊ အမေရိကန်ဒေါ်လာ (၈၀၀) အောက် တန်ဖိုးနည်းပစ္စည်းများသည် အမေရိကန်နိုင်ငံသို့ အကောက်ခွန် ကင်းလွတ်ခွင့်ဖြင့် ဝင်ရောက်နိုင်ရာ ၂၀၂၄ ခုနှစ်တွင် တန်ဖိုးနည်း ပစ္စည်းဝင်ရောက်မှု စုစုပေါင်းတန်ဖိုး အမေရိကန်ဒေါ်လာ (၁.၃၆) ဘီလီယံအထိ ရှိခဲ့သည်ဟု အမေရိကန် အကောက်ခွန်နှင့် နယ်စပ် ကာကွယ်ရေးဌာန (U.S. Customs and Border Protection, CBP)၏ အချက်အလက်များက ဖော်ပြ ထားကြောင်း၊ အကောက်ခွန်ဌာနအနေဖြင့် တန်ဖိုးနည်းပါဆယ်ထုပ်တစ်ခုချင်းစီကို ထိရောက်စွာ စိစစ် ခြင်း မပြုလုပ်နိုင်သဖြင့် ယင်းတန်ဖိုးနည်းပစ္စည်းများ တင်သွင်းရာတွင် ထပ်တိုးစာရွက်စာတမ်းများ၊ လိုအပ်ချက်များနှင့်ကိုက်ညီရန် ဆောင်ရွက်ရမည်ကို   လက်လီအရောင်းဆိုင်များနှင့် ထောက်ပံ့ပို့ ဆောင်ရေးဝန်ဆောင်မှုလုပ်ငန်းများက စိုးရိမ်လျက်ရှိကြကြောင်း၊ Temu မှတစ်ဆင့် ပစ္စည်း ဖြန့်ဖြူး ရောင်းချသည့်လုပ်ငန်းအချို့သည် အမေရိကန်သမ္မတ၏ ပြင်ဆင်ချက်ထုတ်ပြန်ချိန်မှစ၍ ရောင်းဈေး များကို တိုးမြှင့်လျက်ရှိပြီး အချို့ကလည်း Temu ၌ ရောင်းချလျက်ရှိသည့် ၎င်းတို့၏ ပစ္စည်းများကို ဖြုတ်ချခဲ့ကြကြောင်း သတင်းဖော်ပြချက်များအရ သိရှိရပါသည်။

စီးပွားရေးသံမှူး၊ ဝါရှင်တန်ဒီစီ