ထိုင်းနိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက သစ်သီးနှင့် လယ်ယာထွက်ကုန် များအတွက် လုပ်ငန်းစီးပွားချိတ်ဆက်မှု ပွဲတစ်ခုကို စီစဉ်ဆောင်ရွက်ခဲ့ပြီး ထိုင်းပို့ကုန် လုပ်ငန်းရှင်များ နှင့် နိုင်ငံခြား ဝယ်လက်များအကြား နားလည်မှုစာချွန်လွှာများ ရေးထိုးပွဲကိုလည်း ဆောင်ရွက်ခဲ့ ကြောင်း သိရှိရပါသည်။

အဆိုပါဆောင်ရွက်မှုမှ ဘတ် ၃.၅ ဘီလီယံ ပို့ကုန်ရောင်းအား တိုးမြှင့်ရရှိနိုင်ရေး ခန့်မှန်းထားခဲ့ပါ ကြောင်း၊ ထိုင်းသစ်သီးပို့ကုန်လုပ်ငန်း ၉၆ ခု နှင့် တရုတ်၊ ဥရောပ၊ အမေရိကန်၊ ဂျပန်၊ ဩစတြေးလျ၊ အရှေ့အလယ်ပိုင်း၊ တောင်အာရှ၊ ကမ္ဘောဒီးယား၊ လာအို၊ မြန်မာနှင့် ဗီယက်နမ်နိုင်ငံတို့မှ သွင်းကုန် လုပ်ငန်းရှင်များ၊ ဝယ်ယူသူများနှင့် ဖြန့်ချိသူ ၆၅ ဦး ပါဝင်တက်ရောက်ခဲ့ကြပါကြောင်း၊ လုပ်ငန်းစီးပွား ချိတ်ဆက်မှုကို မြေပြင်နှင့် အွန်လိုင်းနှစ်မျိုးလုံးဖြင့် စီစဉ်ကျင်းပခဲ့ရာ ချိန်းဆိုမှု ၅၀၀ ခုကျော်ရှိခဲ့ပါ ကြောင်း၊  ကုန်သွယ်ရေးညှိနှိုင်းမှုများမှ မှာယူမှု ဘတ် ၁.၅ ဘီလီယံသို့ ရောက်ရှိနိုင်ကြောင်း၊ အများစုမှာ ဒူးရင်းသီး၊ လေချူသီး၊ မင်းဂွတ်သီး၊ အုန်းသီးနှင့် ပြုပြင်ပြီး သစ်သီး ထုတ်ကုန်များဖြစ်ကြောင်း၊ တရုတ်၊ ဂျပန်၊ တောင်ကိုရီးယား၊ ထိုင်ဝမ်နှင့် အင်ဒိုနီးရှားတို့မှ ကုန်သွယ်ရေး မိတ်ဖက်များနှင့် ထိုင်းပို့ကုန် လုပ်ငန်းရှင်များအကြား နားလည်မှုစာချွန်လွှာ ၈ ခု လက်မှတ်ရေးထိုးခဲ့ပါကြောင်း ဒုတိယဝန်ကြီး H.E Mr. Napintorn Srisunpang က ပြောကြားခဲ့သည်။

ထိုင်းသစ်သီးများ၏ အထောက်အထားကို မြှင့်တင်ပေးသည့် ဇာတ်ကောင်တစ်ခုကို ထုတ်ပြန် ကြေညာခဲ့ပြီး သစ်သီးပြခန်းများ၊ စိုက်ပျိုးရေးထုတ်ကုန်များနှင့် ချက်ပြုတ်ပြသခြင်းတို့ ဆောင်ရွက်ခဲ့ပါ ကြောင်း၊ ပြပွဲ၏ ရည်ရွယ်ချက်မှာ ထိုင်းသစ်သီးပို့ကုန်များ၏ ကမ္ဘာ့အဆင့်ဈေးကွက်ဝေစုကို တိုးမြှင့်ရန်၊ ယှဉ်ပြိုင်နိုင်မှုကို တိုးမြှင့်ရန်နှင့် လတ်ဆတ်နှင့် ပြုပြင်ပြီး သစ်သီးများနှင့် စိုက်ပျိုးရေးထုတ်ကုန်များကို မိတ်ဆက်ပေးရန် ဖြစ်ကြောင်း ဒုတိယဝန်ကြီးက ဖြည့်စွက်ပြောကြားခဲ့သည်။

ယခုနှစ်တွင် ထိုင်းနိုင်ငံသည် နိုင်ငံခြားဈေးကွက်သို့ လတ်ဆတ်နှင့် ပြုပြင်ပြီး သစ်သီးတင်ပို့မှုကို တန်ချိန် ၄ သန်းထိ မျှော်မှန်းထားပါကြောင်း၊ အပြည်ပြည်ဆိုင်ရာ ကုန်သွယ်မှုမြှင့်တင်ရေးဦးစီးဌာနက နိုင်ငံခြား ဈေးကွက်များတွင် ထိုင်းသစ်သီးထုတ်ကုန်များကို အရောင်းမြှင့်တင်နိုင်ရေး စီမံချက် ၃၀ ခု ချမှတ်ဆောင်ရွက်သွားမည်ဖြစ်ရာ ဈေးဝယ်မောလ်များတွင် အရောင်းမြှင့်တင်ရေး ဆောင်ရွက်ချက် များနှင့် ကုန်စည်ပြပွဲများတွင် ကုန်သွယ်ရေး ညှိနှိုင်းမှုများ ပါဝင်ကြောင်း၊ ၂၀၂၄ ခုနှစ်တွင် ထိုင်းနိုင်ငံ သည် စိုက်ပျိုးရေးပို့ကုန်မှ အမေရိကန်ဒေါ်လာ ၂၈.၈ ဘီလီယံ ရရှိခဲ့ပါကြောင်း၊ လတ်ဆတ်၊ အေးခဲနှင့် သစ်သီးခြောက်တို့သည် ထိပ်တန်းပို့ကုန်ပစ္စည်းများဖြစ်ပြီး တန်ဖိုးအားဖြင့် အမေရိကန်ဒေါ်လာ ၆.၅၁ ဘီလီယံ၊ ဆန်သည် အမေရိကန်ဒေါ်လာ ၆.၄၄ ဘီလီယံ၊ ရာဘာသည် အမေရိကန်ဒေါ်လာ ၄.၉၉ ဘီလီ ယံ၊ ကြက်သားသည် အမေရိကန်ဒေါ်လာ ၄.၃၁ ဘီလီယံနှင့် ပီလောပီနံထုတ်ကုန်များသည် အမေရိကန် ဒေါ်လာ ၃.၁၃ ဘီလီယံ အသီးသီး ဖြစ်ကြောင်း သိရှိရပါသည်။

Source: www.bangkokpost.com စီးပွားရေးသံမှူး၊ ဗန်ကောက်မြို့။