အမေရိကန်နိုင်ငံ၏ ၂၀၂၅ ခုနှစ်၊ ဇန်နဝါရီလ အလုပ်အကိုင်သစ်ဖန်တီးမှုသည် မျှော်မှန်းထား သည်ထက်လျော့နည်းခဲ့ပြီး စုစုပေါင်းအလုပ်အကိုင်ခန့်ထားမှုသည် (၁၄၃,၀၀၀) ရှိသည်ဟု အမေရိကန် အလုပ်သမားဝန်ကြီးဌာနက ၇-၂-၂၀၂၅ ရက်တွင် ထုတ်ပြန်ခဲ့ပါသည်။ အလုပ်အကိုင် အသစ်များ ဖန်တီးပေးနိုင်မှု လျော့ကျခဲ့သော်လည်း အလုပ်လက်မဲ့နှုန်းသည် (၄) ရာခိုင်နှုန်း အောက်ကျဆင်းခဲ့ ကြောင်း၊ ၂၀၂၄ ခုနှစ်အတွင်း ပျမ်းမျှတစ်လလျှင် အလုပ်အကိုင်ပေါင်း (၁၆၆,၀၀၀) အထိ ဖန်တီးပေး နိုင်ခဲ့ရာ ယခင်နှစ်ပျမ်းမျှအောက်သို့ကျဆင်းခဲ့ခြင်းဖြစ်ကြောင်း၊ တစ်နာရီပျမ်းမျှ လုပ်ခလစာသည် ဇန်နဝါရီလတွင် (၀.၅) ရာခိုင်နှုန်း အထိ မြင့်တက်ခဲ့ပြီး ယင်းသို့မြင့်တက်ခဲ့ခြင်းသည် ယခင်နှစ် ကာလတူနှင့် နှိုင်းယှဉ်ပါက (၄.၁) ရာခိုင်နှုန်းအထိ တိုးလာခဲ့ခြင်းဖြစ်ပါကြောင်း၊ အလုပ်လက်မဲ့ နှုန်းသည် လွန်ခဲ့သော ခုနှစ်လအတွင်း (၄.၁) ရာခိုင်နှုန်းမှ (၄.၂) ရာခိုင်နှုန်းအကြားရှိခဲ့ရာ ဇန်နဝါရီလ တွင် (၄)ရာခိုင်နှုန်းအောက်သို့ စံချိန်တင် ကျဆင်းခဲ့ကြောင်း သတင်းဖော်ပြချက်များအရ သိရှိရပါသည်။
စီးပွားရေးသံမှူး၊ ဝါရှင်တန်ဒီစီ
