U. A. E

GCC လုပ်သားအင်အား စုစုပေါင်း ၃၁.၈ သန်းသို့ရောက်ရှိခဲ့ပြီး အမျိုးသမီး လုပ်သားအင်အား သိသိသာသာ တိုးတက်လာခဲ့ကြောင်း ယူအေအီးနိုင်ငံ၏သတင်းတစ်ရပ်တွင်ဖော်ပြပါရှိ

Last Updated:

ပင်လယ်ကွေ့ဒေသအာရပ်နိုင်ငံများ ပူးပေါင်းဆောင်ရွက်ရေးကောင်စီ (GCC) အဖွဲ့ဝင်နိုင်ငံများရှိ စုစု ပေါင်းလုပ်သားအင်အားမှာ ၃၁.၈ သန်းရှိပြီး စုစုပေါင်းလူဦးရေ၏ ၅၄.၂ % ကို ကိုယ်စားပြုလျှက်ရှိ ကြောင်း ပင်လယ်ကွေ့ဒေသအာရပ်နိုင်ငံများ ပူးပေါင်းဆောင်ရွက်ရေးကောင်စီ စာရင်းအင်းစင်တာ (GCC-Stat) ၏ မကြာသေးမီကထုတ်ပြန်ခဲ့သောအချက်အလက်များအရ သိရှိရပါသည်။

အဓိကလုပ်သားအင်အား စာရင်းအင်းများ

  • အမျိုးသား လုပ်သားအင်အား -  အလုပ်သမားစုစုပေါင်း၏ ၇၈.၇ %
  • အမျိုးသမီး လုပ်သားအင်အား - အလုပ်သမားစုစုပေါင်း၏ ၁၇.၆ % (ကျား/မ ပါဝင်မှုတွင် တည်ငြိမ်စွာ တိုးတက်လာခဲ့)
  • အလုပ်လုပ်ကိုင်နေသော GCC နိုင်ငံသားများ - ၅.၆ သန်း သို့မဟုတ် စုစုပေါင်းလုပ်သား အင်အား၏ ၂၃.၄ %
    • GCC နိုင်ငံသား အမျိုးသားများ - ၆၀ %
    • GCC နိုင်ငံသား အမျိုးသမီးများ - ၄၀ % (၂၀၁၁ ခုနှစ်မှ၍ ၆၀၀,၀၀၀ တိုးတက်လာခဲ့)

အလုပ်အကိုင် ဖြန့်ဝေမှု

  • အစိုးရကဏ္ဍ - GCC နိုင်ငံသားများ၏ ၈၃.၅ % (အစိုးရအုပ်ချုပ်ရေးတွင် အလုပ်ခန့် ထား)
  • ပုဂ္ဂလိကကဏ္ဍ - GCC နိုင်ငံသားများ၏ ၁၄.၂ % (နိုင်ငံလုံးဆိုင်ရာ လုပ်သားအင်အားပါဝင်မှု ကိုမြှင့်တင်ပေးသည့် အစပျိုးမှုများဖြင့်ပြောင်းလဲခဲ့)

လုပ်သားအင်အားဖွံ့ဖြိုးတိုးတက်ရေးကို တွန်းအားပေးသည့်မူဝါဒများ

GCC နိုင်ငံများသည် လူဦးရေမညီမျှမှု၊ စီးပွားရေးကွဲပြားမှုနှင့် လူငယ်အလုပ်အကိုင်များတို့အားကိုင် တွယ်ဖြေရှင်းရန်အတွက်အောက်ပါမဟာဗျူဟာမြောက်ပဏာမခြေလှမ်းများကို အကောင်အထည် ဖော်လျက်ရှိပါသည် -

  • GCC ဘုံစျေးကွက်နှင့်ဘက်စုံဖွံ့ဖြိုးတိုးတက်ရေး မဟာဗျူဟာ - စီးပွားရေးလုပ်ငန်းကဏ္ဍများ တွင်ပါဝင်မှုကိုမြှင့်တင်ရန်နှင့် အမျိုးသမီးများ၏စီးပွားရေးကဏ္ဍများကို မြှင့်တင်ရန် ရည်ရွယ် ဆောင်ရွက်လျှက်ရှိ၊
  • မြစိမ်းရောင်အလုပ်အကိုင်များနှင့် ရေရှည်တည်တံ့သောအလုပ်အကိုင်အစီအစဉ်များ - အနာ ဂတ်စီးပွားရေးလိုအပ်ချက်များနှင့်ကိုက်ညီစေရန် ရည်ရွယ်ဆောင်ရွက်လျှက်ရှိ၊

GCC နိုင်ငံများ၏စီးပွားရေးတိုးတက်ပြောင်းလဲလာသည်နှင့်အမျှ ဒေသတွင်းအလုပ်သမားဈေးကွက် သည် ပိုမိုပါဝင်နိုင်မှု၊ ဟန်ချက်ညီမျှမှု၊ လိုက်လျောညီထွေဖြစ်စေမှု၊ အမျိုးသမီးများပါဝင်လာမှု၊ လူငယ်အလုပ်အကိုင်အခွင့်အလမ်းများရရှိစေမှုနှင့် ရေရှည်တည်တံ့ခိုင်မြဲသော အလုပ်အကိုင်အခွင့် အလမ်းများရရှိစေမှုတို့ကို မြှင့်တင်ပေးလျှက်ရှိကြောင်း သတင်းဌာနမှဖော်ပြထားပါသည်။

Source:                            Emirates News Agency

Date:                               1.3.2025

Nanda Soe Myint             Economic Counsellor (Dubai)

Category: U. A. E