အရှေ့အလယ်ပိုင်းတွင် ပထဝီဝင်နိုင်ငံရေး ပဋိပက္ခများ နည်းပါးလာသော်လည်း စက်သုံး ဆီနှင့် ရေနံဓာတုထုတ်ကုန်များအပါအဝင် ကမ္ဘာ့ရေနံစိမ်း ဈေးနှုန်းသည် ပထမ ၃ လပတ်တွင် ကျ ဆင်းနိုင်ဖွယ်ရှိကြောင်း ထိုင်းနိုင်ငံ၏ အကြီးဆုံးဆီသန့်စင်ကုမ္ပဏီဖြစ်သော Thai Oil Plc က ပြော ကြားချက်အရ သိရှိရပါသည်။
ကမ္ဘာ့စီးပွားရေးသည် အမေရိကန်၏ ကုန်သွယ်ရေးမူဝါဒကြောင့် သက်ရောက်မှုရှိခဲ့ပြီး ရေနံစိမ်း ဈေးနှုန်းကျဆင်းရခြင်းအချက်တစ်ချက်ဖြစ်ကြောင်း၊ ဖေဖော်ဝါရီ ၂၈ ရက်နေ့ ထုတ်ပြန် ချက်အရ ဒူဘိုင်း ရေနံစိမ်း ရည်ညွှန်းဈေးနှုန်းသည် ၁ စည်လျှင် အမေရိကန်ဒေါ်လာ ၇၇.၉ ဖြင့် ဈေး ပိတ်ခဲ့ပါကြောင်း၊ ဆီဝယ်လိုအား သိသိသာသာ တိုးတက်မှုမရှိသဖြင့် ဆီထောက်ပံ့မှုအပေါ် ဖိအား အသစ်များ မရှိသောကြောင့် ကမ္ဘာ့ဆီဈေးနှုန်းကျဆင်းရခြင်းဖြစ်သည်ဟု ကုမ္ပဏီက ခန့်မှန်းထားပါ ကြောင်း၊ အစ္စရေးနှင့် ဟားမတ်စ်တို့အကြား ပဋိပက္ခရပ်ဆိုင်းရန် သဘောတူညီမှုရရှိပြီးနောက် အရှေ့အလယ်ပိုင်းရှိ ဆီထောက်ပံ့မှု အနုတ်သဘောသက်ရောက်မှု ကျဆင်းခဲ့ပါကြောင်း၊ တရုတ် သည် ၎င်း၏ စီးပွားရေး ပြဿနာများကို ဖြေရှင်းနေရသောကြောင့် ဆီအတွက် ဝယ်လိုအားသည် မြင့်မားခြင်း မရှိခဲ့ပါကြောင်း ဒုတိယ ဥက္ကဋ္ဌ Mr. Torsang Chaipravat က ပြောကြားခဲ့သည်။
ထုတ်ကုန်များစွာအပေါ် ထရမ့်၏ အခွန်ကောက်ခံမှုနောက်ပိုင်းတွင် ငွေကြေးဖောင်းပွနှင့် စီးပွားရေးကို တဖြည်းဖြည်းထိခိုက်လာနိုင်သောကြောင့် စောင့်ကြည့်ရမည်ဖြစ်ကြောင်း၊ ဝယ်လို အားနှင့် ရောင်းလိုအားမျှတမှုကို ထိန်းရန်မှာ Opec နှင့် ၎င်း၏ မိတ်ဖက်များသည် ဆီထုတ်လုပ်မှု တိုးမြှင့်မည့် ၎င်းတို့၏ အစီအစဉ်များကို ယခုနှစ် ဧပြီလအထိ ရွှေ့ဆိုင်းသွားရန် သဘောတူညီခဲ့ပါ ကြောင်း၊ အမေရိကန်နှင့် တရုတ်စီးပွားရေးအခြေအနေများကြောင့် သန့်စင်ပြီး ဆီထုတ်ကုန်များ၏ ဝယ်လိုအား နှေးကွေးနေချိန်တွင် တရုတ်၊ မက္ကဆီကို၊ နိုင်ဂျီးရီးယားနှင့် အိုမန်တို့၌ သန့်စင်စက်ရုံ ကြီးများ ဖွင့်လှစ်လိုက်ပြီးနောက် ထိုင်းနိုင်ငံသည် ကမ္ဘာ့ဈေးကွက်အတွင်း သန့်စင်ပြီးဆီ ပိုမိုရရှိရန် ကြိုးပမ်းလျက်ရှိပါ ကြောင်း၊ Olefin စက်မှုသည် ကမ္ဘာ့ဈေးကွက်အတွင်း ရေနံဓာတုထုတ်ကုန်များ ရောင်းလိုအား မြင့်မားနေသည့် စိန်ခေါ်မှုနှင့် ရင်ဆိုင်နေရပါကြောင်း Mr. Torsang က ဖြည့်စွက် ပြောကြားခဲ့သည်။
Thai Oil သည် ၂၀၂၅ ခုနှစ်မှ ၂၀၂၇ ခုနှစ်အတွင် ၎င်း၏ သန့်စင်သောလောင်စာစီမံကိန်း (Clean Fuel Project) ကို ထောက်ပံ့ရန်နှင့် အင်ဒိုနီးရှား၏ အကြီးဆုံး ရေနံဓာတု ကုမ္ပဏီဖြစ်သော PT Chandra Asri Petrochemical Tbk တွင် ရင်းနှီးမြှုပ်နှံရန် အမေရိကန်ဒေါ်လာ ၄၃၈ သန်း လျာထား ကြောင်း သိရှိရပါသည်။
Source: www.bangkokpost.com စီးပွားရေးသံမှူး၊ ဗန်ကောက်မြို့။
