အမေရိကန်သမ္မတသည် မက္ကဆီကိုသမ္မတနှင့် ဆွေးနွေးခဲ့ပြီးနောက် အမေရိကန်-မက္ကဆီကို - ကနေဒါကုန်သွယ်ရေးသဘောတူစာချုပ် (U.S. – Mexico – Canada Agreement, USMCA) အရ မက္ကဆီကိုနိုင်ငံမှ သွင်းကုန်အများအပြား (ထက်ဝက်ခန့်)ကို (၁)လခန့် (၂-၄-၂၀၂၅ ရက်အထိ) ကင်းလွတ်ခွင့်ပြုကာ ဆိုင်းငံ့ထားမည်ဟု ၆-၃-၂၀၂၅ ရက်တွင် ပြောကြားခဲ့ကြောင်း သိရှိရပါသည်။ ယင်းသို့ မက္ကဆီကိုနိုင်ငံမှ သွင်းကုန်များအပေါ် ကင်းလွတ်ခွင့်မပြုမီ ၅-၃-၂၀၂၅ ရက်တွင် မော်တော် ယာဉ်သွင်းကုန်များကို USMCA အရ (၁)လ ဆိုင်းငံ့ခဲ့ပါကြောင်း၊ အမေရိကန်သမ္မတသည် မြောက် အမေရိကန်နိုင်ငံများအပေါ် ယခုရက်သတ္တပတ်အတွင်း သွင်းကုန်ခွန်များချမှတ်ခဲ့ပြီးနောက် ယင်းသို့ ကောက်ခံမှုကို ၆-၃-၂၀၂၅ ရက်တွင် (၁)လခန့် ဆိုင်းငံ့ခဲ့ခြင်းဖြစ်ကြောင်း၊ အမေရိကန် နိုင်ငံက သွင်းကုန်ခွန်စည်းကြပ်ခဲ့ခြင်းကြောင့် စတော့ရှယ်ယာဈေးနှုန်းများကျဆင်းခဲ့ကာ စက်မှု လုပ်ငန်းများ အကြားတွင်လည်း စိုးရိမ်မှုများနှင့် စိတ်ရှုပ်ထွေးမှုများ ဖြစ်ပေါ်စေခဲ့ကြောင်း၊ ၆-၃-၂၀၂၅ ရက် နံနက်ပိုင်း စတော့ရှယ်ယာဈေးကွက်ဖွင့်လှစ်ချိန်၌ ဈေးနှုန်းများကျဆင်းနေခဲ့ပြီး အမေရိ ကန်သမ္မတသည် USMCA အရ မက္ကဆီကိုနိုင်ငံမှတင်သွင်းသည့် သွင်းကုန်အားလုံးအပေါ် သွင်းကုန် ခွန် ကင်းလွတ်ခွင့်ပြုနိုင်သည်ဟု ကူးသန်းရောင်းဝယ်ရေးဝန်ကြီး Howard Lutnick က ပြောကြားခဲ့ ပြီး နောက်တွင် စတော့ရှယ်ယာဈေးနှုန်းများ အတက်ဖက်သို့ဦးတည်ခဲ့သော်လည်း အမေရိကန် သမ္မတက မက္ကဆီကိုနိုင်ငံမှသွင်းကုန် အများအပြားကို သွင်းကုန်ခွန်ကောက်ခံမှု (၁)လ ခန့်ဆိုင်းငံ့ ကြောင်း ထုတ်ပြန်ပြီးနောက်တွင် S&P 500 အညွှန်းကိန်းသည် (၂) ရာခိုင်နှုန်းအထိ ကျဆင်းခဲ့ ကြောင်း သိရှိရပါသည်။ မက္ကဆီကိုနိုင်ငံမှ သွင်းကုန်အားလုံးသည် USMCA သဘောတူ စာချုပ် အောက်တွင် တင်သွင်းခြင်းမဟုတ်ကြောင်း၊ သွင်းကုန်အားလုံး၏ (၁၀)ရာခိုင်နှုန်းကို သဘောတူ စာချုပ်ပြင်ပမှ တင်သွင်းလျက်ရှိပါကြောင်း၊ ယင်းသွင်းကုန်များတွင် မော်တော်ယာဉ် အစိတ်အပိုင်း အချို့လည်း ပါဝင်ကြောင်းနှင့် BMW မော်တော် ယာဉ်ကုမ္ပဏီ၏ မက္ကဆီကိုနိုင်ငံမှသွင်းကုန်အချို့ကို သွင်းကုန်ခွန် ပေးဆောင်၍ တင်သွင်းလျက်ရှိပါကြောင်း သိရှိရပါသည်။
အမေရိကန်နိုင်ငံသည် ကနေဒါနှင့် မက္ကဆီကိုနိုင်ငံများမှ သွင်းကုန်များအပေါ် သွင်းကုန်ခွန် ကောက်ခံမှုအား USMCA အရ ၂-၄-၂၀၂၅ ရက်အထိ ဆိုင်းငံ့သွားမည်ဖြစ်ကြောင်း ၆-၃-၂၀၂၅ ရက် နေ့လယ်ပိုင်းတွင် ထပ်မံထုတ်ပြန်ခဲ့ရာ ကနေဒါနိုင်ငံမှ သွင်းကုန် (၃၇) ရာခိုင်နှုန်းလည်း သွင်းကုန် ခွန် ဆိုင်းငံ့မှုတွင် ပါဝင်မည်ဖြစ်ပါကြောင်း၊ သွင်းကုန်ခွန်ဆိုင်းငံ့မည့်ကုန်ပစ္စည်းများတွင် သွင်းကုန် ခွန် (၁၀)ရာခိုင်နှုန်းသာ ကောက်ခံမည့် စွမ်းအင်ဆိုင်ရာကုန်ပစ္စည်းများ အဓိကပါဝင်မည် ဖြစ်ပါ ကြောင်း သိရှိရပါသည်။ ကနေဒါဝန်ကြီးချုပ်က ကနေဒါနိုင်ငံသည် အမေရိကန်နိုင်ငံကစတင်ခဲ့သည့် အမေရိကန်-ကနေဒါကုန်သွယ်ရေးစစ်ပွဲကို ဆက်လက်လုပ်ဆောင်သွားမည်ဟု ၆-၃-၂၀၂၅ ရက်တွင် ပြောကြားခဲ့ပါသည်။
အမေရိကန်နိုင်ငံက သံမဏိနှင့် အလူမီနီယံသွင်းကုန်များအပေါ် သွင်းကုန်ခွန် (၂၅) ရာခိုင် နှုန်း ကောက်ခံမည့်အမိန့်သည် ၁၂-၃-၂၀၂၅ ရက်တွင် အသက်ဝင်မည်ဖြစ်ပြီး ၂-၄-၂၀၂၅ ရက်တွင် ထပ်မံ၍ တန်ပြန်သွင်းကုန်ခွန် (Reciprocal tariffs)စည်းကြပ်ရန် အမိန့်ထုတ်ပြန်မည်ဖြစ်ရာ အမေရိကန်နိုင်ငံ၏ သွင်းကုန်ခွန်ကို အခြားနိုင်ငံများနှင့်တန်းတူဖြစ်စေရန် ဆောင်ရွက်ခြင်းဖြင့် ကုန်သွယ်ရေးကို ထိခိုက်နိုင်ကာ အခွန်နှင့် ငွေကြေးကဏ္ဍကိုပါသက်ရောက်မှုရှိစေနိုင်သည်ဟု ဝေဖန်မှုများရှိသော်လည်း ဘဏ္ဍာရေးဝန်ကြီး Scott Bessent က ယင်းသို့သွင်းကုန်ခွန် စည်းကြပ် ခြင်းကြောင့် လတ်တ လောတွင် ဈေးနှုန်းမြင့်တက်စေနိုင်သော်လည်း ငွေကြေးဖောင်းပွမှုကို တွန်းအားပေးနိုင်သည့် အကြောင်းအရင်းမဟုတ်ဟု ပြောကြားခဲ့ပါကြောင်း သိရှိရပါသည်။
စီးပွားရေးသံမှူး၊ ဝါရှင်တန်ဒီစီ။
