ရန်ကုန်မြို့၊ မရမ်းကုန်းမြို့နယ်၊ Yangon Convention Center တွင် “Myanmar 8 Build Expo 2024/ Myanmar International Real Estate & Property Expo/ Myanmar Electrical Power & Green Energy Expo” အား ၂၀၂၄ ခုနှစ်၊  မတ်လ ၂၉ ရက်နေ့မှ ၃၁ ရက်နေ့အထိ ( ၃ ) ရက်ကြာ ကျင်းပပြုလုပ်သွားမည်ဖြစ်ပါသည်။

ပြပွဲတွင် ဆောက်လုပ်ရေးဆိုင်ရာပစ္စည်းများ၊ နည်းပညာများ၊ ဆောက်လုပ်ပြီးအိမ်ရာများ၊ ကွန်ဒိုများ၊ ပြန်ပြည့်မြဲစွမ်းအင်ဆိုင်ရာဆက်စပ်ပစ္စည်းများ၊ ဆိုလာပြားများ၊ ဘက်ထရီများ၊ မီးစက်များနှင့် ဆက်စပ်ပစ္စည်းများကို ပြခန်းပေါင်း ၁၇၀ ဖြင့် ခင်းကျင်းပြသရောင်းချမည်ဖြစ်ကြောင်း ဖိတ်ကြားစာတွင် ဖော်ပြထားပါသည်။

ပါဝင်တက်ရောက်ပြသလိုသည့် ပြည်တွင်း/ ပြည်ပစီးပွားရေးလုပ်ငန်းရှင်များအနေဖြင့် Silver Sea International Ltd. ဖုန်းနံပါတ် ၀၉-၄၃၁၂၅၁၈၅ နှင့် Email: [email protected] သို့ ဆက်သွယ်မေးမြန်းနိုင်ပါကြောင်း သတင်းရရှိပါသည်။

ကုန်သွယ်မှုဖွံ့ဖြိုးရေးဌာနခွဲ