တရုတ်နိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် တရုတ်အကောက်ခွန်အထွေထွေအုပ်ချုပ်မှုအာဏာပိုင်အဖွဲ့တို့က(၉-၁၀ -၂၀၂၅) ရက်နေ့၊ ကြာသပတေးနေ့တွင် သတ္ထုပစ္စည်းများ(super hard materials)၊ မြေရှားသတ္တုကိရိယာ(rare earth equipment)နှင့် ကုန်ကြမ်းပစ္စည်းများ(materials)အပြင် ဘက်ထရီများ(batteries) အပေါ် တင်ပို့မှုထိန်းချုပ်ရေးဆိုင်ရာ အစီအမံများကို ထုတ်ပြန်ကြေညာ ခဲ့သည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ထုတ်ပြန်ချက်တွင် ၂၀၂၅ ခုနှစ် နိုဝင်ဘာလ ၈ ရက်နေ့မှစတင်၍ သတ္ထုပစ္စည်းများ (superhard materials)၊ မြေရှားသတ္ထုနှင့်ဆက်စပ်သော ကိရိယာများနှင့် ကုန်ကြမ်းပစ္စည်းများ(equipment and raw materials related to rare earths)၊ ဟိုလ်မီယမ်(holmium)အပါအဝင် အလတ်စားနှင့် လေးလံသော မြေရှားသတ္တုရိုင်းဒြပ်စင်ငါးမျိုး(five medium and heavy rare earth elements)၊ လီသီယမ်ဘက်ထရီများ(lithium batteries)နှင့် သဘာဝမဟုတ်သော ဂရက်ဖိုက်သတ္ထုပစ္စည်းများ (synthetic graphite anode materials)တင်ပို့မှုများကို ခွင့်ပြုချက်မရှိဘဲ တင်ပို့ခွင့်မပြုကြောင်း ဖော်ပြထားသည်။

အဆိုပါပစ္စည်းများ၏ နှစ်မျိုးသုံးသဘောသဘာဝ(dual-use nature) ကြောင့် တရုတ်နိုင်ငံသည် ဥပဒေများ(laws)နှင့်စည်းမျဉ်းစည်းကမ်းများ (regulations)နှင့်အညီ တင်ပို့မှုထိန်းချုပ်ရေးစီမံဆောင်ရွက်မှုများကို အကောင်အထည်ဖော်ခြင်းဖြစ်သည်။ ယင်းသည် အပြည်ပြည်ဆိုင်ရာ ဘုံကျင့်ဝတ်(inter-national common practice)နှင့်ကိုက်ညီပြီး တရုတ်နိုင်ငံ၏ အမျိုးသားလုံခြုံရေးနှင့် အကျိုးစီးပွားများ(China's national security and interests)ကို ကောင်းစွာကာကွယ်စောင့်ရှောက်ခြင်းနှင့် အထူးသဖြင့် မပြန့်ပွားရေးအတွက် ၎င်း၏ ကတိ ကဝတ်(its commitment to non-proliferation) ကဲ့သို့သော ၎င်း၏ အပြည်ပြည်ဆိုင်ရာတာဝန်ဝတ္တရားများ(its international obligations)ကို ကောင်းမွန်စွာ လိုက်နာဆောင်ရွက်ခြင်းတို့နှင့် လိုက်လျောညီထွေမှုရှိစေရန်ဖြစ်ကြောင်း ဝန်ကြီးဌာနက ပြောကြားခဲ့သည်။

တရုတ်အစိုးရအနေဖြင့် ကမ္ဘာလုံးဆိုင်ရာ စက်မှုလုပ်ငန်းနှင့် ထောက်ပံ့ရေးကွင်းဆက်များ(global industrial and supply chains)၏ တည်ငြိမ်ချောမွေ့စွာ လည်ပတ်မှုကို ထိန်းသိမ်းရန်အတွက် နိုင်ငံ အားလုံးနှင့် ပူးပေါင်းဆောင်ရွက်သွားရန် ဆန္ဒရှိကြောင်း ဝန်ကြီးဌာနက ပြောကြားခဲ့သည်။

အဆိုပါအစီမံများသည် မည်သည့်နိုင်ငံ(သို့မဟုတ်)မည်သည့်ဒေသကိုမျှ ပစ်မှတ်ထားခြင်းမဟုတ်ကြောင်း၊ တရုတ်နိုင်ငံအနေဖြင့် စိစစ်မှုလုပ်ငန်းစဉ်ဆောင်ရွက်ပြီး တရားဝင်စည်းမျဉ်းနှင့် ကိုက်ညီသော တင်ပို့မှုလျှောက်ထားခြင်းများကို ခွင့်ပြုပေးမည်ဖြစ်ကြောင်း ဝန်ကြီးဌာနက ပြောကြားခဲ့သည်။

တစ်ချိန်တည်းမှာပင် တရုတ်နိုင်ငံသည် အပြန်အလှန်ညှိနှိုင်းမှု(bilateral dialogue)နှင့် ဖလှယ်မှုယန္တရားများ(exchange mechanisms)မှတစ်ဆင့် သက်ဆိုင်ရာနိုင်ငံများနှင့် တင်ပို့မှုထိန်းချုပ်ရေးဆိုင်ရာ မူဝါဒများ၊ လက်တွေ့ကျင့်သုံးမှုများအပေါ် ဆက်သွယ်ညှိနှိုင်းမှုများပြုလုပ်သွားရန်နှင့် စည်းမျဉ်းနှင့်ကိုက်ညီသော ကုန်သွယ်မှုကို ပူးတွဲအားပေးမြှင့်တင်ရန်နှင့် အဆင်ပြေချောမွေ့စေရန် ဆန္ဒရှိကြောင်း ဝန်ကြီးဌာနက ပြောကြားခဲ့သည်။

အရင်းမြစ်။ https://en.people.cn/n3/2025/1010/c90000-20374885.html

(လျန်ရှန်းမုန်၊ စီးပွားရေးသံမှူး၊ ကူမင်းမြို့)