ကိုရိုနာဗိုင်းရပ်စ် ကပ်ရောဂါပြန့်ပွားနေမှုကြောင့် ထိခိုက်ကျဆင်းနေသည့် ကမ္ဘာ့စီးပွားရေး ပြန်လည်နလန်ထူလာစေရန် အမေရိကန်ဒေါ်လာ ၅ ထရီလီယံကျော် အားဖြည့်ဆောင်ရွက်ရန် G -20 နိုင်ငံခေါင်းဆောင်များ သဘောတူခဲ့ကြပါသည်။
မတ်လ ၂၆ ရက်နေ့တွင် အဆိုပါ G -20 နိုင်ငံခေါင်းဆောင်များ Video Conferencing ဖြင့် အစည်းအဝေး ကျင်းပခဲ့ကြပြီးနောက် လက်ရှိအကျပ်အတည်း များမှ အမြန်တိုးတက်လာစေရန်၊ ရောဂါကာကွယ်ဆေးဝါး စမ်းသပ်ထုတ်လုပ်မှုနှင့် ဆေးဝါးဖြန့်ဖြူးရေးတို့တွင် ပူးပေါင်းဆောင်ရွက်ရန်အတွက် ဘဏ္ဍာရေးပမာဏ အများ အပြားပံ့ပိုးဆောင်ရွက်ရန် သဘောတူခဲ့ကြပါသည်။
ဂျပန်ဝန်ကြီးချုပ် မစ္စတာ ရှင်ဇို အာဘေးက ၂၀၀၈ ခုနှစ်၊ ကမ္ဘာ့စီးပွားရေး အကျပ်အတည်းကာလနှင့် ကြုံကြိုက်ခဲ့ရစဉ်က ကမ္ဘာ့စီးပွားရေးကို ပံ့ပိုးဆောင်ရွက်ခဲ့ ကြသည့်နည်းတူ ဝိုင်းဝန်းပံ့ပိုးဆောင်ရွက်ကြရန် G -20 နိုင်ငံခေါင်းဆောင်များကို တိုက်တွန်းပြောဆိုခဲ့ပါသည်။
(မြန်မာစီးပွားရေးသံမှူး၊ ဂျပန်နိုင်ငံ)
