မကွေးကုန်စည်ဒိုင် အပတ်စဉ်ကာလတူ စျေးနှုန်းသုံးသပ်ချက်

နှမ်း

          ယခင်( ၂၆-၃-၂၀၂၀ )ရက်နေ့စျေးနှုန်းနှင့်နှိုင်းယှဉ်ပါက နှမ်းစျေးနှုန်းများအပြောင်းအလဲမရှိဘဲ အရောင်းအဝယ် ဖြစ်လျှက် ရှိပါသည်။ မကွေးမြို့ ပေါ်တွင် နှမ်းမျိုးစုံ အရောင်းအဝယ် ဖြစ်မှုမှာ တစ်နေ့လျှင် အိတ်အရေအတွက် (၁၀၀ မှ ၃၅၀) ဝန်းကျင်ထိ အရောင်းအဝယ် ဖြစ်လျက် ရှိပါသည်။

ပဲမျိုးစုံ

          ပဲမျိုးစုံမှာ  ယခင် ( ၂၆-၃-၂၀၂၀ ) ရက်စျေးနှုန်း နှင့် နှိုင်းယှဉ်ပါက ပဲစဉ်းငုံ (သစ်)    (၃၃၀၀/-) ၊ ပဲစဉ်းငုံ    (‌ဟောင်း)    (၁၀၀၀/-)    ကျပ်   စျေးတက်ပြီး   ကုလားပဲ (929) (၁၀၀၀/-)၊    ကုလားပဲ (HL) (၁၀၀၀/-) ၊ ပဲထောပတ် (၁၀၀/-) ကျပ် စျေးကျကာ ကျန်ပဲမျိုးစုံစျေးများအပြောင်းအလဲမရှိဘဲ အရောင်း အဝယ်ဖြစ်လျက် ရှိပါ သည်။

မြေပဲဆံ

          မြေပဲဆံအနေဖြင့််ယခင်( ၂၆-၃-၂၀၂၀ )ရက်စျေးနှုန်းထက် မြေပဲလုံးဆံနီ (လိုင်း) (၁၀၀/-) စျေးကျပြီး၊ မြေပဲလုံးဆံဖြူ(လိုင်း) ၊မြေပဲလုံးဆံဖြူ (လုပ်ငန်းသုံး) ၊မြေပဲလုံးဆံနီ (လုပ်ငန်းသုံး) ၊မြေပဲတောင့် မျိုးပဲနီတို့ စျေးအပြောင်း အလဲ မရှိဘဲ အရောင်း အဝယ် ဖြစ်လျက် ရှိပါသည်။

ဆီ

          ဆီအနေဖြင့််မကွေးကုန်စည်ဒိုင်စျေးအရ( ၂၆.၃.၂၀၂၀ )ရက်နေ့ နှင့်နှိုင်းယှဉ်ပါက စားအုန်းဆီ (၂၀/-) ကျပ်စျေးတက်ပြီး၊ နှမ်းဆီ၊ မြေပဲဆီ၊အပြောင်းအလဲမရှိဘဲ အရောင်းအဝယ်ဖြစ်လျှက်ရှိပါ သည်။

ဆန်

          မကွေးကုန်စည်ဒိုင်စျေးအရ ဆန်အနေဖြင့် (၂၆.၃.၂၀၂၀)ရက်နေ့ နှင့်နှိုင်းယှဉ်ပါက ဧရာပဒေသာခပ်ချက်၊ ပေါ်ဆန်းမွှေးဖျာပုံ၊ ပေါ်ဆန်မွှေးရွှေဘို စျေးအပြောင်းအလဲမရှိဘဲ အရောင်း အဝယ်ဖြစ်လျက်ရှိကြောင်း သုံးသပ် တင်ပြအပ်ပါ သည်။