မွန်ပြည်နယ်၊ ချောင်းဆုံမြို့နယ်(ဘီလူးကျွန်း)သည် သံလွင်မြစ်ကမ်းနံဘေးတွင်တည်ရှိပြီး ရေခံမြေခံအားဖြင့် စိုက်ပျိုးရေးထွန်းကားသော မြို့တစ်မြို့ဖြစ်သည်။ ဒေသခံများမှာ အများအားဖြင့် စိုက်ပျိုးရေးကို အဓိကလုပ်ကိုင်ကြပြီး ရာသီအလိုက် ဟင်းသီးဟင်းရွက်များကို စီးပွားဖြစ်စိုက်ပျိုးခြင်းဖြင့် ဝင်ငွေကောင်းလျက်ရှိသည်။
ယခုအချိန်တွင် ချောင်းဆုံမြို့နယ်၌ ခရမ်းချဉ်သီးလှိုင်လှိုင်ထွက်ပေါ်နေပြီး ခရမ်းချဉ်သီးတစ်ပိဿာလျှင် (၃၀၀၀)ကျပ်ဖြင့် လက်ကားရောင်းချလျက်ရှိကြောင်းသိရှိရသည်။ ခရမ်းချဉ်သီး အပင်ပေါက်များကို သီတင်းကျွတ်လတွင် စတင်စိုက်ပျိုးကာ ပြာသိုလတွင် ခရမ်းချဉ်သီးများလှိုင်လှိုင်ထွက်ပေါ်သည်။ ခရမ်းချဉ်သီးပင်တစ်ဧကကုန်ကျစရိတ်မှာ (၅) သိန်းကျပ်ရှိပြီး တစ်ဧကလျှင် (၂၀၀) ပိဿာခန့်ထွက်ရှိရာ အကျိုးအမြတ်အနေဖြင့် (၁) သိန်းကျပ်ရရှိသဖြင့် ခရမ်းချဉ်သီးစိုက်ပျိုးသူတောင်သူများအနေဖြင့် တွက်ချေကိုက်လျက်ရှိကြောင်းတွေ့ရှိရသည်။ ဈေးနှုန်းမှာ လက်လီ (၃၅၀၀) ကျပ်၊ လက်ကား (၃၀၀၀) ကျပ်ဖြင့် မော်လမြိုင်မြို့များသို့ တင်ပို့ရောင်းချကြောင်းသိရှိရသည်။
Source: https://www.doca.gov.mm
