ထိုင်းနိုင်ငံသည် မြန်မာနှင့်နယ်စပ်ဒေသရှိ Call-center လိမ်လည်မှုဂိုဏ်းများကို နှိမ်နင်းနိုင်ရန် အတွက် မြန်မာနိုင်ငံ၏ နယ်မြေ ၅ ခုသို့ ပေးပို့လျက်ရှိသော လျှပ်စစ်ဓာတ်အား၊ အင်တာနက် ဝန်ဆောင် မှုနှင့် လောင်စာထောက်ပံ့မှုများကို ၅-၂-၂၀၂၅ ရက်နေ့ နံနက်ပိုင်းမှ စတင်ဖြတ်တောက်လိုက်သဖြင့် မြန်မာနိုင်ငံအနေဖြင့် လာအိုမှ စွမ်းအင်ဝယ်ယူနိုင်ရေး ရှာဖွေလျက်ရှိကြောင်း သိရှိရပါသည်။

ယင်းကဲ့သို့ ဆောင်ရွက်မှုသည် ၄-၂-၂၀၂၅ ရက်နေ့တွင် ကျင်းပခဲ့သော နိုင်ငံတော်လုံခြုံရေး ကောင်စီ အစည်းအဝေးပြီးနောက် ဆောင်ရွက်ခဲ့ခြင်းဖြစ်ကြောင်း၊ အစီအမံကို ဆောင်ရွက်ခဲ့ခြင်းမှာ မှုခင်းပြဿနာများသည် ထိုင်းနိုင်ငံကိုသာမက အခြားသော နိုင်ငံများကိုလည်း ထိခိုက်လျက်ရှိပါ ကြောင်း၊ ထိုင်းနိုင်ငံ တစ်ခုတည်းကို ကြည့်ပါက မှုခင်းပေါင်း ၅၅၇,၅၀၀ ဖြစ်ပွားခဲ့ပြီး ဘတ် ၈၆ ဘီလီယံ ကျော် ပျက်စီးဆုံးရှုံးခဲ့ပါကြောင်း၊ ကောင်စီ၏ အမိန့်အရ လိမ်လည်မှုဂိုဏ်း အရေအတွက်များသည့် ထိုင်း-မြန်မာချစ်ကြည်ရေးတံတားအမှတ် (၂) မြဝတီ၊ Ban Huay Muang- မြဝတီ၊ ဘုရားသုံးဆူ၊ Ban Mueang Daeng- တာချီလိတ် နှင့် ထိုင်း-မြန်မာချစ်ကြည်ရေးတံတား အမှတ် (၁) တာချီလိတ် စသည့် နေရာ ၅ နေရာတွင် လျှပ်စစ်ဓာတ်အား ပေးပို့မှုကို ဖြတ်တောက်ခဲ့ပါကြောင်း၊ လျှပ်စစ်ဖြတ်တောက် လိုက်ခြင်းကြောင့် ဆေးရုံများနှင့်လူထုအပေါ် သက်ရောက်သဖြင့် မြန်မာဖက်မှအသိပေးလာပါကြောင်း သိရှိရပါသည်။

အစိုးရအနေဖြင့် သတ်မှတ်နေရာများ၏ လျှပ်စစ်ဓာတ်အားကို  ဖြတ်တောက်ရခြင်းမှာ ကောင်စီ ၏ ဆုံးဖြတ်ချက်ဖြစ်ပြီး ကာကွယ်ရေးဝန်ကြီးက လက်မှတ်ရေးထိုး၍ အမိန့်ကြော်ငြာစာ ထုတ်ပြန်ခဲ့ ခြင်းဖြစ်ကြောင်း၊ ဖြတ်တောက်မှုသည် လျှပ်စစ်ဝယ်ယူရေးစာချုပ်နှင့်လည်း ကိုက်ညီပါကြောင်း၊ ဖြတ်တောက်လိုက်မှုကြောင့် လစဉ် ဘတ် ၅၀ သန်းခန့် ဆုံးရှုံးနိုင်သော်လည်း အမျိုးသားအကျိုးစီးပွား ကို ကာကွယ်ခြင်းဖြစ်ကြောင်း၊ လျှပ်စစ်ဓာတ်အား ဖြတ်တောက်ခဲ့ခြင်းနှင့်စပ်လျဉ်း၍ အိမ်နီးချင်းနိုင်ငံ များသို့ လျှပ်စစ်ဓာတ်အား ရောင်းချနိုင်ရေး ခွင့်ပြုပေးခဲ့သည့် အစိုးရအဖွဲ့သို့ တင်ပြသွားမည်ဖြစ် ကြောင်း၊ လျှပ်စစ်ဓာတ်အား တင်ပို့ခြင်းနှင့် Call-center လိမ်လည်မှုများကို နှိမ်နင်းမှုကို မြှင့်တင်နိုင် ရေးတို့အတွက် အစိုးရအဖွဲ့က ညွှန်ကြားချက်များ ချမှတ်လာနိုင်ပါကြောင်း ပြည်ထဲရေးဝန်ကြီး H.E Mr. Anutin Charnvirakul က ပြောကြားခဲ့သည်။

လျှပ်စစ်ဓာတ်အား ဖြတ်တောက်မှု နှောင့်နှေးနေခြင်းနှင့်စပ်လျဉ်း၍ ၎င်း၏ အခွင့်အာဏာကို ကျော်လွန်နေသဖြင့် ကောင်စီမှ ဆုံးဖြတ်ချက်ရရှိပြီးပါက ချက်ချင်းဆောင်ရွက်ခဲ့ပါကြောင်း၊ အခြေ အနေကို သိရှိနိုင်ရေးအတွက် ကာကွယ်ရေးဝန်ကြီးသည် မဲဆောက်ခရိုင် တက်ခ်သို့  ခရီးစဉ်သွား ရောက်ရန် လျာထားပါကြောင်း၊ ချင်းရိုင်အုပ်ချုပ်ရေးမှူး Mr. Charin Thongsuk က တာချီလိတ် အစိုးရ အဖွဲ့က လာအိုမှ လျှပ်စစ်ဓာတ်အားရရှိနိုင်ရေး ဆောင်ရွက်လျက်ရှိသည်ဟု ပြောကြားခဲ့ကြောင်း၊ အဆို ပါ နေရာရှိ လျှပ်စစ်ဓာတ်အား ၅၀ ရာခိုင်နှုန်းသည် လာအိုမှဖြစ်ရာ အခြားသော သက်ရောက် နယ်မြေ များသို့ လျှပ်စစ်ပံ့ပိုးနိုင်ရေးဆောင်ရွက်လျက်ရှိပြီး ၁ ရက်/၂ ရက်အတွင်း ပြီးစီးနိုင်ကြောင်း သိရှိရပါ သည်။

တာချီလိတ်ရှိ အိမ်ထောင်စု ၇,၅၀၀၊ ဆေးရုံ ၅ ရုံ၊ ကျောင်း ၄၅ ကျောင်း၊ ဘုရားကျောင်း ၆၅ ခုနှင့် စစ်တပ် ၁၅ ခုသည် လျှပ်စစ်ဖြတ်တောက်မှုခံရပါကြောင်း၊ ပြည်သူများက လာအိုမှ လျှပ်စစ်ကို ပြောင်းလဲ အသုံးပြုရန်၊ နေရောင်ခြည်စွမ်းအင်နှင့် လက်ကျန်လောင်စာများကို အသုံးပြုလျက်ရှိ ကြောင်း၊ လာအိုနှင့်စွမ်းအင်ဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာကို ဆွေးနွေးလျက် ရှိပါကြောင်း၊ နယ်စပ်ရှိ ထိုင်းလုပ်ငန်းရှင်များက လျှပ်စစ်ဖြတ်တောက်မှုကြောင့် နယ်စပ်ကုန်သွယ်ရေး နှင့် စီးပွားရေးဖွံ့ဖြိုးတိုးတက်မှု ဇုန်များကို ထိခိုက်လာမည်ကို စိုးရိမ်လျက်ရှိသဖြင့် အခြေအနေကို သိရှိနိုင်ရေး ဆောင်ရွက်ရန် ထိုင်းအစိုးရကို တိုက်တွန်းထားပါကြောင်း၊ အစိုးရ အနေဖြင့် လျှပ်စစ်ဓာတ် အား ဖြတ်တောက်ပြီးနောက် နယ်စပ်ဒေသရှိ နောက်ဆက်တွဲအခြေအနေများကို စောင့်ကြည့်လျက်ရှိ ကြောင်း သိရှိရပါသည်။

Source: www.bangkokpost.com စီးပွားရေးသံမှူး၊ ဗန်ကောက်မြို့။