အမေရိကန်သမ္မတ ဒေါ်နယ်ထရမ့် အစိုးရမှ ထုတ်ပြန်လာသည့် မူဝါဒအသစ်များနှင့်စပ်လျဉ်း၍ ကိုင်တွယ်ဖြေရှင်းရန် “Team Thailand” ကို စီးပွားရေးလုပ်ငန်းကဏ္ဍမှ ကိုယ်စားလှယ်များပါဝင်၍ ဖွဲ့စည်းပေးနိုင်ရေး Joint Standing Committee on Commerce, Industry and Banking (JCCIB) က ထိုင်းနိုင်ငံအစိုးရကို တောင်း ဆိုထားကြောင်း သိရှိရပါသည်။
ပုဂ္ဂလိက ကဏ္ဍ၏ ပါဝင်မှုသည် အရေးကြီးပြီး အမေရိကန် စီးပွားရေးမူဝါဒများ၏ ပြောင်းလဲမှု များကို ကိုင်တွယ်ဖြေရှင်းရန် အဖွဲ့တစ်ဖွဲ့ဖွဲ့စည်းရန် အစိုးရကို အဆိုပြုလိုပါကြောင်း၊ ထရမ့်၏ မူဝါဒ များသည် နိုင်ငံတကာ ကုန်သွယ်ရေးကို ထိခိုက်လာမည်ကို စိုးရိမ်ပါကြောင်း၊ အဓိက အချက်မှာ အမေရိ ကန်သို့ သွင်းကုန်များအပေါ် အခွန်တိုးမြှင့်သည့် မူဝါဒဖြစ်ကြောင်း၊ သမ္မတက ကနေဒါနှင့် မက္ကဆီကိုမှ ကုန်စည်များကို အခွန်တိုးမြင့်မည်ဟု ကြေညာခဲ့သော်လည်း ဈေးကွက်ကျဆင်းလာမှုနှင့် နယ်စပ်ကိစ္စ နှင့် စပ်လျဉ်းသည့် သဘောတူစာချုပ်များကြောင့် ကြေညာချက်ကို လျင်လျင်မြန်မြန် ပြောင်းလဲခဲ့ပါ ကြောင်း၊ အမေရိကန်သည် တရုတ်ကုန်စည်များအပေါ် ၁၀ ရာခိုင်နှုန်းအခွန်တိုးမြှင့်ခဲ့ပြီး ဖေဖော်ဝါရီလ ၄ ရက်နေ့မှ စတင်မည်ဖြစ်ကြောင်း၊ အခွန်တိုးမြှင့်မှုကို အမေရိကန်နှင့် ကုန်သွယ်မှု ပိုငွေဖြစ်ပေါ်နေ သော ထိုင်းနိုင်ငံအပေါ်တွင်လည်း ကောက်ခံမည်ကို စိုးရိမ်မိပါကြောင်း၊ ထိုင်းနိုင်ငံအနေဖြင့် အခွန် ၁၀ ရာခိုင်နှုန်းမှ ၂၀ ရာခိုင်နှုန်းအကြား တိုးမြှင့်ကောက်ခံမှု ခံရနိုင်ကြောင်း၊ ၂၀၂၄ ခုနှစ်တွင် ထိုင်းနိုင်ငံ သည် အမေရိကန်၏ အဆင့် ၁၂ ရှိသော ကုန်သွယ်မှုပိုငွေဖြစ်ပေါ်ခဲ့သောနိုင်ငံ ဖြစ်ပါကြောင်း၊ နှစ်စဉ် အမေရိကန်သို့ ပို့ကုန်တန်ဖိုးအားဖြင့် အမေရိကန်ဒေါ်လာ ၄၇ ဘီလီယံ တင်ပို့လျက်ရှိကြောင်း ထိုင်း စက်မှု လုပ်ငန်းအသင်းချုပ် ဥက္ကဋ္ဌ Mr. Kriengkrai Thiennukul က JCCIB အစည်းအဝေးတွင် ပြော ကြားခဲ့သည်။
အမေရိကန်မူဝါဒများနှင့်စပ်လျဉ်း၍ ဖြေရှင်းရန် အစိုးရနှင့် ပူးပေါင်းဆောင်ရွက်ခြင်းကို ထောက် ခံပါကြောင်း၊ အမေရိကန်-တရုတ် ကုန်သွယ်ရေး ပဋိပက္ခကြောင့် တရုတ်ကုမ္ပဏီများသည် အရှေ့ တောင်အာရှသို့ ကုန်စည်များ ပိုမိုတင်ပို့လျက်ရှိရာ ထိုင်းဈေးကွက်အတွင်း တန်ဖိုးနည်း တရုတ်ပစ္စည်း များ ဝင်ရောက်လာမှုကြောင့် ထိုင်းနိုင်ငံ၏ စက်မှုကဏ္ဍ ၂၃ မျိုးတွင် ထိခိုက်လျက်ရှိပြီး ယခုနှစ်တွင် ကဏ္ဍ ၃၀ သို့ တိုးမြင့်လာနိုင်ကြောင်း၊ အမေရိကန်အစိုးရနှင့် ဆွေးနွေးမည့် လော်ဘီသမားများအား တာဝန်ပေးအပ်ခြင်းကို ထောက်ခံလိုပြီး win-win ညှိနှိုင်းဆွေးနွေးမှုများမှသည် ထိုင်းနိုင်ငံအတွက် အကျိုးကျေးဇူးမျှဝေရရှိနိုင်မည်ဟု ယုံကြည်ပါကြောင်း၊ အသင်းအနေဖြင့် ယခုနှစ်အတွင်း GDP တိုး တက်မှုနှုန်းကို ၂.၄ ရာခိုင်နှုန်းမှ ၂.၉ ရာခိုင်နှုန်းကြား ခန့်မှန်းထားပြီး ပို့ကုန်ကို ၁.၅ ရာခိုင်နှုန်းမှ ၂.၅ ရာခိုင်နှုန်းကြားနှင့် ငွေကြေးဖောင်းပွမှုနှုန်းကို ၀.၈ ရာခိုင်နှုန်းမှ ၁.၂ ရာခိုင်နှုန်းကြား ခန့်မှန်းထားပါ ကြောင်း ထိုင်းကုန်သည်ကြီးများအသင်း ဥက္ကဋ္ဌ Mr. Sanan Augubolkul က ဖြည့်စွက် ပြောကြားခဲ့ သည်။
Source: www.bangkokpost.com စီးပွားရေးသံမှူး၊ ဗန်ကောက်မြို့။
