တရုတ်နိုင်ငံသည် ကိုဗစ်ရောဂါဖြစ်ပွားပြီးနောက် နှစ်နှစ်အတွင်း ပထမဆုံးအကြိမ် နိုင်ငံခြားကျောင်းသားများအား ဝင်ခွင့်တံခါးကို ဖွင့်လှစ်လိုက် ခြင်းဖြစ်သည်။ တရုတ်နိုင်ငံတွင် တရားဝင်နေထိုင်ခွင့်လက်မှတ် (သို့မဟုတ်) Asia Pacific Economic Cooperation APEC (APEC-Business Travel card –ABTC) ကတ် ကိုင်ဆောင်ထားသည့် နိုင်ငံခြားသားများကို ၂၄-၈-၂၀၂၂ ဗုဒ္ဓဟူးနေ့မှစတင်၍ တရုတ်နိုင်ငံအတွင်းသို့ ဝင်ရောက်ခွင့်ပြု မည်ဖြစ်ကြောင်း၊ APEC နိုင်ငံများဖြစ်သော သြစတြေးလျ၊ ဘရူနိုင်း၊ ချီလီ၊ ဟောင်ကောင်၊ အင်ဒိုနီးရှား၊ ဂျပန်၊ တောင်ကိုရီးယား၊ မလေးရှား၊ မက္ကဆီကို၊ နယူးဇီလန်၊ ပါပူဝါနယူးဂီနီ၊ ပီရူး၊ ဖိလစ်ပိုင်၊ ရုရှား၊ စင်ကာပူ၊ တိုင်ပေ၊ ဗီယက်နမ်၊ ထိုင်း၊ အမေရိကန်နှင့် ကနေဒါရှိ တရုတ်သံရုံးများက ကြေညာချက်များ ထုတ်ပြန်ခဲ့ကြောင်း ဖေါ်ပြထားပါသည်။
တရုတ်နိုင်ငံတွင်းသို့ ကျောင်းသားအချို့အား သင့်တော်သလို ဝင်ရောက်ရန် အချိန် အတော်ကြာ ခွင့်ပြုထားခဲ့သော်လည်း အဆိုပါ လှုပ်ရှားမှုသည် ဘေဂျင်းသည် ၎င်း၏ Covid Zero ချဉ်းကပ်မှုကို အရှိန်အဟုန်ဖြင့် ဆုပ်ကိုင်ထားစဉ် စီးပွားရေးကဏ္ဍများကို ပုံမှန်ဖြစ်အောင် ကြိုးပမ်း နေခြင်းကို ပြသခြင်းဖြစ်ကြောင်း၊ တရုတ်နိုင်ငံသို့ ဝင်ရောက်လာသူတိုင်းသည် ကမ္ဘာတစ်ဝှမ်းတွင် အပြင်းထန်ဆုံး ကပ်ရောဂါဆိုင်ရာ နယ်စပ်စည်းမျဉ်းများနှင့် ရင်ဆိုင်နေရဆဲဖြစ်ပြီး ခရီးသွားများကို မဖြစ်မနေ သီးသန့်ခွဲထားသောစည်းမျဉ်းများ ချမှတ်ထားဆဲဖြစ်ပါသည်။
နိုင်ငံတကာကျောင်းသားများကို ပြန်လာခွင့်ပြုခြင်းသည် တရုတ်သည် ၎င်း၏တင်းကျပ်သော Covid ထိန်းချုပ်မှုအစီအမံများကို ဖြေလျှော့ပေးသည် (သို့မဟုတ်) အစိုးရသည် ၎င်း၏တက်ကြွသော Zero-Covid မူဝါဒကိုစွန့်လွှတ်ခဲ့သည်ဟု မဆိုလိုပါကြောင်း၊ အစိုးရပိုင် ဂလိုဘယ်လ်တိုင်းမ်က အစီရင်ခံဖော်ပြခဲ့ပါသည်။ Shenzhen မှ တတိယပြည်သူ့ဆေးရုံ၏ အကြီးအကဲ၊ ကျန်းမာရေးဆိုင်ရာ ဝေဖန်ပြောဆိုသူ Lu Hongzhou က ပြည် တွင်းခရီးသွားများအတွက် အသွားအလာကန့်သတ်ခြင်းကာလကို အချိန်တိုအတွင်း ထပ်မံလျှော့ချရန်မဖြစ်နိုင်ကြောင်း အစီရင်ခံစာတွင် ဖော်ပြခဲ့ပါသည်။
၂၀၂၂ ခုနှစ်၊ ဇွန်လတွင် quarantine စည်းမျဉ်းများကိုဖြေလျှော့ပြီး နောက်တွင်ပင် တရုတ်နိုင်ငံသည် ကမ္ဘာပေါ်တွင် အပြင်းထန်ဆုံး ဝင်ခွင့်လိုအပ် ချက်များ ရှိနေသေးကြောင်း၊ ရောက်ရှိလာသော ခရီးသွားများသည် သီးခြားနေထိုင်သည့် အဆောက်အအုံတွင် (၇) ရက်နေရန် လိုအပ်ပြီး ၎င်းတို့၏ ကျန်းမာရေးကို အိမ်တွင် နောက်ထပ် (၃) ရက် စောင့်ကြည့်ရမည်ဖြစ်ကြောင်း၊ နိုင်ငံတွင်းသို့ ပျံသန်းမှုအရေအတွက်မှာလည်း အကန့်အသတ်ရှိဆဲ ဖြစ်ကြောင်း၊ နိုင်ငံတကာပညာရေးသည် အရေးပါသောစက်မှုလုပ်ငန်းဖြစ်ရာ ၂၀၁၈ ခုနှစ်တွင် တရုတ်နိုင်ငံမှ နိုင်ငံခြားကျောင်းသား ၄၉၂,၁၈၅ ဦးကို နိုင်ငံမှဖိတ်ခေါ်ခဲ့ပါကြောင်း၊ အမေရိကန်နိုင်ငံတွင် ၂၀၁၉-၂၀၂၀ ပညာသင် နှစ်တွင် စာရင်းသွင်းသူ တစ်သန်းကျော်နှင့်နှိုင်းယှဉ်ပါက နည်းပါးဆဲဖြစ် ပါကြောင်း၊ တရုတ်နိုင်ငံမှ နိုင်ငံခြားကျောင်းသားအများစုသည် တောင်ကိုရီးယားမှဖြစ်ပြီး ယင်းနောက်တွင် ထိုင်းနိုင်ငံနှင့် ပါကစ္စတန်နိုင်ငံတို့မှ ဖြစ် ပါကြောင်း၊ တရုတ်နိုင်ငံ၏ နောက်ဆုံးကိုဗစ်လှိုင်းသည် ပြည်နယ်အများအပြားတွင် ပိတ်ဆို့ကန့်သတ်မှုများနှင့် ကန့်သတ်ချက်များကို ဖြစ်ပေါ်စေ သည့် နွေရာသီအားလပ်ရက်ခရီးသွားများ ကျက်စားရာနေရာများတွင် ခရီးသွားလာမှုမှ ထွက်ပေါ်လာသော ပျံ့နှံ့မှုများမှ သက်သာလာခဲ့ကြောင်း ဖေါ်ပြထားပါသည်။
၂၂-၈-၂၀၂၂ ရက်နေ့တွင် တရုတ်နိုင်ငံတွင် ကူးစက်မှု ၁၇၄၈ ခုကို အစီရင်ခံခဲ့ပြီး၊ လွန်ခဲ့သောတစ်ပတ်တွင် ကူးစက်သူဉီးရေ ၃,၄၀၀ ကျော်ရှိရာမှ ကျဆင်းခဲ့ခြင်းဖြစ်ကြောင်း၊ ဗိုင်းရပ်စ်၏ မူလဗဟိုချက်ဖြစ်သော တရုတ်နိုင်ငံ၊ ဝူဟန်မြို့ရှိ စျေးဆိုင်ပိုင်ရှင်များကြားတွင် ကူးစက်မှုပေါ်ပေါက်လာ သောအခါ (တရုတ်နိုင်ငံသည် ၂၀၂၀ နှင့် ၂၀၂၁ ခုနှစ်များတွင် ကြီးမားသော ကူးစက်မှုမျိုးကွဲများကြောင့် ဖြစ်ပွားသောစိန်ခေါ်မှုများမကြုံမီ) ဖြစ်ပွား မှုများကို ဖယ်ရှားနိုင်ခဲ့ကြောင်း၊ သို့သော်လည်း တရုတ်သမ္မတ ရှီကျင့်ဖျင်၏ အုပ်ချုပ်ရေးသည် အခြားနိုင်ငံများတွင် တွေ့ရသည့်သေဆုံးမှု အတိုင်း အတာကို ဘေဂျင်းက ခံနိုင်ရည်မရှိသဖြင့် Covid Zero အား မစွန့်လွတ်နိုင်ဆဲအခြေအနေဖြစ်ပါကြောင်း၊ တရားဝင်အားဖြင့် တရုတ်နိုင်ငံသည် ကူးစက်ရောဂါစတင်ကတည်းက သေဆုံးသူ ၅၂၀၀ ဉီးကျော်သာရှိခဲ့ခြင်းသည် တရုတ်နိုင်ငံ၏ သာလွန်သောချဉ်းကပ်မှုနှင့်ပတ်သက်၍ တရုတ် အရာရှိများက ပြောဆိုရာတွင် အမေရိကန်ပြည်ထောင်စုတွင် လူတစ်သန်းကျော်သေဆုံးခဲ့ခြင်းနှင့်နှိုင်းယှဉ်ချက်သည် အဓိကအချက်ဖြစ်ကြောင်း ဖေါ်ပြထားပါသည်။
(မြန်မာစီးပွားရေးသံမှူး၊ ကူမင်းမြို့)
Source: www.bloomberg.com/news/articles/2022-08-24/china-reopens-to-foreign-students-after-more-than-two-years
