အမေရိကန်သမ္မတ ဒေါ်နယ်ထရမ့်သည် ၎င်း၏ အမျိုးသားလုံခြုံရေးအဖွဲ့၏ အဓိကအဖွဲ့ဝင်များနှင့် ဗာဂျီးနီးယားရှိ ၎င်း၏ဂေါက်ကလပ်တွင် စနေနေ့က တွေ့ဆုံခဲ့ကြောင်း CNN သတင်းတွင် ဖော်ပြထားသည်။

ဒုတိယသမ္မတ J.D. Vance ၊ နိုင်ငံခြားရေးဝန်ကြီး Marco Rubio၊ CIA ညွှန်ကြားရေးမှူး John Ratcliffe နှင့် အထူးသံတမန် Steve Witkoff တို့သည် အီရန်နိုင်ငံနှင့်စပ်လျဉ်းသည့် နောက်ထပ်လုပ်ဆောင်မှုများဆွေးနွေးမှုတွင် ပါဝင်ခဲ့သည်။

စွမ်းအင်နှင့် အခြေခံအဆောက်အအုံဆိုင်ရာ အဆောက်အအုံများကို ပစ်မှတ်ထားတိုက်ခိုက်ခြင်းအပါအဝင် အီရန်အပေါ် နောက်ထပ်တိုက်ခိုက်မှုများထပ်မံပြုလုပ်ရန် ဒေါ်နယ်ထရန့်က ဆုံးဖြတ်ပါက ပင်တဂွန်စစ်ဌာနချုပ်က စစ်ရေးစီမံချက်များကို ပြင်ဆင်ထားသည်။

Axios နှင့်ဖုန်းခေါ်ဆိုမှုတွင် သမ္မတက အီရန်သည် သဘောတူညီချက်တစ်ခုပြုလုပ်လိုသော်လည်း အမေရိကန်၏ မျှော်လင့်ချက်များကို မဖြည့်ဆည်းရသေးကြောင်း ပြောကြားခဲ့သည်။

တိုးတက်ကောင်းမွန်သော အဆိုပြုချက်ကို တီဟီရန်က မတင်ပြပါက အမေရိကန်သည် နိုင်ငံအား ယခင်ကထက် ပိုမိုပြင်းထန်စွာဒဏ်ခတ်မည်ဖြစ်ကြောင်း Donald Trump က အလေးပေးပြောကြားခဲ့သည်။ အမျိုးသားလုံခြုံရေးအဖွဲ့၏ အစည်းအဝေးအသစ်ကို အင်္ဂါနေ့တွင် စစ်ရေးအရရွေးချယ်မှုများဆွေးနွေးရန် စီစဉ်ထားသည်။

Source: https://www.angi.ru

(အောင်ဖြိုးထွဋ်၊ စီးပွားရေးသံမှူး၊ မော်စကိုမြို့)