အီရန်နိုင်ငံ၊ တီဟီရန်မြို့၌ (၃၁) ကြိမ်မြောက် Exhibition of Detergent, Cosmetics, Hygienic, Cellulose Products and Related Machineries ပြပွဲကို ၂၀၂၄ ခုနှစ်၊ ဧပြီလ ၁၇ ရက်နေ့မှ ၂၀ ရက်နေ့အထိ (၄) ရက်ကြာ ကျင်းပပြုလုပ်သွားမည်ဖြစ်သည်။

              အီရန်သံရုံးမှတစ်ဆင့် အမည်စာရင်းပေးပို့လာသည့် အစိုးရတာဝန်ရှိသူများနှင့် စီးပွားရေးလုပ်ငန်းရှင်များအတွက် ၃ ညတည်းခိုနေထိုင်ခွင့်နှင့် ပြည်တွင်းသွားလာစရိတ်များကို ပံ့ပိုးပေးသွားမည်ဖြစ်ပါသည်။ ပြပွဲနှင့်ပတ်သက်သည့် အချက်အလက်များကို spnco.net/en တွင် ဝင်ရောက် ကြည့်ရှုလေ့လာနိုင်မည်ဖြစ်ပါသည်။

  ကုန်စည်ပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ အီးမေးလ် [email protected]၊ ဖုန်းနံပါတ် ၀၆၇-၄၀၈၆၂၂၊ ၀၆၇-၄၀၈၆၂၃ သို့ ၃၀-၁-၂၀၂၄ ရက်နေ့ (ရုံးချိန်အတွင်း) နောက်ဆုံးထား၍ ဆက်သွယ်မေးမြန်းနိုင်ပါကြောင်း သတင်းရရှိပါသည်။

ကုန်သွယ်မှုဖွံ့ဖြိုးရေးဌာနခွဲ