ယူအေအီးနိုင်ငံ၊ ဒူဘိုင်းမြို့ရှိ World Trade Center တွင် “Gulfood 2024” အား ၂၀၂၄ ခုနှစ်၊ ဖေဖော်ဝါရီလ ၁၉ ရက်နေ့မှ ၂၃ ရက်နေ့အထိ ကျင်းပပြုလုပ်သွားမည်ဖြစ်သည်။

                ပြပွဲသို့ နိုင်ငံပေါင်း ၁၂၇ နိုင်ငံမှ ထိပ်တန်းကုမ္ပဏီ ၅၅၀၀ ကျော်တို့မှ လာရောက်ပြသကြမည်ဖြစ်ပါသည်။ “Gulfood 2024” တွင် ပါဝင်ပြသခြင်းဖြင့် ကုန်သွယ်မှုသဘောတူညီချက်များရရှိနိုင်ခြင်း၊ F&B စနစ်ကို ဆန်းသစ်တီထွင်နိုင်ပြီး ရေရှည်တည်တံ့နိုင်ခြင်း၊ ထိပ်တန်းအမှတ်တံဆိပ် ထုတ်ကုန်များနှင့် ချိတ်ဆက်နိုင်ခြင်း၊ နိုင်ငံတကာအသိအမှတ်ပြု စားဖိုမှူးများ၏ ချက်ပြုတ်မှုများကို ကိုယ်တိုင်လေ့လာနိုင်ခြင်း၊ နောက်ဆုံးပေါ်ထုတ်ကုန်များကိ တွေ့ရှိနိုင်မည်ဖြစ်ပါသည်။

               ကုန်စည်ပြပွဲသို့ ပါဝင်ပြသမည်ဆိုပါက Online မှ Registration ပြုလုပ်ရမည်ဖြစ်ပြီး Registration Fees 595 AED ကျသင့်မည်ဖြစ်ပါသည်။ Early Bird Registration Fees အဖြစ် ၆၀% သက်သာခွင့်ရရှိမည်ဖြစ်ပြီး ၂၄၅ AED ဖြင့် Registration ပြုလုပ်၍ ပါဝင်ပြသနိုင်မည်ဖြစ်ပါ သည်။

              အဆိုပါပြပွဲသို့ “Gulfood 2024” ပြပွဲသို့ မြန်မာနိုင်ငံမှ သွားရောက်ပြသလိုသူများ အနေဖြင့် visit.gulfood.com တွင် Registration ပြုလုပ်၍ စာရင်းပေးသွင်းနိုင်ကြောင်း သတင်းရရှိပါသည်။

ကုန်သွယ်မှုဖွံ့ဖြိုးရေးဌာနခွဲ