တရုတ်ပြည်သူ့သမ္မတနိုင်ငံ၏ ပို့ကုန်သည် မေလတွင် တစ်နှစ်ထက်တစ်နှစ် ၇ ဒသမ ၅ ရာခိုင်နှုန်း ကျဆင်းခဲ့ပြီး သွင်းကုန်မှာ ၄ ဒသမ ၅ ရာခိုင်နှုန်း ကျဆင်းခဲ့ပြီး COVID 19 နှိမ်နင်းရေး ထိန်းချုပ်မှုများ အဆုံးသတ်ပြီးနောက် ကမ္ဘာ့ဝယ်လိုအား နှေးကွေးလာပြီး ကမ္ဘာ့ဝယ်လိုအား ပိုမို နှေးကွေးလာခြင်းကြောင်း သွင်းကုန်ပမာဏမှာ ၄ ဒသမ ၅ ရာခိုင်နှုန်းထိ ကျဆင်းခဲ့ခြင်း ဖြစ်သည်။
ပို့ကုန်များအနေဖြင့် ဧပြီလ၏ မထင်မှတ်သော ၈ ဒသမ ၅ ရာခိုင်နှုန်း တိုးတက်မှုမှ မေလ နောက်ပိုင်းတွင် ပြောင်းပြန်လာရာသို့ ဒေါ်လာ ၂၈၃ ဒသမ ၅ ဘီလီယံသို့ ကျဆင်းသွားခဲ့ကြောင်း အကောက်ခွန်အချက်အလက်များအရ ဗုဒ္ဓဟူးနေ့တွင် ဖော်ပြခဲ့သည်။ သွင်းကုန်သည် ဒေါ်လာ ၂၁၇ ဒသမ ၇ ဘီလီယံသို့ ကျဆင်းသွားပြီး ယခင်လ၏ ၇ ဒသမ ၉ ရာခိုင်နှုန်း ကျဆင်းသွားခြင်း ထက် အနည်းငယ်လျော့ကျသွားသည်။ တရုတ်နိုင်ငံ၏ ကမ္ဘာလုံးဆိုင်ရာ ကုန်သွယ်မှု ပိုငွေမှာ ၁၆ ဒသမ ၁ ရာခိုင်နှုန်း (အမေရိကန်ဒေါ်လာ ၆၅ ဒသမ ၈ ဘီလီယံအထိ) လျော့ကျသွားခဲ့သည်။
ဈေးကွက်အားနည်းခြင်းသည် စက်ရုံအလုပ်ရုံနှင့် စားသုံးသူများ၏ လုပ်ဆောင်ချက် နည်းပါးလာခြင်းနှင့် လူငယ်များအကြား အလုပ်လက်မဲ့များ တိုးပွားလာခြင်းတို့ကြောင့် ကမ္ဘာ့ ဒုတိယ အကြီးဆုံးစီးပွားရေးအပေါ် ဖိအားများ ဖြစ်လာစေသည်။
စက်ရုံမှ ထွက်ရှိမှုနှင့် စားသုံးသူများ စားသုံးမှုများကို ရက်သတ္တပတ်များအတွင်း ပြတ် တောက်လာ၍ နိုင်ငံတကာခရီးသွားလာမှု အများစုကို ပိတ်ဆို့ထားသည့် ထိန်းချုပ်မှုများမှ ၂၀၂၂ ခုနှစ် ဒီဇင်ဘာတွင် ရုတ်သိမ်းပြီးနောက် ပြန်လည်ဖွံ့ဖြိုးလာခဲ့သည်။ သို့သော်လည်း အဆိုပါ ဖွံ့ဖြိုးမှုများမှာ တိုးတက်မှု၏ အထွတ်အထိပ်ကို ကျော်သွားပြီဖြစ်ကြောင်း ခန့်မှန်းသူများက ဆိုပါသည်။
လက်လီအသုံးစရိတ်သည် မျှော်မှန်းထားသည်ထက် ပိုမိုနှေးကွေးစွာ ပြန်လည်နာလန်ထူ လာခြင်းမှာ စီးပွားရေးဖွံ့ဖြိုးမှု အလားအလာနှင့် အလုပ်အကိုင်ဆုံးရှုံးမှုများအတွက် စားသုံးသူများ စိုးရိမ်ပူပန်နေသောကြောင့် ဖြစ်သည်။ ဧပြီလတွင် အစိုးရစစ်တမ်းတစ်ခုအရ မြို့ကြီးများ၌ လူငယ် ၅ ဦး တွင် ၁ ဦးမှာ အလုပ်လက်မဲ့ဖြစ်နေသည်ကို တွေ့ရှိရသည်။
အမေရိကန်နှင့် ဥရောပတွင် ငွေကြေးဖောင်းပွမှုကို တည်ငြိမ်စေရန် အတိုးနှုန်းမြှင့်ပြီး နောက် တရုတ်ပို့ကုန်၏ ဝယ်လိုအားမှာ ကျဆင်းလာပြီး စက်ရုံအလုပ်ရှင်များက အလုပ်အကိုင် အခွင့်အလမ်းများ လျော့ချလာကြသည်။
Federal Reserve သည် စီးပွားရေးနှင့် စားသုံးသူလုပ်ငန်းများကို နှေးကွေးစေသော ငွေကြေး ဖောင်းပွမှုကို လျှော့ချရန်အတွက် ဗဟိုဘဏ်မှ ၎င်း၏ စံနှုန်း ချေးငွေနှုန်းကို ၁၆ နှစ်တွင် အမြင့်ဆုံးသို့ မြှင့်တင်ပြီးနောက် အမေရိကန်သို့ ပို့ကုန်များသည် အစောပိုင်းနှစ်ကထက် ၁၈ ဒသမ ၂ ရာခိုင်နှုန်း (အမေရိကန်ဒေါ်လာ ၄၂ ဒသမ ၅ အထိ) ကျဆင်းသွားခဲ့သည်။
အမေရိကန်၏ ကုန်ပစ္စည်းတင်သွင်းမှုသည် ၉ ဒသမ ၉ ရာခိုင်နှုန်း အမေရိကန်ဒေါ်လာ ၁၄ ဒသမ ၃ ဘီလီယံ ထိ ကျဆင်းသွားသည်။ အမေရိကန်နှင့် တရုတ်နိုင်ငံ၏ နိုင်ငံရေးမတည်ငြိမ် သော ကုန်သွယ်မှုပိုငွေ သည် ၂၁ ဒသမ ၉ ရာခိုင်နှုန်း အမေရိကန်ဒေါ်လာ ၂၈ ဒသမ ၁ ဘီလီယံ လျော့ကျသွားသည်။
တရုတ်နိုင်ငံ၏ စီးပွားရေးတိုးတက်မှုနှုန်းသည် မတ်လအထိ ယခင်သုံးလပတ်၏ ၂ ဒသမ ၉ ရာခိုင်နှုန်းမှ ယခုသုံးလတာကာလအတွင်း ၄ ဒသမ ၅ ရာခိုင်းနှုန်းသို့ မြှင့်တက်ခဲ့သည်။ ယခုနှစ်အတွက် အာဏာရကွန်မြူနစ်ပါတီ၏ တရားဝင်ဖွံ့ဖြိုးတိုးတက်မှုပန်းတိုင်ဖြစ်သော “၅ ရာခိုင်နှုန်း” သို့ ရောက်ရှိရန်အတွက် ပိုမိုအရှိန်မြှင့်ဆောင်ရွက်ရန် လိုအပ်မည်ဖြစ်သည်။
(စီးပွားရေးသံမှူး၊ ကူမင်းမြို့)
