အလင်းထောက်လှမ်းခြင်းနှင့် အကွာအဝေးရှာဖွေခြင်း(LiDAR)ဖြေရှင်း ချက်များနှင့် ဉာဏ်ရည်ထက်မြက်သော ယာဉ်လမ်းကြောင်းပြစနစ်များတွင် ကမ္ဘာ့ဦးဆောင်ကုမ္ပဏီတစ်ခုဖြစ်သည့် Hesai Technology က တရုတ်နိုင်ငံပြင်ပတွင် ၎င်း၏ပထမဆုံးထုတ်လုပ်ရေးအခြေစိုက် ထိုင်းနိုင်ငံကို ရွေးချယ်ခဲ့ကြောင်း ဗန်ကောက်ပို့စ်သတင်းစာတွင် “Chinese tech firm chooses Thailand for overseas plant” ခေါင်းစဉ်ဖြင့် ဖော်ပြထားပါသည်။
ဇန်နဝါရီ ၁၉ ရက်မှ ၂၂ ရက်အထိ ဆွစ်ဇာလန်နိုင်ငံ၊ ဒါးဗို့စ်တွင် ကျင်းပသောကမ္ဘာ့စီးပွားရေးဖိုရမ်ထိပ်သီးအစည်းအဝေးသို့ ထိုင်းကိုယ်စားလှယ် အဖွဲ့ကို ဦးဆောင်ခဲ့သော အိမ်စောင့်အစိုးရဘဏ္ဍာရေးဝန်ကြီး Ekniti Nitithanprapas က ၎င်းနှင့် ရင်းနှီးမြှုပ်နှံမှုဘုတ်အဖွဲ့၏ အထွေထွေ အတွင်းရေးမှူးချုပ်တို့သည် Hesai Technology ၏ ပူးတွဲတည်ထောင်သူနှင့် အမှုဆောင်အရာရှိချုပ် David Li နှင့် ကုမ္ပဏီ၏ စီးပွားရေးတိုးချဲ့မှုအစီအစဉ်များနှင့် ထိုင်းနိုင်ငံတွင် ထုတ်လုပ်ရေးနှင့် သုတေသနနှင့် ဖွံ့ဖြိုးတိုးတက်ရေးစက်ရုံများတည်ထောင်ရန်ဆုံးဖြတ်ချက်နှင့်ပတ်သက် ၍ဆွေးနွေးခဲ့ကြကြောင်း၊ ထိုင်းနိုင်ငံသည် အဆင့်မြင့်နည်းပညာလုပ်ငန်းများအတွက် ယုံကြည်စိတ်ချရသောဗဟိုချက်တစ်ခုဖြစ်လာရန် ကြိုးပမ်းနေချိန်တွင် တရုတ်နိုင်ငံပြင်ပတွင် ထိုင်းနိုင်ငံသည် ၎င်း၏ပထမဆုံး LiDARထုတ်လုပ်ရေးအခြေစိုက်စခန်းဖြစ်လာမည်ဟု Hesai က အတည် ပြုပြောကြားခဲ့ကြောင်း ဝန်ကြီးက ပြောကြားခဲ့သည်။
ရင်းနှီးမြှုပ်နှံမှုအတွက် အထောက်အကူပြုသည့်အချက်များတွင် ပြည်ပဖောက်သည်များနှင့် နီးကပ်မှု၊ ပထဝီနိုင်ငံရေးဆိုင်ရာအန္တရာယ်များကို ကွဲပြားစေမှုနှင့် ကောင်းမွန်စွာဖွံ့ဖြိုးတိုးတက်သော စက်မှုအခြေခံအဆောက်အအုံဖြင့် နိုင်ငံများတွင် ထုတ်လုပ်မှုအခြေစိုက်စခန်းများ တည်ထောင်ခြင်းဖြင့် ကမ္ဘာလုံးဆိုင်ရာကုမ္ပဏီတစ်ခုအဖြစ် ၎င်း၏ အဆင့်အတန်းကို မြှင့်တင်ရန် ကုမ္ပဏီ၏ရည်မှန်းချက်တို့ ပါဝင်ကြောင်း၊ Hesai Technology သည် ကမ္ဘာ့အကြီးဆုံး LiDAR နည်းပညာပံ့ပိုးပေးသူဖြစ်ပြီး ကမ္ဘာ့ဈေးကွက်၏ သုံးပုံတစ်ပုံခန့်ကို ရယူထားပါကြောင်း၊ LiDAR ကို အလိုအလျောက်မောင်းနှင်မှု စနစ်များနှင့် အလိုအလျောက်ယာဉ်များအတွက် အသုံးပြုပြီး Hesai သည် ဤကဏ္ဍတွင် ကမ္ဘာလုံးဆိုင်ရာဈေးကွက်ဝေစု ၆၀% ကျော်ကို ထိန်းချုပ်ထားပါကြောင်း ဝန်ကြီးက ဖြည့်စွက်ပြောကြားခဲ့သည်။
LiDAR နည်းပညာသည် လေဆာစနစ်များနှင့် လုပ်ဆောင်ချက်များကို အသုံးပြု၍ 3D အာရုံခံနိုင်စွမ်းကို ဉာဏ်ရည်တု(AI)၏ "မျက်လုံးများ" အဖြစ် အသုံးပြုပြီး ယာဉ်များနှင့် စက်ရုပ်များသည် ၎င်းတို့၏ ပတ်ဝန်း ကျင်ကိုသိရှိနိုင်စေပြီး အကွာအဝေးများကို တိုင်းတာနိုင်ကာ တိကျပြီး ဘေးကင်းသော ဆုံးဖြတ်ချက်များ ချမှတ်နိုင်စေပါကြောင်း၊ ယင်းနည်းပညာသည် မောင်းနှင်သူအထောက်အကူပေးအဆင့်မြင့်စနစ်များအတွက်အရေးကြီးသောအခြေခံအဆောက်အအုံတစ်ခုဖြစ်ပြီး အနာဂတ် AI နှင့် ရိုဘော့တစ်စီးပွားရေး၏ အဓိကအချက်အဖြစ် Hesal ၏ အခန်းကဏ္ဍများဖြစ်ကြောင်း Mr. Ekniti က ဆက်လက်ပြောကြားခဲ့သည်။
ကုမ္ပဏီ၏ ရင်းနှီးမြှုပ်နှံမှုသည် အလုပ်အကိုင်များဖန်တီးပေးရေး၊ ပြည်တွင်းထောက်ပံ့ရေး ကွင်းဆက်များဖွံ့ဖြိုးတိုးတက်ရေးနှင့် အဆင့်မြင့်အင်ဂျင်နီယာနှင့် ထုတ်လုပ်ရေးတွင် အသိပညာလွှဲပြောင်းမှုမြှင့်တင်ခြင်းအပါအဝင် ထိုင်းနိုင်ငံ၏စီးပွားရေးကိုမည်သို့ပံ့ပိုးပေးနိုင်မည်ဆိုသည့် အချက်များအပေါ် နှစ်ဖက်လုံးက အမြင်များဖလှယ်ခဲ့ကြကြောင်း၊ ၎င်းတို့သည် အထူးသဖြင့် ထိုင်းအင်ဂျင်နီယာများအတွက် အလုပ်အကိုင်မျှော်မှန်းချက်များအပြင် လေ့ကျင့်ရေးယန္တရားများမှတစ်ဆင့် အလုပ် သမားအင်အားဖွံ့ဖြိုးတိုးတက်ရေးနှင့် ပညာရေးအဖွဲ့အစည်းများနှင့် သက်ဆိုင်ရာအေဂျင်စီများနှင့် ပူးပေါင်းဆောင်ရွက်မှုတို့ကိုလည်း ဆွေးနွေးခဲ့ကြကြောင်း သိရှိရပါသည်။
ကုမ္ပဏီသည် အနာဂတ်စီးပွားရေးတွင် Alအခြေခံအဆောက်အအုံအဖြစ် LiDAR နည်းပညာ၏ တိုးပွားလာနေသော အရေးပါမှုကို မီးမောင်းထိုးပြခဲ့ပြီး Al နှင့် ရိုဘော့တစ်စနစ်များနှင့် နည်းပညာကို ပေါင်းစပ်ခြင်းအပြင် ကမ္ဘာလုံးဆိုင်ရာ မိတ်ဖက်များတည်ဆောက်ခြင်းဆိုင်ရာ အမြင်များကို ဖလှယ်ခဲ့ကြောင်း၊ Hesai Technology ၏ရင်းနှီးမြှုပ်နှံမှုစီမံကိန်းကို ထိုင်းနိုင်ငံ FastPass ရင်းနှီးမြှုပ်နှံမှု လွယ်ကူချောမွေ့စေရေးအစီအစဉ်အောက်တွင် ရွေးချယ်ခဲ့ခြင်းဖြစ်ပြီး ရင်းနှီးမြှုပ်နှံမှုများကို အမြန်ဆုံး အကောင်အထည်ဖော်နိုင်စေရန်အတွက် လုပ်ထုံးလုပ်နည်းများကို အရှိန်မြှင့်တင်ရန်၊ လုပ်ငန်းလည်ပတ်မှုကို လွယ်ကူချောမွေ့စေရန်နှင့် အကောင်အထည်ဖော်မှုဆိုင်ရာ အတားအဆီးများကို ဖယ်ရှားရန်ဖြစ်ကြောင်း၊ ကုမ္ပဏီသည် စုစုပေါင်းရင်းနှီးမြှုပ်နှံမှုတန်ဖိုး ဘတ် ၁.၅ ဘီလီယံရှိသော LiDAR အမည်ရှိယာဉ်များအတွက် အီလက်ထရွန်းနစ်ပစ္စည်းများထုတ်လုပ်ရန် စီမံကိန်းတစ်ခုအတွက် ရင်းနှီးမြှုပ်နှံမှုမြှင့်တင်ရေး ခွင့်ပြုချက်ရရှိခဲ့ကြောင်း၊ စီမံကိန်းသည် အယုဒ္ဓယပြည်နယ်ရှိ ရိုဂျာနာ စက်မှုဇုန်တွင် တည်ရှိကြောင်း သိရှိရပါသည်။
Source: https://www.bangkokpost.com
(သီတာဝင်း၊ စီးပွားရေးသံမှူး၊ ဗန်ကောက်မြို့)
