တရုတ်နိုင်ငံရှိ အိမ်ထောင်စုများမှ ဖြန့်ဖြူးပေးသော နေရောင်ခြည်စွမ်းအင်ထုတ်လုပ်မှု၏ တပ်ဆင်စွမ်းအင်မှာ စက်တင်ဘာလကုန်အထိ ကီလိုဝပ် ၁၀၅ သန်းခန့်အထိ ရောက်ရှိလာခဲ့ကြောင်း၊ နိုင်ငံအတွင်း ကျေးလက်ဒေသများရှိ အိမ်ခြေ ၅ သန်းကျော်ကို လွှမ်းခြုံမှုရှိကြောင်း အမျိုးသား စွမ်းအင်စီမံခန့်ခွဲမှုဦးစီးဌာန (NEA) ၏ နိုဝင်ဘာလ ၁၄ ရက် အချက်အလက်များအရ သိရသည်။

မကြာသေးမီနှစ်များအတွင်း တရုတ်နိုင်ငံရှိ အိမ်ထောင်စုများမှ ထုတ်လုပ်သော နေရောင်ခြည်စွမ်းအင် ထုတ်လုပ်မှုသည် လျင်မြန်စွာတိုးတက်လာခဲ့ကြောင်း၊ ဘေးကင်း၍ စိတ်ချရသော လျှပ်စစ်ဓာတ်အား ပေးဝေမှုကို ခိုင်မာစေခြင်း၊ အစိမ်းရောင်စွမ်းအင် အသွင်ကူးပြောင်းမှု မြှင့်တင်ခြင်းနှင့် လယ်သမားများအား ဝင်ငွေတိုးစေခြင်းစသည်တို့၌ အရေးပါသောအခန်းကဏ္ဍမှ ပါဝင်လျက်ရှိကြောင်း NEA က ဖြည့်စွက်ပြောခဲ့သည်။

ပထမသုံးလအတွင်း အသစ်ဖြည့်စွက်တပ်ဆင်ထားသော အိမ်ထောင်စုများ၏ နေရောင်ခြည်စွမ်းအင် တပ်ဆင်စွမ်းအင်ပမာဏမှာ ကီလိုဝပ် ၃၂.၉၈ သန်းရှိပြီး ယင်းပမာဏမှာ ဖြန့်ဖြူးထားသော နေရောင်ခြည်စွမ်းအင် အသစ်တပ်ဆင်စွမ်းအင်၏ ထက်ဝက်ခန့်ရှိကြောင်း အချက်အလက်များအရ သိရသည်။ 

Source: https://xinhuamyanmar.com