ထိုင်းနိုင်ငံ၊ ဘန်ကောက်မြို့ရှိ Queen Sirikit National Convention Center (QSNCC) တွင် “STYLE Bangkok 2024” အား ၂၀၂၄ ခုနှစ်၊ မတ်လ ၂၀ ရက်နေ့မှ ၂၄ ရက်နေ့အထိ ( ၅ ) ရက်ကြာ ကျင်းပပြုလုပ်သွားမည်ဖြစ်သည်။

              အဆိုပါကုန်စည်ပြပွဲတွင် ဖက်ရှင်နှင့်သားရေအသုံးအဆောင်ပစ္စည်းများ၊ လက်မှုထည်နှင့် လက်ဆောင်ပစ္စည်းများ၊ အိမ်သုံးပစ္စည်းများကို ပါဝင်ပြသခြင်းဖြင့် ဈေးကွက်နှင့် ဝယ်လက်အသစ်များရရှိစေမည့် အကောင်းဆုံးအခွင့်အရေးများရရှိနိုင်မည်ဖြစ်ပြီး စီးပွားရေးလုပ်ငန်းရှင်များ ပါဝင်ပြသနိုင်ရန်အတွက် ဧရိယာ ၃.၃ စတုရန်းမီတာ အကျယ်အဝန်းရှိသည့် ပြခန်း (၄) ခန်းအား အခမဲ့ပံ့ပိုးပေးသွားမည်ဖြစ်ပါသည်။

              ကုန်စည်ပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် https://mitc.myantrade.gov.mm/member/trade-fair/new သို့  ဝင်ရောက်စာရင်း ပေးသွင်းရ မည်ဖြစ်ပါသည်။ ပါဝင်ပြသခွင့်ရရှိမည့် ကုမ္ပဏီအား စာရင်းပေးသွင်းမှု အစီအစဉ်အတိုင်း ဦးစားပေး ရွေးချယ်သွားမည်ဖြစ်ပြီး အသေးစိတ်အချက်အလက်များအား မြန်မာကုန်သွယ်မှုမြှင့်တင်ရေးအဖွဲ့၊ ဖုန်း ၀၆၇-၄၀၈၆၂၂ သို့ ဆက်သွယ်မေးမြန်းနိုင်ပါကြောင်း သတင်းရရှိပါသည်။

ကုန်သွယ်မှုဖွံ့ဖြိုးရေးဌာနခွဲ