ဆန်ဆာဝက်ဆိုဒ်၏ အချက်အလက်များအရ ၂၉-၆-၂၀၂၂ ရက်နေ့တွင် တရုတ်နိုင်ငံအရှေ့ပိုင်းရှိ အလူမီနီယံပစ္စည်းများ၏ တစ်တန် ပျမ်းမျှဈေး ကွက်ပေါက်ဈေးမှာ ၁၉,၃၈၃.၃၃ ယွမ်ဖြစ်ပြီး တစ်နေ့အတွင်း စျေးမြင့်တက်မှု ၀.၆၄ ရာခိုင်နှုန်းရှိခဲ့ကြောင်း၊ ဇွန်လအစပိုင်းတွင် တစ်တန် ပျမ်းမျှဈေး ကွက်ပေါက်ဈေး ၂၀,၂၀၆.၆၇ ယွမ်နှင့်နှိုင်းယှဉ်ပါက ၄.၀၇ ရာခိုင်နှုန်း ကျဆင်းခဲ့ကြောင်းနှင့် ယမန်နှစ် အလားတူကာလက တစ်တန် ပျမ်းမျှဈေး ကွက်ပေါက်ဈေး ၁၈,၈၀၀ နှင့်နှိုင်းယှဉ်ပါက ၃.၁၀ ရာခိုင်နှုန်း တိုးလာပါသည်။

အလူမီနီယံပေါက်ဈေးသည် ၁၉-၁၀-၂၀၂၁ ရက်နေ့တွင် တစ်တန်ပျမ်းမျှဈေးနှုန်း ၂၄,၂၄၀ ယွမ်ဖြင့် အမြင့်ဆုံးသို့ ရောက်ခဲ့ပြီး မကြာမီကာလတွင် ယင်းမှ သွေဖီကာ ၂၀.၀၄ ရာခိုင်နှုန်း ကျဆင်းသွားကြောင်း ယင်းနောက်ပိုင်းကာလတွင် အခြေအေန ပြန်လည်ကောင်းမွန်လာပြီး ၁၃-၁၂-၂၀၂၁ ရက်နေ့မှစတင်၍ အလူမီနီယံ၏ တစ်တန်ပျမ်းမျှစျေးကွက်စျေးနှုန်းသည် ၁၈,၆၉၃.၃၃ ယွမ်ခန့် စျေးပေါက်ခဲ့ပြီးနောက်  မကြာမီ ၃.၈၂ရာခိုင်နှုန်း တိုး လာခဲ့ပါသည်။

ရောင်းလိုအားနှင့် ဝယ်လိုအားကို ခြုံငုံသုံးသပ်ရာတွင် ပြည်တွင်းအလူမီနီယမ်ချောင်းထုတ်လုပ်မှုစွမ်းရည် လျှော့ချရေးနှင့် ထုတ်လုပ်မှုပြန်လည် စတင်ခြင်း တိုးတက်မှုအနေဖြင့် ပြည်တွင်းအလူမီနီယံ သွင်းကုန်ထုတ်လုပ်မှုလျှော့ချရေးနှင့် ထုတ်လုပ်မှု ပြန်လည်စတင်ရေး တိုးတက်မှုသည် စုစု ပေါင်းတန်ချိန် ၂.၄၉၅ သန်းဖြင့် ပြန်လည်စတင်ထုတ်လုပ်နိုင်မှု ၈၀ ရာခိုင်နှုန်းသို့ ရောက်ရှိခဲ့ပါသည်။

မတော်တဆမှုလုပ်ငန်းများ ရပ်ဆိုင်းခြင်းမှလွဲ၍ ဒေသအမျိုးမျိုးတွင် ယူနန်သည် ယေဘူယျအားဖြင့် ထုတ်လုပ်မှုကို ပြန်လည်စတင်ခဲ့သည်။ အတွင်း မွန်ဂိုလီးယားနှင့် ဟဲနန်ဒေသများတွင် ထုတ်လုပ်မှု၏ ၈၀ ရာခိုင်နှုန်းကျော်ကို ပြန်လည်စတင်ခဲ့ပြီး ရှန်ရှီးတွင် ရ၀ ရာခိုင်နှုန်း၊ ကွမ်ရှီးနှင့် ကွေ့ကျိုး ဒေသတို့တွင် ၄၀ မှ ၅၀ ရာခိုင်နှုန်းစီ အသီးသီးရှိသည်။

ပြည်တွင်းထုတ်လုပ်မှုစွမ်းရည်အသစ်၏ ၃၀ ရာခိုင်နှုန်းကို ထုတ်လုပ်မှုတွင် ထည့်သွင်းထားပြီး ပြည်တွင်းထုတ်လုပ်မှုစွမ်းရည်အသစ် ထုတ်လုပ်မှုနှင့် ပတ်သက်၍ ယူနန်ပြည်နယ်ရှိ အချို့သောပရောဂျက်များသည် အခြေခံအားဖြင့် ထုတ်လုပ်မှုကိုစတင်ခဲ့ပြီး အခြားပရောဂျက်များမှာလည်း ထုတ် လုပ်မှုအတွက် ပြင်ဆင်နေဆဲဖြစ်သည်။ အတွင်းမွန်ဂိုလီးယားရှိ ထုတ်လုပ်မှု၏အချို့ကို ယခုနှစ်အတွင်း အပြည့်အဝထုတ်လုပ်နိုင်မည်ဟု မျှော်လင့်ရ သည်။ ခြုံကြည့်သော် ထုတ်လုပ်မှုနှုန်းသည် ၃၀% ခန့်ရှိပြီး ယခုနှစ် ဒုတိယနှစ်ဝက်တွင် ထုတ်လုပ်မှုပမာဏ ၈၀၀,၀၀၀ တန် ထပ်မံထုတ်လုပ်နိုင် မည်ဟု မျှော်မှန်းထားသည်။ စျေးကွက်အမြင် ရောင်းလိုအားနှင့် ဝယ်လိုအားရှုထောင့်မှကြည့်လျှင် ထုတ်လုပ်မှုစွမ်းရည်အသစ်ကို ထုတ်လုပ်မှုတွင် တစ်မျိုးပြီးတစ်မျိုးထည့်သွင်းမည်ဟု မျှော်လင့်ရပြီး ထုတ်လုပ်မှုစွမ်းရည်ကို တတိယသုံးလပတ်တွင် ထုတ်လုပ်မှုအဖြစ်သို့ ပြောင်းလဲနိုင်ခြေရှိသည်။

(မြန်မာစီးပွားရေးသံမှူး၊ ကူမင်းမြို့)
ရင်းမြစ် http://www.sunsirs.com/uk/detail_news-7808.html