တရုတ်အပြည်ပြည်ဆိုင်ရာကုန်သွယ်မှုမြှင့်တင်ရေးကောင်စီ (China Council for the Promotion of International Trade - CCPIT)သည် အမေရိကန်ကုန်သည်ကြီးများအသင်း(US Chamber of Commerce) ၏ဖိတ်ကြားချက်အရ ယခုနှစ် ဒီဇင်ဘာလအစောပိုင်းတွင် အမေရိကန်သို့သွားရောက်လည်ပတ်ရန် တရုတ်စွန့်ဦးတီထွင်လုပ်ငန်းရှင်များအဖွဲ့(a delegation of Chinese entrepreneurs)ကို စီစဉ်မည်ဖြစ်ကြောင်း CCPIT ၏ပြောရေးဆိုခွင့်ရှိသူတစ်ဦးက ပြောကြားခဲ့သည်။ ကမ္ဘာ့အကြီးဆုံးစီးပွားရေးနှစ်ခုနှင့် ကုန်သွယ်ဖက်များအကြား ပိုမိုနီးကပ်ပြီး ခန့်မှန်းနိုင်သော စီးပွားရေးနှင့် ကုန်သွယ်ရေးဆက်ဆံမှုအတွက် စီးပွားရေးလုပ်ငန်းများက ထောက်ခံပေးရန် မျှော်လင့်ချက်များတိုးပွားလာမှုကို ဤလုပ်ဆောင်ချက်က ဖော်ဆောင်ပေးနိုင်ကြောင်း တရုတ်ကျွမ်းကျင်သူတစ်ဦးက ပြောကြားခဲ့သည်။

နှစ်နိုင်ငံ၏ စီးပွားရေးအသိုင်းအဝိုင်းများအကြား မကြာသေးမီက လက်တွေ့ကျသော ဖလှယ်မှုများနှင့် အပြန်အလှန်ဆက်ဆံမှုများအပြင် တရုတ်-အမေရိကန်ဆက်ဆံရေး၏ အနာဂတ်ဖွံ့ဖြိုးတိုးတက်မှုအပေါ် ၎င်းတို့၏အမြင်များအကြောင်း မီဒီယာမေးမြန်းမှုအပေါ် မှတ်ချက်ပေးတုံ့ပြန်ခဲ့ခြင်းဖြစ်သည်။

သတင်းစာရှင်းလင်းပွဲတွင် CCPIT ပြောရေးဆိုခွင့်ရှိသူ Yang Fan က တရုတ်-အမေရိကန်နှစ်နိုင်ငံခေါင်းဆောင်များ ကိုရီးယားသမ္မတနိုင်ငံ၊ ဘူဆန်မြို့တွင် တွေ့ဆုံခဲ့ကြပြီး စီးပွားရေးနှင့် ကုန်သွယ်ရေးအပါအဝင် နယ်ပယ်များစွာတွင် ပူးပေါင်းဆောင်ရွက်မှု မြှင့်တင်ရန် သဘောတူညီခဲ့ပြီးနောက် နှစ်နိုင်ငံဆက်ဆံရေးသည် ယေဘုယျအားဖြင့် တည်ငြိမ်ပြီး အပြုသဘောဆောင်နေဆဲဖြစ်ကြောင်း၊ ထိုသို့ဖြင့် နှစ်နိုင်ငံ၏ စီးပွားရေးအသိုင်းအဝိုင်းများအကြား ပိုမိုနက်ရှိုင်းသောဖလှယ်မှုများနှင့် ပူးပေါင်းဆောင်ရွက်မှုများအတွက် အခွင့်အလမ်းကောင်းများ ဖန်တီးပေးနေကြောင်း ပြောကြားခဲ့သည်။

မကြာသေးမီက အဓိကကုန်သွယ်ဖက်နှစ်ဦးအကြား ပွဲများစွာကို ကျင်းပနိုင်ခဲ့ပြီး နောင်လာမည့်အနာဂတ်တွင် ပိုမိုကျင်းပသွားရန် မျှော်လင့်ထားကြောင်း Yang က ပြောကြားခဲ့သည်။

တရုတ်စီးပွားရေးလုပ်ငန်းများ၏ ကိုယ်စားလှယ်အဖွဲ့ အမေရိကန်သို့ လာရောက်မည့်ခရီးစဉ်နှင့်ပတ်သက်၍ ပါဝင်သည့်ကုမ္ပဏီများအနေဖြင့် စိုက်ပျိုးရေး(agriculture)နှင့် အစားအစာ(food)၊ စက်ယန္တရား (machinery)နှင့် အီလက်ထရွန်းနစ်ပစ္စည်းများ(electronics)၊ ငွေကြေးဆိုင်ရာဝန်ဆောင်မှုများ(financial services)၊ နယ်စပ်ဖြတ်ကျော်ကုန် သွယ်မှု(cross-border trade)၊ ထောက်ပံ့ပို့ဆောင်ရေး(logistics)နှင့် သယ်ယူပို့ဆောင်ရေး(transportation)၊ဇီဝဆေးပညာ(biomedicine) နှင့် ခေတ်မီယဉ်ကျေးမှု(trend culture)အပါအဝင် ကဏ္ဍအမျိုးမျိုးကို လွှမ်းခြုံထားကြောင်း Yang က ပြောကြားခဲ့သည်။

ကိုယ်စားလှယ်အဖွဲ့သည် အမေရိကန်အစိုးရနှင့်လည်းကောင်း၊ စီးပွား ရေးကိုယ်စားလှယ်များနှင့်လည်းကောင်း ကျယ်ကျယ်ပြန့်ပြန့်တွေ့ဆုံဆွေးနွေးသွားမည်ဖြစ်ပြီး တရုတ်-အမေရိကန်စီးပွားရေးဖလှယ်ပွဲများစွာကို ကျင်းပသွားမည်ဖြစ်သည်။ အရည်အသွေးမြင့်ဖွံ့ဖြိုးတိုးတက်မှု (high- quality development)နှင့် အဆင့်မြင့်ဖွင့်လှစ်မှု(high-level opening-up)အတွက် တရုတ်နိုင်ငံ၏အစီအစဉ်သစ်များကို တက်ကြွစွာ မိတ်ဆက်သွားမည်ဖြစ်သည်။

မျက်နှာချင်းဆိုင်တွေ့ဆုံပြောဆိုခြင်းဖြင့် ယုံကြည်မှုတည်ဆောက်ရန်၊ စိုးရိမ်မှုများကို ဖြေရှင်းရန်၊ ပူးပေါင်းဆောင်ရွက်မှုကို ပိုမိုနက်ရှိုင်းစေရန်၊ အပြန်အလှန်အောင်မြင်မှု(mutual achievement)ကို မြှင့်တင်ရန်နှင့် မျှဝေထားသောကြွယ်ဝချမ်းသာမှု(shared prosperity)ကိုရရှိရန် မျှော်လင့်ကြောင်း Yang က ပြောကြားခဲ့သည်။

ထို့အပြင် ကနေဒါ-တရုတ်စီးပွားရေးကောင်စီ(Canada China Business Council)၏ ဖိတ်ကြားချက်အရ ကိုယ်စားလှယ်အဖွဲ့သည် ကနေဒါနိုင်ငံသို့လည်း သွားရောက်လည်ပတ်မည်ဖြစ်ပြီး ကနေဒါအစိုးရနှင့်လည်းကောင်း၊ စီးပွားရေးကိုယ်စားလှယ်များနှင့်လည်းကောင်း ကျယ်ကျယ်ပြန့်ပြန့်တွေ့ဆုံဆွေးနွေးသွားမည်ဖြစ်ကြောင်း တောင်ကိုရီးယားနိုင်ငံ၊ Gyeongju မြို့တွင်ကျင်းပခဲ့သော နှစ်နိုင်ငံ ခေါင်းဆောင်များတွေ့ဆုံပွဲ၏ ရလဒ်များကို အကောင်အထည်ဖော်ဆောင်ရန် ရည်ရွယ်၍ စီးပွားရေးနှင့် ကုန်သွယ်ရေးကဏ္ဍများတွင် လက်တွေ့ပူးပေါင်းဆောင်ရွက်မှုကို အလေးထားမြှင့်တင်သွားမည်ဖြစ်ပါကြောင်း ပြောရေး ဆိုခွင့်ရှိသူ Yang က ပြောကြားခဲ့သည်။

ဆက်ဆံရေးအလွန်တင်းမာနေချိန်တွင်ပင် တရုတ်နှင့်အမေရိကန်စီးပွား ရေးလုပ်ငန်းများအကြား ရင်းနှီးသောဆက်ဆံရေးသည် ဘယ်သောအခါမှ ရပ်တန့်မသွားဘဲ ကုမ္ပဏီများအနေဖြင့် ပူးပေါင်းဆောင်ရွက်မှုကို ရှာဖွေရာ၌ "၎င်းတို့၏ ခြေထောက်များဖြင့် မဲပေး"(vote with their feet)ကြောင်းကိုပြသခဲ့ကြကြောင်း တရုတ်နှင့်ကမ္ဘာလုံးဆိုင်ရာဗဟိုဌာန (Center for China and Globalization)၏အကြီးတန်းအဖွဲ့ဝင် He Weiwen က ပြောကြားခဲ့သည်။

အောက်တိုဘာလတွင် နှစ်နိုင်ငံခေါင်းဆောင်များ တွေ့ဆုံပြီးကတည်းက နှစ်နိုင်ငံစီးပွားရေးနှင့် ကုန်သွယ်ရေးဆက်ဆံမှုများ တိုးတက်ကောင်းမွန်လာခဲ့ပြီး ဤဖလှယ်မှုများသည် အရှိန်အဟုန်အသစ်ကို ပေးစွမ်းလျက်ရှိပြီး စီးပွားရေးအသိုင်းအဝိုင်းများအတွက် ပိုမိုကောင်းမွန်သော ပူးပေါင်းဆောင်ရွက်မှုပတ်ဝန်းကျင်နှင့် ပိုမိုကြီးမားသော ဈေးကွက်ယုံကြည်မှုကို ပေးစွမ်းကြောင်း He က မှတ်ချက်ပြုခဲ့သည်။ နောက်ခံအခြေအနေကိုဆန့်ကျင်၍ စီးပွားရေးကိုယ်စားလှယ်အဖွဲ့၏ ဒီဇင်ဘာလအမေရိကန်ခရီးစဉ်သည် နှစ်ဖက်စလုံးအတွက်အကျိုးရှိစေမည့်အပြုသဘောဆောင် သော ရလဒ်များရရှိရန်မျှော်လင့်ထားကြောင်း He က ပြောကြားခဲ့သည်။

ယခုလတွင် CCPIT နှင့် အမေရိကန်တို့မှ စီးပွားရေးဖလှယ်ရေးပွဲများကို ပူးတွဲစီစဉ်ခဲ့ပြီး၊ ဥပမာအားဖြင့် တရုတ်အပြည်ပြည်ဆိုင်ရာကုန်သည်ကြီးများအသင်း(China Chamber of International Commerce) နှင့် အမေရိကန်-တရုတ်စီးပွားရေးကောင်စီ(US-China Business Council)တို့ပူးတွဲကျင်းပခဲ့သည့် ၂၀၂၅ ခုနှစ် ကျန်းမာရေးစီးပွားရေးနှင့် ဆန်းသစ်တီထွင်မှုဖွံ့ဖြိုးတိုးတက်ရေးဆွေးနွေးပွဲညီလာခံ(2025health economy and innovation development dialogue conference)နှင့် CCPIT နှင့်တရုတ်နိုင်ငံဆိုင်ရာ အမေရိကန်သံရုံးတို့ ပူးတွဲကျင်းပသည့် တရုတ်-အမေရိကန်ကျန်းမာရေးစောင့်ရှောက်မှုနှင့် အာမခံလုပ်ငန်းဆိုင်ရာ စားပွဲဝိုင်းဆွေးနွေးပွဲ(China-US healthcare and insurance industry roundtable)တို့ဖြစ်သည်။ တရုတ်-အမေရိကန်အစားအသောက်နှင့် အဖျော်ယမကာလုပ်ငန်း ပူးပေါင်းဆောင်ရွက်ရေးဖိုရမ်(China-US food and beverage industry cooperation forum)ကိုလည်း မကြာမီကျင်းပမည်ဖြစ်ကြောင်း ပြောရေးဆိုခွင့်ရှိသူ Yang ကပြောကြားခဲ့သည်။

နှစ်နိုင်ငံစလုံးမှ စီးပွားရေးလုပ်ငန်းများသည် စိတ်အားထက်သန်မှုနှင့် ပူးပေါင်းဆောင်ရွက်ရန် ရှင်းလင်းသောဆန္ဒဖြင့် ပါဝင်ခဲ့ကြပြီး တရုတ်-အမေရိကန်ဆက်ဆံရေး၏ တည်ငြိမ်၊ ကျန်းမာပြီး ရေရှည်တည်တံ့သော ဖွံ့ဖြိုးတိုးတက်မှု(stable, healthy, and sustainable development) အတွက် မျှော်လင့်ချက်များစွာကို မျှဝေခဲ့ကြကြောင်း Yang က ပြောကြားခဲ့သည်။

တရုတ်-အမေရိကန်စီးပွားရေးနှင့် ကုန်သွယ်ရေးဖလှယ်မှုအတွက် အလားအလာသည် အလွန်ကြီးမားနေဆဲဖြစ်ကြောင်း၊ ကုန်သွယ်ရေးတင်းမာမှုများရှိနေသော်လည်း နှစ်ဖက်စလုံး၏စီးပွားရေးအခြေခံအချက်များသည် အပြန်အလှန်အထောက်အကူပြုပြီး အပြန်အလှန်အကျိုးပြုနေဆဲဖြစ်ကြောင်း Yang က ထောက်ပြခဲ့သည်။

၂၀၂၄ ခုနှစ်တွင် တရုတ်နိုင်ငံ၏ အမေရိကန်သို့ တင်ပို့မှုများနှင့် အမေရိကန်မှ တင်သွင်းမှုများသည် တရုတ်နိုင်ငံ၏ တစ်နှစ်တာစုစုပေါင်းတင်ပို့မှုနှင့် တင်သွင်းမှု၏ ၁၄.၇ ရာခိုင်နှုန်းနှင့် ၆.၃ ရာခိုင်နှုန်းရှိသည်။ တရုတ်နိုင်ငံသည် အမေရိကန်၏တတိယအကြီးဆုံးပို့ကုန်တင်ပို့ရာနေရာနှင့် ဒုတိယအကြီးဆုံးသွင်းကုန်ရင်းမြစ်ဖြစ်သည်။ ၂၀၂၄ ခုနှစ်တွင် အမေရိကန်၏ တရုတ်နိုင်ငံသို့ တင်ပို့မှုများနှင့် တရုတ်နိုင်ငံမှ တင်သွင်းမှုများ သည် ယခုနှစ်အတွက် အမေရိကန်၏ စုစုပေါင်းပို့ကုန်နှင့် သွင်းကုန်များ ၏ ၇.၀ ရာခိုင်နှုန်းနှင့် ၁၃.၈ ရာခိုင်နှုန်းအသီးသီးရှိခဲ့သည်။

ဤအခွင့်ကောင်းကို ဆုပ်ထားရန်၊ အခြေခံမူများကို ခိုင်မာချဲ့ထွင်သွားရန်၊ ပူးပေါင်းဆောင်ရွက်မှုစီမံကိန်းများစာရင်းကို တိုးချဲ့သွားရန်၊ အကောက်ခွန်နှင့် ကုန်သွယ်ရေးအတားအစီးများကို ထပ်မံလျှော့ချရန်အရေးကြီးကြောင်းနှင့် အဆိုပါနယ်ပယ်များတွင် အမေရိကန်အနေဖြင့် လုပ်ဆောင်ရမည့် အခန်းကဏ္ဍများစွာရှိနေဆဲဖြစ်ကြောင်း He က ဖြည့်စွက်ပြောကြားခဲ့သည်။

အရင်းမြစ်။ https://en.people.cn/n3/2025/1128/c90000-20396129.html

(လျန်ရှန်းမုန်၊ စီးပွားရေးသံမှူး၊ ကူမင်းမြို့)