အိန္ဒိယနိုင်ငံနှင့် ထိုင်းနိုင်ငံတို့သာမက ပြင်သစ်နိုင်ငံကပါ မြန်မာ့​ထောပတ်သီးကို ဝယ်ယူလို​နေပြီဖြစ်သည်။ မြန်မာ့ထောပတ်သီးကို ဝယ်ယူရန် ပြင်သစ်နိုင်ငံမှပေးပို့ထားသည့် အမှာစာရရှိထားကြောင်း မြန်မာနိုင်ငံ ထောပတ်သီးတင်ပို့ရောင်းချသူများအသင်းမှ သိရသည်။ မြန်မာနိုင်ငံမှ စိုက်ပျိုးထွက်ရှိသည့် ထောပတ်သီး တန်ချိန် (၈) တန်ကို ပြင်သစ်နိုင်ငံမှ ဝယ်ယူမည်ဖြစ်ပြီး ယခုအခါ တင်ပို့နိုင်ရေးအတွက် ပြင်ဆင်ဆောင်ရွက်နေကြောင်းလည်း သိရသည်။

လက်ရှိတွင် ထောပတ်သီးများ စတင်ထွက်ပေါ်နေပြီဖြစ်သော်လည်း အရည်အသွေးကောင်းသည့် ထောပတ်သီး အမျိုးအစားများသည် နိုဝင်ဘာလဆန်းပိုင်းတွင် ထွက်ရှိမည်ဖြစ်သည့်အတွက် အမှာစာပေးပို့ထားသည့် နိုင်ငံများသို့ တင်ပို့သွားမည်ဖြစ်ကြောင်း သိရသည်။ ယခုနှစ်တွင် မိုးရွာသွန်းမှုများပြားခဲ့သည့်အတွက် ပြီးခဲ့သည့်ရာသီထက် အထွက်နှုန်းပိုများနေပြီး ဈေးကောင်းရရှိကြောင်းလည်း သိရသည်။

ပြည်ပနိုင်ငံများသို့ ထောပတ်သီးတင်ပို့ရာတွင် ကမ္ဘာ့ပေါက်ဈေးနှင့်အညီ ထောပတ်သီး တစ်တန်ကို ကျပ် (၃၅) သိန်းနှင့်ရောင်းချရန် အဆိုပြုထားကြောင်း သိရသည်။ မြန်မာ့ထောပတ်သီးကို အိန္ဒိယနိုင်ငံနှင့် ထိုင်းနိုင်ငံတို့မှလည်းဝယ်ယူရန် အမှာစာပေးပို့ထားကြောင်း မြန်မာနိုင်ငံ ထောပတ်သီး တင်ပို့ရောင်းချသူများအသင်းမှ သိရသည်။ ရှမ်းပြည်နယ်အပါအဝင် တခြား‌သော ဒေသများတွင်လည်း စိုက်ပျိုးထုတ်လုပ်သူများလာကာ တစ်ဧကကို Export Quality ထောပတ်သီးတန်ချိန် ၅၀၀၀ မှ ၁၀၀၀၀ ကြားထွက်ရှိကြောင်း သိရသည်။

Source: https://t.me/popularjournal