တရုတ်-ဟွန်ဒူးရပ်စ် လွတ်လပ်သောကုန်သွယ်ရေးသဘောတူညီချက် (FTA) လက်မှတ်ရေးထိုးရေးဆိုင်ရာ စတုတ္ထအကြိမ်ညှိနှိုင်းဆွေးနွေးပွဲကို ၁၉-၂-၂၀၂၄ ရက်နေ့မှ ၂၁-၃-၂၀၂၄ ရက်နေ့ အထိ ပေကျင်းမြို့၌ ကျင်းပခဲ့သည်ဟု တရုတ်ကူးသန်းရောင်းဝယ်ရေးဝန်ကြီးဌာနက ထုတ်ပြန်ခဲ့ကြောင်း သိရှိရပါသည်။

တရုတ်နှင့် ဟွန်ဒူးရပ်စ်နှစ်နိုင်ငံသည် ကုန်စည်ကုန်သွယ်ရေး၊ ဝန်ဆောင်မှုကုန်သွယ်ရေး၊ ရင်းနှီး မြှုပ်နှံမှု စသည့်နယ်ပယ်များတွင် အသေးစိတ်ညှိနှိုင်းဆွေးနွေးမှုများ ပြုလုပ်ခဲ့ပြီး အပြုသဘော ဆောင်သော တိုးတက်မှုများရရှိခဲ့ကြောင်း ဝန်ကြီးဌာနထံမှ သိရှိရပါသည်။

တရုတ်နှင့် ဟွန်ဒူးရပ်စ်တို့သည် ၂၀၂၃ ခုနှစ်၊ မတ်လတွင် သံတမန်ဆက်ဆံရေးကို ထူထောင်ခဲ့ပြီးနောက် နှစ်နိုင်ငံအကြား FTA ဆိုင်ရာ ညှိနှိုင်းဆွေးနွေးမှုများကို ၂၀၂၃ ခုနှစ်၊ ဇူလိုင်လ (၄) ရက်နေ့တွင် စတင်ခဲ့ကြောင်းနှင့် နှစ်နိုင်ငံ FTA အတွက် ကနဦးအစီအစဉ်တစ်ခုကို ပြီးခဲ့သည့်လတွင် လက်မှတ်ရေးထိုးခဲ့ကြောင်း သိရှိရပါသည်။

Source: https://www.chinadaily.com.cn/a/202403/22/WS65fc6585a31082fc043be07e.html

(စီးပွားရေးသံမှူး၊ နန်နင်းမြို့)