အာဖရိကနိုင်ငံများသည် အစိမ်းရောင်သယ်ယူပို့ဆောင်ရေးစနစ်သို့ ကူးပြောင်းရန်နှင့်ရုပ်ကြွင်းလောင်စာသွင်းကုန်အတွက် ကုန်ကျစရိတ်များကို လျှော့ချရန် ကြိုးပမ်း နေသည့်အချိန်တွင် တရုတ် EV ထုတ်လုပ်သူများသည် အခွင့်အရေးကိုအရယူရန် အာဖရိကဈေးကွက်များသို့ ဝင်ရောက်လျက်ရှိသည်။

ခရီးသည်တင်ကားများအပြင် အာဖရိကနိုင်ငံများသည် ကဏ္ဍအားလုံးတွင် အစိမ်းရောင်သယ်ယူပို့ဆောင်ရေးကို တွန်းအားပေးလျက်ရှိသည်။ ကုန်စည်ပို့ဆောင်ရေးကုမ္ပဏီများသည် လျင်မြန်သော ဝန်ဆောင်မှုများအတွက် လျှပ်စစ်စက်ဘီးများကို အသုံးပြုလာကြသည်။ တရုတ်မော်တော်ယာဉ်ထုတ်လုပ်သူအများအပြားသည် အာဖရိကတိုက်တွင် ထုတ်လုပ်ရေးနှင့်သုတေသနဆိုင်ရာ လုပ်ငန်းများဆောင်ရွက်၍ အာဖရိက၏ စက်မှုထွန်းကားရေးတွင် ရေရှည်မိတ်ဖက်များဖြစ်လာကာ စက်မှုစွမ်းရည်အားကောင်းလာစေရန် အကူအညီပေးလျက်ရှိသည်။

"ဓာတ်ဆီသုံးကားများသည် စွမ်းအင်စျေးနှုန်းများကို မြင့်တက်လျက်ရှိသည့် ကမ္ဘာ့အကျပ်အတည်းများအတွင်း ယခုအခါ အားသွင်းခအတွက် တစ်လလျှင် အီသီယိုးပီးယားဘီရာ ၅၀၀ ခန့်(အမေရိကန်ဒေါ်လာ ၃ ဒေါ်လာခန့်)သုံးစွဲရပြီး ယခင်က စက်သုံးဆီကုန်ကျစရိတ်၏တစ်စိတ်တစ်ပိုင်းမျှသာရှိကြောင်း EV  သုံးစွဲသူများက ဆို သည်။

အရှေ့အလယ်ပိုင်းတွင် တင်းမာမှုများပြန်လည်ပေါ်ပေါက်လာခြင်းသည် လောင်စာဆီကုန်ကျစရိတ်နှင့် စွမ်းအင်လုံခြုံရေးဆိုင်ရာ စိုးရိမ်မှုများကို ပြန်လည်အသက်ဝင်လာစေသည်။ ကမ္ဘာ့ပင်လယ်ရေကြောင်းရေနံကုန်သွယ်မှု၏လေးပုံတစ်ပုံခန့်ကိုသယ်ဆောင်သည့်ဟော်မုဇ်ရေလက်ကြားမှတင်ပို့မှုများပြတ်တောက်မှုသည် အခြား ရွေးချယ်စရာများကို ရှာဖွေရန် အရေးတကြီးဖြစ်လာစေသည်။

လျှပ်စစ်သယ်ယူပို့ဆောင်ရေးကို ဖြေရှင်းချက်တစ်ခုအဖြစ် နိုင်ငံတကာစွမ်းအင်အေဂျင်စီ၏အဆိုအရ အာဖရိက၏ EV ရောင်းအားသည် လွန်ခဲ့သောနှစ်နှစ်က ယူနစ် ၄,၀၀၀ ခန့်မှ ၂၀၂၅ ခုနှစ်တွင် ယူနစ် ၂၅,၀၀၀ ခန့်အထိတိုးလာခဲ့ပြီး တရုတ်မော်တော်ယာဉ်ထုတ်လုပ်သူများက တိုးတက်မှုအများစုကို မောင်းနှင်ခဲ့ကာ BYD သည် ဒေသတွင်းရောင်းအား၏ ၃၅ ရာခိုင်နှုန်းကို ပိုင်ဆိုင်ထားကြသည်။

သွင်းကုန်လောင်စာဆီကို လုံးလုံးနီးပါးမှီခိုနေရပြီး အကျပ်အတည်း၏ အထွတ် အထိပ်တွင် အီသီယိုးပီးယားသည် အနှောင့်အယှက်မဖြစ်မီကပင် ၎င်း၏အသွင်ကူးပြောင်းမှုကို စတင်ခဲ့သည်။ ၂၀၂၄ ခုနှစ်တွင် အစိုးရသည် လျှပ်စစ်သယ်ယူပို့ဆောင်ရေးသို့ အသွင်ကူးပြောင်းမှုကို အရှိန်မြှင့်ရန်နှင့် လောင်စာဆီအတွက် သုံးစွဲသည့် နိုင်ငံခြားငွေကို လျှော့ချရန်အတွက် ဓာတ်ဆီနှင့် ဒီဇယ်သုံးယာဉ်များ တင်သွင်းခြင်းကို တားမြစ်ခဲ့သည်။ ထိုအချိန်မှစ၍ တရုတ် EV အမှတ်တံဆိပ်များသည် လူဦးရေသန်း ၁၃၀ ရှိသည့် အရှေ့အာဖရိကနိုင်ငံသို့ ဝင်ရောက်လာခဲ့သည်။

၎င်းတို့အနက်မှ တစ်ခုမှာ Guangzhou Automobile Group(GAC)ဖြစ်ပြီး ၂၀၂၆ ခုနှစ် မတ်လတွင် အီသီယိုးပီးယားဈေးကွက်၌ EV မော်ဒယ်အသစ်လေးမျိုးကို မိတ်ဆက်ခဲ့သည်။ GAC ၏အီသီယိုးပီးယားနိုင်ငံဆိုင်ရာမန်နေဂျာ Zhou Li က အစိမ်းရောင်သယ်ယူပို့ဆောင်ရေးအတွက် အစိုးရ၏တွန်းအားပေးမှုနှင့် သဘာဝပတ်ဝန်း ကျင်နှင့် သဟဇာတဖြစ်သောယာဉ်များအတွက် ဝယ်လိုအားတိုးလာမှုက မိတ်ဆက်မှုကို လှုံ့ဆော်ခဲ့ကြောင်း ပြောကြားခဲ့သည်။

အီသီယိုးပီးယားပို့ဆောင်ရေးနှင့် ထောက်ပံ့ပို့ဆောင်ရေးဝန်ကြီး Alemu Sime က ကုမ္ပဏီအား ဒေသခံနည်းပညာရှင်များမှတစ်ဆင့် အပိုပစ္စည်းများနှင့်အရောင်းအပြီး ဝန်ဆောင်မှုများ ပံ့ပိုးပေးသည့် အတွက် ချီးကျူးပြောကြားခဲ့သည်။

ပို့ဆောင်ရေးနှင့် ထောက်ပံ့ပို့ဆောင်ရေးဝန်ကြီးဌာန၏အဆိုအရ လျှပ်စစ်ကားများ၊ ကိုယ်ပိုင်ကားများ၊ မီနီဘတ်စ်ကားများနှင့် အများပြည်သူသုံးဘတ်စ်ကား ၁၄၀, ၀၀၀ ကျော်သည် ယခုအခါ အီသီယိုးပီးယားလမ်းများပေါ်တွင်ရှိနေပြီဖြစ်သည်။ ကနဦးသွင်းကုန်ပစ်မှတ်ကို သတ်မှတ်ရက်ထက်စောပြီး ပြည့်မီပြီးနောက် အစိုးရသည် ၂၀၃၀ ခုနှစ်အထိ ၎င်း၏ဆယ်နှစ်စီမံကိန်းအောက်တွင် လျှပ်စစ်ကား ၅၀၀, ၀၀၀ အထိ လမ်းပေါ်တင်ရန် ရည်မှန်းထားသည်။

ကင်ညာတွင် တစ်နိုင်ငံလုံး အများပြည်သူသယ်ယူပို့ဆောင်ရေးအတွက် သမ္မတ William Ruto က မေလတွင် အစိုးရသည် ပြည်ထဲရေးဝန်ကြီးဌာနမှတစ်ဆင့် လုံခြုံ ရေးနှင့် အုပ်ချုပ်ရေးအရာရှိများအတွက် EV ၃,၀၀၀ ကို ၀ယ်ယူရန် လုပ်ငန်းစဉ်တွင် ရှိသည်ဟု ကြေညာခဲ့သည်။

ပြည်သူ့ဝန်ဆောင်မှုအတွက်ဖြစ်စေ၊ ကိုယ်ပိုင်သုံးအတွက်ဖြစ်စေ ကင်ညာသို့ တင်သွင်းမည့် ပထမဆုံးလျှပ်စစ်ကား ၁၀၀,၀၀၀ သည် အခွန်ကင်းလွတ်ခွင့်ရရှိမည်" ဟု ၎င်းက ပြောကြားခဲ့သည်။ ကင်ညာအရာရှိများ၏ အဆိုအရ မှတ်ပုံတင်ထားသော EV အရေအတွက်သည် ၂၀၂၂ ခုနှစ်တွင် ၁,၄၀၀ မှ ၂၀၂၅ ခုနှစ်တွင် ၃၉,၀၀၀ ကျော်အထိ ခုန်တက်သွားခြင်းဖြင့် ဈေးကွက်သည် အရှိန်ရရှိနေပြီဖြစ်သည်။

တောင်အာဖရိက မော်တော်ယာဉ်ထုတ်လုပ်သူများအသင်း၏ အချက်အလက်များအရ ယခုနှစ် မတ်လမှ မေလအတွင်း EV ၁,၂၉၃ စီး ရောင်းချခဲ့ရပြီး ၂၀၂၄ ခုနှစ်တွင် စံချိန်တင်ခဲ့သည့် ယူနစ် ၁,၂၅၇ ၏ ယခင်တစ်နှစ်တာ စံချိန်ကို ကျော်လွန်ခဲ့သည်။

မြို့ကြီးများအပြင်ဘက်တွင် အားသွင်းကွန်ရက်များကျဲပါးသည့် စိန်ခေါ်မှုများနေသော်လည်း စက်မှုလေ့လာသူများက ဘက်ထရီနည်းပညာတွင် အားသာချက်များနှင့်တတ်နိုင်သောမော်ဒယ်များတိုးချဲ့လာမှုရှိသည့်တရုတ်မော်တော်ယာဉ်ထုတ်လုပ် သူများသည် အဆိုပါအတားအဆီးများကို အချိန်ကြာလာသည်နှင့်အမျှ လျှော့ချရန် အဆင်သင့်ရှိနေကြောင်း ပြောကြားခဲ့သည်။

၂၀၂၆ ခုနှစ် ပထမနှစ်ဝက်တွင် တရုတ်နိုင်ငံသည် ယာဉ် ၅.၀၉၆ သန်းတင်ပို့ခဲ့ပြီး ယမန်နှစ် အလားတူကာလထက် ၆၅.၃ ရာခိုင်နှုန်းတိုးလာကာ စွမ်းအင်သစ်ယာဉ်များက စုစုပေါင်း၏ ၄၆ ရာခိုင်နှုန်းကျော်ပံ့ပိုးပေးခဲ့သည်။

Source: https://english.news.cn/20260713/894945e8a26d40218a6ba384d848cb69/c.html

(ခင်မြမြထွေး၊ စီးပွားရေးသံမှူး၊ ကူမင်းမြို့)