ကံပိုင်တည်ကုန်သွယ်ရေးစခန်းမှ ၂၀၂၄ ခုနှစ်၊ မတ်လကုန်သွယ်မှုလျာထားချက်မှာ ပို့ကုန် (၂၀.၀၀၀) ဒေါ်လာသန်း နှင့် သွင်းကုန် (၂.၅၀၀) ဒေါ်လာသန်းဖြင့် စုစုပေါင်း (၂၂.၅၀၀) ဒေါ်လာသန်း ဖြစ်ပါသည်။ မတ်လ(၉) ရက်နေ့အထိ အမှန်ကုန်သွယ်မှုမှာ ပို့ကုန်(၁၁.၀၀၇) ဒေါ်လာသန်း၊ သွင်းကုန် (၃.၄၂၈) ဒေါ်လာသန်း၊ စုစုပေါင်း (၁၄.၄၃၅) ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၅၉.၆၁၂%) ဆောင်ရွက်နိုင်ခဲ့ပါသည်။
မတ်လ(၉)ရက်အတွင်း ပို့ကုန်အမယ်များအနေဖြင့် တစ်သျှူးငှက်ပျော၊ ဖရဲသီး၊ ရွှေဖရုံသီး၊ ငရုတ်သီး၊ မြေပဲဆံ၊ မကျည်းသီး(အစေ့ပါ)၊ သန့်စင်ပြီးသံမှုန့်နှင့် ကြက်သွန်နီတို့တင်ပို့နိုင်ခဲ့ပြီး၊ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်းများ၊ လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များနှင့် သစ်သီးများတင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်း၏ ၂၀၂၄ ခုနှစ်၊ မတ်လ(၅)ရက်မှမတ်လ(၉) ရက်နေ့ထိကုန်ပစ္စည်း အမယ်လိုက် တင်ပို့/တင်သွင်းမှုအခြေအနေ
ကံပိုင်တည်ကုန်သွယ်ရေးစခန်း၏ ၂၀၂၄ ခုနှစ်၊ မတ်လ(၅)ရက်မှ မတ်လ(၉) ရက်နေ့အထိ ပို့ကုန်ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော ဈေးနှုန်းတစ်တန်လျှင် (၂၅၃၀) ယွမ်/ (၃၄၇)ဒေါ်လာတို့ဖြင့် တန်ချိန် (၁၄၂၂၅) တန်၊ တန်ဖိုး (၅.၁၀၁) ဒေါ်လာသန်း၊ ကြက်သွန်နီ တန်ချိန် (၆၈၃) တန်၊ တန်ဖိုး (၀.၂၀၇) ဒေါ်လာသန်း၊ ငရုတ်သီး တန်ချိန် (၃၄၀) တန်၊ တန်ဖိုး (၀.၁၆၉) ဒေါ်လာသန်း၊ ဖရဲသီး တန်ချိန် (၁၀၀)တန်၊ တန်ဖိုး (၀.၁၀၁) ဒေါ်လာသန်း၊ မြေပဲဆံ တန်ချိန် (၃၄) တန်၊ တန်ဖိုး (၀.၀၅၁) ဒေါ်လာသန်း၊သခွားမွှေး တန်ချိန် (၂၅) တန်၊ တန်ဖိုး (၀.၀၀၅) ဒေါ်လာသန်း၊ မကျည်းသီး (အစေ့ပါ) တန်ချိန် (၃၄) တန်၊ တန်ဖိုး (၀.၀၀၈) ဒေါ်လာသန်းနှင့် ရွှေဖရုံသီး တန်ချိန် (၆၁၂) တန်၊ တန်ဖိုး(၀.၀၆၀) ဒေါ်လာသန်း တင်ပို့နိုင်ခဲ့ပါသည်။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe၊ လိမ္မော်သီးနှင့် လူသုံးအဝတ်အထည်များဖြစ်ပြီး ရင်းနှီးပစ္စည်း တန်ချိန် (၂၅၃.၂၉) တန်၊ တန်ဖိုး (၀.၁၈၈)ဒေါ်လာသန်း၊ လုပ်ငန်းသုံးပစ္စည်း တန်ချိန် (၁၀၂.၅၀) တန်၊ တန်ဖိုး (၀.၁၄၁) ဒေါ်လာသန်း၊ လူသုံးပစ္စည်း တန်ချိန် (၁၉၆.၃၀) တန်၊ တန်ဖိုး (၀.၁၄၀) ဒေါ်လာသန်းတို့ တင်သွင်းနိုင်ခဲ့ပါသည်။ ကံပိုင်တည်ကုန်သွယ်ရေးစခန်း၌ အတက်အဆင်းကုန်များအတွက် အငှားယာဉ်ဖြင့် တင်ဆောင်ခြင်းမဟုတ်ဘဲ ငှက်ပျောတင်ယာဉ်နှင့် သွင်းကုန်ပစ္စည်းများအတွက် ကုန်ပစ္စည်းတင်ယာဉ်များသည် သက်ဆိုင်ရာကုမ္ပဏီပိုင် ယာဉ်များဖြင့်သာ တင်ပို့တင်သွင်းခြင်းဖြစ်ပါသည်။
Source: https://commerce.gov.mm
