သီတင်းကျွတ် အချိန်အခါကာလသို့ ရောက်ရှိတော့မည်ဖြစ်သဖြင့် ပုသိမ်မြို့ရှိ ဈေးနှင့် စတိုးဆိုင်များတွင် ဖယောင်းတိုင်အထုပ်များ အရောင်းအဝယ်သွက်လျက်ရှိရာ ဖယောင်းတိုင်အသေး (၃၂)တိုင်ပါ တစ်ထုပ်လျှင် ၁၃၀၀ ကျပ်၊ ဖယောင်းတိုင်(၃၂)တိုင်ပါ တစ်ထုပ်လျှင် ၂၂၀၀ ကျပ်၊ ဖယောင်းတိုင်အကြီး (၃၆)တိုင်ပါတစ်ထုပ်လျှင် ၄၅၀၀ ကျပ်ဈေးရှိပြီး အရောင်းဝယ်အသွက်ဆုံးတံဆိပ်များမှာ အုန်းနှစ်ပင်၊ နေလတံဆိပ်တို့ဖြစ်သည်။ ဘုရားမီးပူဇော်ခြင်းနှင့် မီးထွန်းရာတွင် ဆီမီးခွက်နှင့် ရေနံဆီမီးခွက်များကိုလည်း အသုံးပြုလျက်ရှိရာ ဆီမီးခွက်တစ်ခွက်လျှင် ၉၀ မှ ၁၀၀ ကျပ် ဈေးနှုန်းနှင့် ရေနံဆီမီးခွက် တစ်ခွက်လျှင် ၁၄၀-၁၅၀ ကျပ် ဈေးနှုန်းဖြင့် ရောင်းချလျက်ရှိကြောင်း သိရှိရသည်။
source: https://www.doca.gov.mm/
