တရုတ်နိုင်ငံအခြေစိုက် လျှပ်စစ်ကား ထုတ်လုပ်သည့် Cherry ကုမ္ပဏီ၏ ထိုင်းနိုင်ငံအခြေစိုက် ကုမ္ပဏီခွဲက ထိုင်းနိုင်ငံ၊ ရယောင်မြို့တွင် လျှပ်စစ်ကားစက်ရုံ တည်ဆောက်သွားမည်ဖြစ်ပြီး ၂၀၂၅ ခုနှစ်တွင် မော်တော်ယာဉ်ထုတ်လုပ်ခြင်း လုပ်ငန်းများစတင်သွားရန် စီစဉ်ထားကြောင်း သိရပါသည်။ အဆိုပါ စက်ရုံသည် ပြည်တွင်းနှင့် အာဆီယံဒေသတွင်း ဈေးကွက်ကို ကားများ စတင်ထုတ်လုပ်ရောင်းချသွားမည်ဖြစ်ပြီး တစ်ကမ္ဘာလုံးဆိုင်ရာ တင်ပို့ရောင်းချမှုများအတွက် ကုမ္ပဏီ၏ အခြေစိုက်နေရာဖြစ်လာမည်ဖြစ်ကြောင်း Cherry International Company ၏ အရှေ့တောင်အာရှဆိုင်ရာ ဒုတိယမန်နေဂျင်းဒါရိုက်တာက ပြောကြားခဲ့ပါသည်။ ကုမ္ပဏီသည် အနာဂတ်တွင် ကားများအား ပစိဖိတ်သမုဒ္ဒရာအတွင်းရှိ ကျွန်းများနှင့် အရှေ့အလယ်ပိုင်း နိုင်ငံများကို တင်ပို့သွားရာ၌ စီစဉ်ထားကြောင်း သိရပါသည်။ ထုတ်လုပ်မှုအစီအစဉ်ကို ၂ ပိုင်း ခွဲထားပြီး ၂၀၂၅ ခုနှစ်တွင် နှစ်စဉ်အစီးရေ ၅၀၀၀၀ ထုတ်လုပ်သွားမည်ဖြစ်ပြီး ၂၀၂၈ ခုနှစ်မှ စတင်၍ အစီးရေ ၈၀၀၀၀ ထိ တိုးမြှင့်ထုတ်လုပ်သွားမည်ဖြစ်သည်။ ထိုင်းနိုင်ငံတွင် စုစုပေါင်း ကားအရောင်းစင်တာ ၃၅ ခု ဖွင့်လှစ်ရန် စီစဉ်ထားပြီး အဆိုပါပမာဏထဲမှ ၂၀ မှာ ဘန်ကောက်မြို့တွင် ဖွင့်လှစ်သွားမည်ဖြစ်သည်။ ထို့ပြင်ဒေသတွင်း မိတ်ဖက်များနှင့် ပူးပေါင်း၍ လျှပ်စစ်ကားအားသွင်းသည့် ဝန်ဆောင်မှုများ ဖွံ့ဖြိုးတိုးတက်လာရန် ဆွေးနွေးမှုများရှိနေကြောင်း သိရပါသည်။
Source: Bangkok Post
Source: https://www.doca.gov.mm
