ဇူလိုင်လ စတုတ္ထပတ်အတွင်း မုံရွာမြို့ကုန်စည်ဒိုင်၌ အရောင်းအဝယ်ဖြစ်လျက်ရှိသည့် ဆီထွက်သီးနှံများ၏ ဈေးကွက်အခြေအနေမှာ နှမ်းနက်၊ နှမ်းညို၊ နှမ်းဖြူ၊ မြေပဲလုံးဆံဖြူ၊ မြေပဲလုံးဆံနီဈေးနှုန်းများမြင့်တက်နေကြောင်းသိရသည်။ ဇူလိုင်လ စတုတ္ထပတ်တွင် နှမ်းညို တစ်တင်း ၁၀၃၀၀၀- ၁၀၈၀၀၀ကျပ်၊ နှမ်းနက် တစ်တင်း ၁၂၅၀၀၀-၁၆၅၀၀၀ ကျပ်၊ နှမ်းဖြူ တစ်တင်း ၁၂၀၀၀၀-၁၃၅၀၀၀ကျပ်ဖြစ်ကာ ယခင်ပတ် ကာလတူ ပေါက်ဈေးနှုန်းမှာ နှမ်းညို တစ်တင်း ၁၀၃၀၀၀-၁၀၇၀၀၀ကျပ်၊ နှမ်းဖြူ တစ်တင်း ၁၂၀၀၀၀-၁၃၄၀၀၀ကျပ်၊ နှမ်းနက် တစ်တင်း ၁၂၅၀၀၀-၁၅၀၀၀၀ကျပ်ရှိ၍ ယခုအပတ်နှင့် ယခင်အပတ် ကာလတူနှိုင်းယှဉ်ပါက နှမ်းညို တစ်တင်း ၁၀၀၀ကျပ်၊ နှမ်းနက် တစ်တင်း ၁၅၀၀၀ကျပ်နှင့် နှမ်းဖြူ တစ်တင်း ၁၀၀၀ ကျပ်နှုန်း မြင့်တက်နေကြောင်းသိရသည်။
ဇူလိုင်လ စတုတ္ထပတ်တွင် မြေပဲလုံးဆံပေါက်ဈေးနှုန်းနှင့် ဆီဈေးနှုန်းများမှာ မြေပဲလုံးဆံနီ တစ်ပိဿာ ၇၉၀၀-၈၀၀၀ကျပ်၊ မြေပဲလုံးဆံဖြူ တစ်ပိဿာ ၈၄၀၀ကျပ်ရှိပြီး ယခင်ပတ် ကာလတူ ပေါက်ဈေးနှုန်းမှာ မြေပဲလုံးဆံနီ တစ်ပိဿာ ၇၇၀၀-၇၈၀၀ ကျပ်၊ မြေပဲလုံးဆံဖြူ တစ်ပိဿာ ၈၀၀၀-၈၁၀၀ကျပ် ကာလတူအချိန်နှင့် နှိုင်းယှဉ်ပါက မြေပဲလုံးဆံနီ တစ်ပိဿာလျှင် ၂၀၀ကျပ်နှင့် မြေပဲလုံးဆံဖြူ တစ်ပိဿာလျှင် ၃၀၀ကျပ်မြင့်တက်နေကြောင်းသိရသည်။ ယခုတစ်ပတ်တွင် ပဲဆီတစ်ပိဿာ ၁၅၀၀၀-၁၅၅၀၀ ကျပ်၊ နှမ်းဆီ တစ်ပိဿာ ၁၄၀၀၀ကျပ်ဖြစ်ပြီး ပဲဖတ် တစ်ပိဿာ ၄၀၇၅ ကျပ်၊ နှမ်းဖတ် တစ်ပိဿာ ၂၉၀၀ ကျပ်၊ နေကြာဖတ် တစ်ပိဿာ ၁၉၇၀ ကျပ်ဖြင့် ရောင်းဝယ်နေကြောင်းသိရပါသည်။
