စစ်ကိုင်းတိုင်းဒေသကြီး၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအားထားလုပ်ကိုင်သော ဒေသတစ်ခုဖြစ်ပြီး၊ ကန့်ဘလူခရိုင်အတွင်း အဓိကစိုက်ပျိုးသည့် သီးနှံများတွင် တစ်ခုအပါအဝင်ဖြစ်သည့် ပဲစင်းငုံများ ရိတ်သိမ်းချိန်ဖြစ်ရာ ဈေးကွက်အတွင်းဈေးကောင်းရသဖြင့် စိုက်ပျိုးသူတောင်သူများ အဆင်ပြေလျက်ရှိကြောင်း သိရသည်။
ကန့်ဘလူခရိုင်အတွင်းရှိ ကျေးရွာများတွင် ရေမြေသဘာဝနှင့်ပိုမိုကိုက်ညီသည့် ပဲစင်းငုံသီးနှံများကို အခြားသီးနှံများထက် ပိုမိုစိုက်ပျိုးလျက်ရှိရာ အထွက်နှုန်းကောင်းမွန်ပြီး ဈေးကွက်အတွင်း ဈေးနှုန်းမြင့်တက်လျက်ရှိရာ ယခုနှစ် ဖေဖော်ဝါရီလ ပထမပတ်အတွင်းဖြစ်ပေါ်ခဲ့သော ပဲစင်းငုံဈေးနှုန်းများမှာ ပဲစင်းငုံနီ (၁)တင်းလျှင် ကျပ် ၁၂၀၀၀၀၊ ပဲစင်းငုံဖြူ (၁)တင်းလျှင် ကျပ် ၁၁၀၀၀၀ ဖြင့် အရောင်းအဝယ်ဖြစ်လျက်ရှိကြောင်း ယခင်နှစ်တွင် ပဲစင်းငုံနီ (၁)တင်းလျှင်ကျပ် ၆၅၀၀၀၊ ပဲစင်းငုံဖြူ (၁)တင်းလျှင် ကျပ် ၅၇၀၀၀ သာရှိခဲ့ပြီး ယခင်နှစ်နှင့်နှိုင်းယှဉ်ကြည့်လျှင် ပဲစင်းငုံဈေးနှုန်းများမှာ သိသိသာသာဈေးနှုန်းမြင့်တက်လာခဲ့ပြီး ပဲစင်းငုံနီ (၁)တင်းလျှင် ကျပ် ၅၅၀၀၀ နှင့် ပဲစင်းငုံဖြူ (၁) တင်းလျှင် ကျပ် ၅၃၀၀၀ ခန့်ပိုမိုရောင်းချရသဖြင့် စိုက်ပျိုးသူတောင်သူများ ဝင်ငွေတိုးကာ မိသားစုအဆင်ပြေလျက်ရှိကြောင်း တောင်သူဦးကျော်မောင်ထံမှ သိရသည်။
Source: https://www.doca.gov.mm
