မြဝတီကုန်သွယ်ရေးဇုန်မှ တစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက်လျက်ရှိရာ (၁၉-၂-၂၀၂၄)ရက်နေ့ ပို့ကုန်တင်ပို့မှုအနေဖြင့် လယ်ယာထွက်ကုန်ပစ္စည်းများဖြစ်သည့် ငရုတ် (အခြောက်)၊ ကြက်သွန်နီ၊ ပီလောပီနံ(အခြောက်)၊ ငရုတ် (အစို)၊ မကျည်းသီး(အစေ့ပါ)၊ ဇီးဖြူသီး (အခြောက်) နှင့် နနွင်းတက်တို့တင်ပို့ခဲ့ပါသည်။ ၁၉-၂-၂၀၂၄ ရက်နေ့ အများဆုံးတင်ပို့ခဲ့သည့် ပို့ကုန်ပစ္စည်းများမှာ ငရုတ် (အခြောက်)၊ ကြက်သွန်နီ၊ ပီလောပီနံ (အခြောက်)၊ ငရုတ်(အစို)၊ မကျည်းသီး(အစေ့ပါ)၊ ဇီးဖြူသီး(အခြောက်)နှင့် နနွင်းတက်တို့ဖြစ်ပါသည်။
ပုပ်သိုးပျက်စီးလွယ်သည့် ရေထွက်ကုန်ပစ္စည်းများ၊ ကုန်စိမ်းပို့ကုန်များဖြစ်သည့် ကြက်သွန်နီနှင့် ငရုတ်များကို လွယ်ကူလျင်မြန်စွာ တင်ပို့နိုင်ရေးအတွက် ကုန်ပစ္စည်းစစ်ဆေးမှုများတွင် ဦးစားပေး ဆောင်ရွက်ပေးလျက်ရှိပါသည်။ ယခုအခါထိုင်းနိုင်ငံမှ စားသောက်ကုန်လုပ်ငန်းများ တွင်ကျယ်စွာဆောင်ရွက်လာခြင်းကြောင့် စားသောက်ကုန်ပစ္စည်း ကုန်ကြမ်းဝယ်လိုအား မြင့်တက်နေ၍ လတ်တလောကာလများတွင် ပိုမိုတင်ပို့နိုင်ခဲ့ပါသည်။
၁၉-၂-၂၀၂၄ရက်နေ့ အများဆုံးတင်သွင်းခဲ့သည့် သွင်းကုန်ပစ္စည်းများမှာ ပလပ်စတစ်ကုန်ပစ္စည်းများ (၀.၁၅၄)ဒေါ်လာသန်း၊ အလှကုန်များ(၀.၁၅၁)ဒေါ်လာသန်း၊ စားသောက်ကုန် ပစ္စည်းများ (၀.၁၄၇) ဒေါ်လာသန်း၊ စက်မှုကုန်ကြမ်းများ (၀.၁၂၉) ဒေါ်လာသန်း၊ ဘတ္ထရီ (၀.၁၁၅)ဒေါ်လာသန်း၊ အခြားစက္ကူများ(၀.၁၁၂)ဒေါ်လာသန်း၊ ချည်ထည်များ (၀.၀၈၂)ဒေါ်လာသန်း၊ စက်အပိုပစ္စည်းများ (၀.၀၈၁)ဒေါ်လာသန်း၊ ဆောက်လုပ်ရေးလုပ်ငန်းသုံး ပစ္စည်းများ (၀.၀၆၈)ဒေါ်လာသန်းနှင့် လျှပ်စစ်ဓါတ်ဖြန့်ဖြူးရေးနှင့် တပ်ဆင်ရေးပစ္စည်းများ (၀.၀၆၈)ဒေါ်လာသန်း တို့ဖြစ်ပါသည်။
ပြင်ပငွေလဲနှုန်းအနေဖြင့် ယခင်အပတ်က တစ်ဘတ်လျှင် (၉၈.၀၃)ကျပ် ရှိပြီး ယခုအပတ်တွင် (၉၈.၅၂) ကျပ် ဖြစ်ပါသဖြင့် ဘတ်စျေးနှုန်းမြင့်တက်လျက်ရှိကြောင်း တွေ့ရှိရပါသည်။
၁၉-၂-၂၀၂၄ရက်နေ့ အများဆုံးတင်ပို့ခဲ့သည့် ပို့ကုန်ပစ္စည်းများမှာ ငရုတ်(အခြောက်) (၁)တန် လျှင် (၁၅၄၂.၀၈)ဒေါ်လာဖြင့် (၇၃.၉၂၆) တန်၊ (၀.၁၁၄) ဒေါ်လာသန်း၊ ကြက်သွန်နီ (၁) တန်လျှင် (၃၆၁.၈၆၀) ဒေါ်လာဖြင့် (၂၂၁.၀၈)တန်၊ (၀.၀၈)ဒေါ်လာသန်း၊ ပီလောပီနံ (အခြောက်) (၁)တန် လျှင် (၁၄၃.၅၉၀)ဒေါ်လာဖြင့် (၁၉၅)တန်၊ (၀.၀၂၈)ဒေါ်လာသန်း၊ ငရုတ်(အစို) (၁)တန်လျှင် (၃၁၅.၀၉၈) ဒေါ်လာဖြင့် (၅၇.၁၂၅)တန်၊ (၀.၀၁၈)ဒေါ်လာသန်း၊ မန်ကျည်းသီး(အစေ့ပါ) (၁)တန်လျှင် (၂၈၁.၂၅)ဒေါ်လာ ဖြင့် (၃၂)တန်၊ (၀.၀၀၉)ဒေါ်လာသန်း၊ ဇီးဖြူသီး(အခြောက်) (၁) တန် လျှင် (၁၁၂.၃၆၀) ဒေါ်လာဖြင့် (၁၇.၈)တန်၊ (၀.၀၀၂)ဒေါ်လာသန်းနှင့် နနွင်းတက် (၁)တန်လျှင် (၂၀၀)ဒေါ်လာဖြင့် (၁၀)တန် (၀.၀၀၂) ဒေါ်လာသန်း တို့ဖြစ်ပါသည်။
မြဝတီကုန်သွယ်ရေးဇုန်အနေဖြင့် ၂၀၂၄ ခုနှစ်၊ ဖေဖော်ဝါရီလ ၁ရက်နေ့မှ ၁၉ ရက်နေ့အထိ အမှန်ဆောင်ရွက်နိုင်မှုမှာ ပို့ကုန် (၈.၇၅၄) ကန်ဒေါ်လာသန်း၊ သွင်းကုန် (၂၀.၇၁၉) ကန်ဒေါ်လာသန်း၊ ကုန်သွယ်မှုပမာဏ (၂၉.၄၇၃) ကန်ဒေါ်လာသန်း ဆောင်ရွက်နိုင်ခဲ့ပါသည်။
Source: https://commerce.gov.mm
