မြိတ်မြို့နယ်တွင် ဒေသတွင်းစားသုံးရန်အတွက် သီးနှံများ စိုက်ပျိုးကြပြီး အခြားဒေသမှ ဝင်ရောက်လာသော ခရမ်းချဥ်သီး၊ ခရမ်းသီး၊ ရုံးပတေသီး၊ ရွှေဖရုံသီး၊ ခဝဲသီးအစရှိသည့် သီးနှံများကို တင်သွင်းရောင်းချလျက်ရှိပါသည်။ ဒန့်သလွန်သီးကို မြိတ်မြို့မှာ စီးပွားရေးဖြစ် စိုက်ပျိုးလျက်ရှိပြီး ဇန်နဝါရီလထက် ဖေဖော်ဝါရိလတွင် ဈေးနှုန်းများကျဆင်းသွားကြောင်း သိရှိရပါသည်။ ခရီးလမ်း အခြေအနေ ကြောင့် တင်သွင်းလာသည့်သီးနှံများဈေးတက်နေသည့် အချိန်မှာ ဒန့်သလွန်သီးများမှ ပေါ်ဦးပေါ်ဖျားဖြစ်သည့်အပြင် ယခုဖေဖော်ဝါရီလတွင် ထွက်များသောကြောင့် ဈေးနှုန်းများ ကျဆင်း သွားကြောင်း သိရှိရပါသည်။ ဈေးကျဆင်းနေသော်လည်း ဒန့်သလွန်သီးမှာ လူကြိုက်များပြီး ရောင်း အားကောင်းကြောင်း သိရှိရပါသည်။ တစ်နှစ်မှ တစ်ရာသီတွင် စားသုံးရသော ဒန့်သလွန်သီးမှာ မြိတ်ခရိုင်၊ မြိတ်မြို့နယ် အတွင်းရှိဈေးများတွင် ရောင်းချလာကြောင်းတွေ့ရပါသည်။
ဒန့်သလွန်သီးကို ခရမ်းချဉ်သီး၊ ဘူးသီးတို့နှင့် တွဲဖက်၍ ချဉ်ဟင်းချက်စားခြင်း၊ ငါးခြောက်၊ ငါးခြောက်ရိုးများနှင့် ချက်စားခြင်း၊ဟင်းခါးရည်ချက်၍ စားသုံးခြင်းဖြင့် ထမင်းမြိန်စေသောဟင်း တစ်ခွက်ရရှိစေနိုင်ပါသည်။ ထို့ကြောင့် ရာသီပေါ်ဒန့်သလွန်သီးကို ကျန်းမာရေးအတွက် လည်း ကောင်း၊ ထမင်းမြိန်စေသော ဟင်းတစ်ခွက်အဖြစ်လည်းကောင်း စားသုံးနိုင်သော အစားအစာတစ်ခု ဖြစ်ကြောင်းသိရှိရပါသည်။
၂၀၂၆ခုနှစ်၊ ဇန်နဝါရီလတွင် မြိတ်မြို့နယ်တွင် ဒန့်သလွန်သီး ဆယ်လုံးပါတစ်စည်းလျှင် (၅၀၀၀)ကျပ်ဖြစ် ရှိပြီး ဖေဖော်ဝါရီလနောက်ဆုံးပတ်တွင် ဒန့်သလွန် ဆယ်လုံးပါတစ်စည်းလျှင် (၃၅၀၀)ကျပ်ရှိကြောင်း သိရှိရပါသည်။
Source: https://www.doca.gov.mm/
