မကွေးတိုင်းဒေသကြီး ဆိပ်ဖြူမြို့နယ်၌ မိုးနှောင်းချည်မျှင်ရှည် ဝါစိုက်ခင်းများအောင်မြင်ဖြစ်ထွန်း၍ ဒေသခံတောင်သူ များ ဝါစိုက်ပျိုးထုတ်လုပ်ခြင်းဖြင့် မိသားစုဝင်ငွေရရှိကြောင်း သိရသည်။ ၂၀၂၄-၂၀၂၅ ဘဏ္ဍာနှစ်၌ ဆိပ်ဖြူမြို့နယ်တွင် ဝါကြီး၊ ချည်မျှင်ရှည်၊ ငွေချည်-၉၊ ရွှေတောင်-၈ နှင့် ၁၀၊ B-31 ဝါမျိုးများကို စိုက်ပျိုးဆောင်ရွက်ခဲ့ပြီး စုစုပေါင်း ဝါသီးနှံ စိုက်ဧက ၂၉၁၂ ဧက စိုက်ပျိုးဆောင်ရွက်နိုင်ခဲ့သည်။ ဒေသခံဝါစိုက်တောင်သူများအနေဖြင့် ဝါစိုက်ပျိုးမှု အောင်မြင်ဖြစ် ထွန်းခဲ့ပြီး ဈေးကောင်းများရရှိခဲ့ကြောင်း ဝါစိုက်ပျိုးထုတ်လုပ်မှု တစ်ဧကလျှင် ပိဿာချိန် ၆၀၀ မှ ၈၅၀ ပိဿာအထိ ထွက်ရှိကြောင်း၊ ဈေးကွက်အနေဖြင့် ချောက်မြို့ စလေဈေးကွက်တို့ရှိ ဝါအဝယ်ဒိုင်များသို့ သွားရောက်ရောင်းချခြင်း၊ ကျေးရွာများအရောက်လာရောက်ဝယ်သူရောင်းချခြင်းများဆောင်ရွက်ကြပြီး ဝါစိုက်တောင်သူများအနေဖြင့် ဝါစိုက်ပျိုး ထုတ်လုပ်မှုမှ မိသားစုဝင်ငွေရရှိကြောင်း သိရှိရသည်။

Source: ကြေးမုံသတင်းစာ