ကော်လာဖြူအလုပ်အကိုင်ခန့်ထားမှုများ ကျဆင်းသွားသော်လည်း အလုပ်သင်နှင့်ကော်လာပြာ အလုပ်အကိုင် နေရာခန့်ထားမှုများမြင့်မားလာသဖြင့် ယူအေအီးနို်ငငံ၏အလုပ်အကိုင်စျေးကွက် သည် အလားအလာရှိသော ၂၀၂၅ ခုနှစ်အတွက် ပြင်ဆင်ထားရှိကြောင်း အလုပ်အကိုင်ရှာဖွေခေါ်ယူ ရေးအုပ်စုတစ်ခုဖြစ်သည့် Innovations Group ၏ အစီရင်ခံစာအရ သိရှိရပါသည်။
၂၀၂၄ ခုနှစ် ရှိ အဓိကလမ်းကြောင်းများနှင့် ၂၀၂၅ အတွက်အလားအလာ
ကော်လာပြာအလုပ်အကိုင်ကဏ္ဍများ တိုးတက်မှု - ဆောက်လုပ်ရေးလုပ်ငန်းများ၊ ထောက်ပံ့ ပို့ဆောင်ရေးလုပ်ငန်းများနှင့် ဆိပ်ကမ်းစီမံခန့်ခွဲမှုလုပ်ငန်းများတွင် ကြီးမားသောအခြေခံအဆောက် အအုံစီမံကိန်းလုပ်ငန်းများနှင့် ကုန်တင်ကုန်ချဆောင်ရွက်မှုလုပ်ငန်းများ ပိုမိုများပြားလာခဲ့ခြင်း ကြောင့် ၂၀၂၄ ခုနှစ်အတွင်း ၆၉ % မြင့်တက်လာခဲ့ပါသည်။
အလုပ်သင်နေရာခန့်ထားမှုများ ထွန်းကားလာခြင်း- လုပ်ငန်းသစ်များအနေဖြင့် ဧည့်ကြိုဝန်ဆောင် မှုလုပ်ငန်းများ၊ ကုန်စည်သိုလှောင်သိမ်းဆည်းမှုလုပ်ငန်းများနှင့် အရောင်းအမှုဆောင်လုပ်ငန်းများ တည်ထောင်မှုများပြားလာကာ အလုပ်အကိုင်နေရာခန့်ထားမှုများအတွက် လိုအပ်ချက်များကိုလှုံ့ ဆော်ပေးလျှက်ရှိပြီး ယူအေအီးနိုင်ငံ၏စီးပွားရေးတိုးတက်မှုကို ထင်ဟပ်လျှက်ရှိပါသည်။
ကော်လာဖြူအလုပ်အကိုင်များ လျှော့ကျလာခြင်း- ကမ္ဘာလုံးဆိုင်ရာ အချက်အချာကျမှုနှင့်အလိုအ လျောက်ဆောင်ရွက်မှုများတို့ကြောင့် ဗဟိုချုပ်ကိုင်နိုင်မှုပေါ်ပေါက်လာခဲ့ကာ ပံ့ပိုးမှုလုပ်ငန်းဆောင် တာများတွင် အလုပ်အကိုင်ငှားရမ်းခြင်းမှာ ၂၁ % ကျဆင်းသွားခဲ့ပါသည်။ သို့သော်လည်း အရောင်း လုပ်ငန်းများနှင့် စီးပွားရေးဖွံ့ဖြိုးတိုးတက်ရေးလုပ်ငန်းများမှာ အရေးကြီးသောအခန်းကဏ္ဍတွင် ပါဝင်လျှက်ရှိပါသည်။ဆောက်လုပ်ရေးနှင့် အခြေခံအဆောက်အဦလုပ်ငန်းများ- အကြီးစားဖွံ့ဖြိုးတိုးတက်မှုများနှင့် စံချိန် တင်ရောင်းချမှုများသည် ဆောက်လုပ်ရေးလုပ်သားလိုအပ်ချက်များကို မြင့်တက်လျှက်ရှိပါသည်။ထောက်ပံ့ပို့ဆောင်ရေးနှင့် ကျန်းမာရေးစောင့်ရှောက်မှုလုပ်ငန်းများ- ဤကဏ္ဍများတွင် တိုးတက်မှု သည် အစိုးရ၏မတူကွဲပြားမှုနှင့်မြစိမ်းရောင်အစပျိုးဆောင်ရွက်မှုလုပ်ငန်းများစသည်တို့နှင့် ဆက်စပ် လျှက်ရှိပါသည်။ မြင့်တက်လာနေသည့် နည်းပညာဆိုင်ရာအခန်းကဏ္ဍ- ဉာဏ်ရည်တု (AI) ၊ စက်ရုပ်များနှင့် ဆိုက် ဘာလုံခြုံရေးကဏ္ဍတို့ကို အာရုံစူးစိုက်မှုတိုးမြှင့်လာခြင်းသည် ဘာသာရပ်ဆိုင်ရာအထူးပြုအရည် အချင်းရှိသူများအတွက် အခွင့်အလမ်းများကို ပေးစွမ်းပါသည်။
စီးပွားရေးလုပ်ငန်းရှင်များအနေဖြင့် တိုးတက်ပြောင်းလဲနေသောခေတ်၏ တောင်းဆိုချက်များကို ဖြည့်ဆည်းနိုင်ရန်အတွက် ကျွမ်းကျင်မှု၏အရေးပါမှုအပေါ် အလေးပေးလာခဲ့ကြပါသည်။ ဒစ်ဂျစ် တယ်လုပ်ငန်းကိရိယာများ၊ ဉာဏ်ရည်တု (AI) ကျွမ်းကျင်မှုနှင့် နည်းပညာဗဟိုပြုလုပ်ငန်း အခန်း ကဏ္ဍများသည် ပညာရှင်များနှင့်သက်ဆိုင်ရာလုပ်ငန်းကျွမ်းကျင်သူများအားနည်းပညာဆိုင်ရာ ပြုပြင်ပြောင်းလဲမှုများတွင် ပါ၀င်ပတ်သက်နေစေမည်မှာ အသေအချာပင်ဖြစ်ပါသည်။
ကော်လာဖြူအလုပ်အကိုင်အခွင့်အလမ်းများ ယာယီကျဆင်းသွားခြင်းသည် မျှတပြီးကွဲပြားခြားနား သောအလုပ်အကိုင်စျေးကွက်အား လမ်းခင်းပေးသွားမည်ဖြစ်သောကြောင့် လုပ်ငန်းကဏ္ဍများလိုက် လျောညီထွေဖြစ်စေရန်အတွက် တည်ငြိမ်လာမည်ဖြစ်ကြောင်း အလုပ်အကိုင်ရွေးချယ်ခန့်ထားသူ များမှ အပြုသဘောသုံးသပ်ထားရှိပါကြောင်းဖြင့် သတင်းဌာနမှဖော်ပြထားပါသည်။
စီးပွားရေးသံမှူး၊ ဒူဘိုင်းမြို
