ဆန်သည် ၂၀၂၄ ခုနှစ်၊ ပထမခြောက်လအတွင်း ဖိလစ်ပိုင်နိုင်ငံသို့ တင်ပို့မှု တန်ဖိုးအမြင့်ဆုံးသော ဗီယက်နမ်ထုတ်ကုန်ဖြစ်ခဲ့ပြီး ကုန်သွယ်မှုပမာဏ အမေရိကန်ဒေါ်လာ ၁.၂ ဘီလီယံဖြင့် ယမန်နှစ်အလားတူကာလကထက် ၄၁% မြင့်တက်ခဲ့သည်။ ဗီယက်နမ်နိုင်ငံ၏ ဆန်သည် ဖိလစ်ပိုင်နိုင်ငံတွင် နှစ်ပေါင်းများစွာ ဈေးကွက်ကို ဦးဆောင်နေကြောင်း ဖိလစ်ပိုင်နိုင်ငံရှိ ဗီယက်နမ်ကုန်သွယ်ရေးရုံး၏ အချက်အလက်များအရ သိရသည်။

ဇွန်လတွင် ဖိလစ်ပိုင်နိုင်ငံသည် ၂၀၂၈ ခုနှစ်အထိ ဆန်တင်သွင်းခွန်များအား ၃၅% မှ ၁၅% သို့ လျှော့ချခဲ့ပြီး သွင်းကုန်ပမာဏတန်ချိန် ၄ သန်းမှ ၄.၅ သန်းထိ တိုးမြင့်လာမည်ဟု ခန့်မှန်းထားကြသည်။ ထိုသို့ ဆန်တင်သွင်းမှု အခွင့်အလမ်းများတိုးလာသော်လည်း သွင်းအားစုဈေးနှုန်းများ ကြီးမြင့်မှုနှင့် ဆန်ထောက်ပံ့မှု အားလျော့နည်းသွားစေနိုင်သည့် မုန်တိုင်းသက်ရောက်မှုတို့ကြောင့် စီးပွားရေးလုပ်ငန်းအများအပြားက သတိထားနေကြဆဲဖြစ်သည်။

ဖိလစ်ပိုင်နိုင်ငံရှိ ဗီယက်နမ်ကုန်သွယ်မှုရုံးမှ စီးပွားရေးလုပ်ငန်းများသည် အပြိုင်အဆိုင် ဈေးနှုန်းများပေးဆောင်ရန်နှင့် ဈေးကွက်ဝေစုကို ထိန်းသိမ်းရန် ကုန်ကျစရိတ်များကို သင့်တင့်မျှတမှု ရှိအောင်ပြုလုပ်ရန် လိုအပ်ကြောင်းအကြံပြုထားသည်။ တစ်ချိန်တည်းမှာပင် စက်မှုနှင့်ကူးသန်းရောင်းဝယ်ရေးဝန်ကြီးဌာန၊ သံရုံးနှင့် ဗီယက်နမ်ကုန်သွယ်ရေးရုံးတို့ကလည်း ကုန်သွယ်မှုမြှင့်တင်ရေး၊ ပို့ကုန်တန်ဖိုးမြှင့်တင်ရေးနှင့် ထုတ်ကုန်အရည်အသွေးမြှင့်တင်ရေး တို့ကိုပံ့ပိုးကူညီသွားမည်ဖြစ်ကြောင်းသိရသည်။

၂၀၂၃ ခုနှစ်တွင် ဗီယက်နမ်နိုင်ငံသည် ဖိလစ်ပိုင်နိုင်ငံသို့ ဆန်တန်ချိန် ၃ သန်းကျော်တင်ပို့ခဲ့ပြီး ၂၀၂၂ ခုနှစ်နှင့် နှိုင်းယှဉ်ပါက ၃% ကျဆင်းသွားခဲ့သည်။ သို့သော်လည်း ဈေးနှုန်းများမြင့်တက်လာမှုကြောင့် ပို့ကုန်တန်ဖိုးသည် ဒေါ်လာ ၁.၇၅ ဘီလီယံအထိ ရောက်ရှိခဲ့ပြီး ယခင်နှစ်နှင့် နှိုင်းယှဉ်ပါက ၁၇.၆% တိုးလာခဲ့သည်။

Source : vnexpress

Source: https://www.doca.gov.mm